អន្តរជាតិ
នាយកមន្ត្រីម៉ាឡេស៊ីប្រាប់ឲ្យសមាជិកអាស៊ានគិតគូរសេចក្តីសុខប្រជាជនខ្លួនជាចម្បង
×![]()
ក្នុងពិធីរម្លឹកខួប៥០ឆ្នាំរបស់អាស៊ានដែលបានធ្វើឡើងនៅម៉ាឡេស៊ីដើមសប្តាហ៍នេះ នាយករដ្ឋមន្ត្រីម៉ាឡេស៊ីលោក ណាជីប រ៉ាហ្សាក់ (Najib Razak) បានរៀបរាប់ពីកិច្ចការចម្បងមួយចំនួនរបស់អាស៊ាន។នាយករដ្ឋមន្ត្រីរូបនេះបានបញ្ជាក់ថា ការគិតគូរពីអភិបាលកិច្ច តម្លាភាព និង តម្កល់ប្រយោជន៍ប្រជាជនជាចម្បងជាកិច្ចការសំខាន់បំផុតដែលអាស៊ានត្រូវធ្វើ។
នាយករដ្ឋមន្ត្រីម៉ាឡេស៊ីលោក ណាជីព រ៉ាហ្សាក់ បានរៀបរាប់ពីកិច្ចការចម្បងមួយចំនួនរបស់អាស៊ានក្នុងកម្មវិធីរម្លឹកខួប ៥០ ឆ្នាំរបស់អាស៊ានដែលធ្វើឡើងនៅម៉ាឡេស៊ី។
យោងតាមសារព័ត៌មាន The Star លោក ណាជីប បានរៀបរាប់ដូច្នេះថា៖«អភិបាលកិច្ចល្អ តម្លាភាពនិងការបង្កើតឱកាសឲ្យកាន់តែច្រើនត្រូវរាប់បញ្ជូលជាកិច្ចការចម្បងរបស់រដ្ឋាភិបាលសមាជិកអាស៊ានទាំងអស់។ ម្យ៉ាងវិញទៀត ការលើកកម្ពស់ជីវភាពប្រជាជន និងតម្លៃស្ដ្រី គាំទ្រការអភិវឌ្ឍជានិរន្តភាព និងការបង្កើតឱកាសគួរតែដាក់ក្នុងរបៀបវារៈនៃរដ្ឋសមាជិកអាស៊ាន»។
លោកបានសង្កត់ធ្ងន់ទៀតថា កិច្ចការចម្បងដែលអាស៊ានត្រូវធ្វើគឺការគិតគូរពីប្រជាជនជាធំ។ វាមានន័យថា អាស៊ានត្រូវតែយកចិត្តទុកដាក់ពីបំណងប្រាថ្នារបស់ប្រជាជនមុនគេ។ នាយករដ្ឋមន្ត្រីម៉ាឡេស៊ីរូបនេះក៏បញ្ជាក់ផងដែរថា លោកមានមោទនភាពខ្លាំងណាស់ចំពោះការចេញសេចក្ដីថ្លែងការណ៍បង្កើតសហគមន៍អាស៊ានពេលដែលម៉ាឡេស៊ីធ្វើជាប្រធានក្នុងឆ្នាំ២០១៥។
«សមាជិកអាស៊ានត្រូវតែខិតខំធ្វើឲ្យប្រជាជន ស្ថាប័ន ឬអ្វីផ្សេងៗទៀតនៅក្នុងតំបន់ជាប់ទាក់ទងគ្នាដែលអាចឲ្យប្រជាជនអាស៊ានមើលឃើញច្បាស់ ព្រោះចាំបាច់ត្រូវប្រុងប្រយ័ត្នពីប្រវត្តិសាស្ដ្រ និងសមិទ្ធផលអាស៊ានផង រួមទាំងពន្យល់ពីគម្រោងនាពេលអនាគត។ ដូច្នេះ នៅថ្ងៃខាងមុខប្រជាជនម៉ាឡេស៊ីនឹងគិតថាខ្លួនជាប្រជាជនអាស៊ានជាងប្រជាជនម៉ាឡេស៊ី។ នេះជាការបញ្ជាក់បន្ថែមរបស់លោក ណាជីប។
ដោយឡែក ពិធីរម្លឹកខួប៥០ឆ្នាំនៃការបង្កើតអាស៊ានមិនត្រឹមតែជាព្រឹត្តិការណ៍ដ៍សំខាន់សម្រាប់អាស៊ានទាំងមូលប៉ុណ្ណោះទេ ប៉ុន្តែក៏ជាព្រឹត្តិការណ៍ដ៍មានតម្លៃសម្រាប់លោកនាយករដ្ឋមន្ត្រីម៉ាឡេស៊ីផ្ទាល់តែម្ដង។ មូលហេតុមកពីឪពុករបស់លោក គឺ លោក Abdul Razak Hussein ធ្លាប់ជាអ្នកតំណាងឲ្យម៉ាឡេស៊ីក្នុងការចុះហត្ថលេខាលើសេចក្ដីថ្លែងការណ៍ក្រុងបាងកកក្នុងការបង្កើតអាស៊ាន។
សូមបញ្ជាក់ថា ចាប់តាំងពីអាស៊ានបានកកើតមក ស្ថេរភាពនិងសេដ្ឋកិច្ចរបស់ប្រទេសក្នុងតំបន់មានការរីកចម្រើនយ៉ាងឆាប់រហ័ស។ ស្របពេលជាមួយគ្នានេះដែរ សមាជិកអាស៊ានទាំងអស់រក្សាមិត្តភាពដោយការសម្រេចចិត្តជាឯកច្ឆ័ន្ទ និងគោរពអធិបតេយ្យគ្នាទៅវិញទៅមក។សមាជិកទាំងអស់រួបរួមគ្នាក្នុងនាមជាអាស៊ាន ប៉ុន្តែមិនលូកលាន់រឿងផ្ទៃក្នុងរបស់គ្នាឡើយ៕
នាយករដ្ឋមន្ត្រីម៉ាឡេស៊ីលោក ណាជីព រ៉ាហ្សាក់ បានរៀបរាប់ពីកិច្ចការចម្បងមួយចំនួនរបស់អាស៊ានក្នុងកម្មវិធីរម្លឹកខួប ៥០ ឆ្នាំរបស់អាស៊ានដែលធ្វើឡើងនៅម៉ាឡេស៊ី។
យោងតាមសារព័ត៌មាន The Star លោក ណាជីប បានរៀបរាប់ដូច្នេះថា៖«អភិបាលកិច្ចល្អ តម្លាភាពនិងការបង្កើតឱកាសឲ្យកាន់តែច្រើនត្រូវរាប់បញ្ជូលជាកិច្ចការចម្បងរបស់រដ្ឋាភិបាលសមាជិកអាស៊ានទាំងអស់។ ម្យ៉ាងវិញទៀត ការលើកកម្ពស់ជីវភាពប្រជាជន និងតម្លៃស្ដ្រី គាំទ្រការអភិវឌ្ឍជានិរន្តភាព និងការបង្កើតឱកាសគួរតែដាក់ក្នុងរបៀបវារៈនៃរដ្ឋសមាជិកអាស៊ាន»។
លោកបានសង្កត់ធ្ងន់ទៀតថា កិច្ចការចម្បងដែលអាស៊ានត្រូវធ្វើគឺការគិតគូរពីប្រជាជនជាធំ។ វាមានន័យថា អាស៊ានត្រូវតែយកចិត្តទុកដាក់ពីបំណងប្រាថ្នារបស់ប្រជាជនមុនគេ។ នាយករដ្ឋមន្ត្រីម៉ាឡេស៊ីរូបនេះក៏បញ្ជាក់ផងដែរថា លោកមានមោទនភាពខ្លាំងណាស់ចំពោះការចេញសេចក្ដីថ្លែងការណ៍បង្កើតសហគមន៍អាស៊ានពេលដែលម៉ាឡេស៊ីធ្វើជាប្រធានក្នុងឆ្នាំ២០១៥។
«សមាជិកអាស៊ានត្រូវតែខិតខំធ្វើឲ្យប្រជាជន ស្ថាប័ន ឬអ្វីផ្សេងៗទៀតនៅក្នុងតំបន់ជាប់ទាក់ទងគ្នាដែលអាចឲ្យប្រជាជនអាស៊ានមើលឃើញច្បាស់ ព្រោះចាំបាច់ត្រូវប្រុងប្រយ័ត្នពីប្រវត្តិសាស្ដ្រ និងសមិទ្ធផលអាស៊ានផង រួមទាំងពន្យល់ពីគម្រោងនាពេលអនាគត។ ដូច្នេះ នៅថ្ងៃខាងមុខប្រជាជនម៉ាឡេស៊ីនឹងគិតថាខ្លួនជាប្រជាជនអាស៊ានជាងប្រជាជនម៉ាឡេស៊ី។ នេះជាការបញ្ជាក់បន្ថែមរបស់លោក ណាជីប។
ដោយឡែក ពិធីរម្លឹកខួប៥០ឆ្នាំនៃការបង្កើតអាស៊ានមិនត្រឹមតែជាព្រឹត្តិការណ៍ដ៍សំខាន់សម្រាប់អាស៊ានទាំងមូលប៉ុណ្ណោះទេ ប៉ុន្តែក៏ជាព្រឹត្តិការណ៍ដ៍មានតម្លៃសម្រាប់លោកនាយករដ្ឋមន្ត្រីម៉ាឡេស៊ីផ្ទាល់តែម្ដង។ មូលហេតុមកពីឪពុករបស់លោក គឺ លោក Abdul Razak Hussein ធ្លាប់ជាអ្នកតំណាងឲ្យម៉ាឡេស៊ីក្នុងការចុះហត្ថលេខាលើសេចក្ដីថ្លែងការណ៍ក្រុងបាងកកក្នុងការបង្កើតអាស៊ាន។
សូមបញ្ជាក់ថា ចាប់តាំងពីអាស៊ានបានកកើតមក ស្ថេរភាពនិងសេដ្ឋកិច្ចរបស់ប្រទេសក្នុងតំបន់មានការរីកចម្រើនយ៉ាងឆាប់រហ័ស។ ស្របពេលជាមួយគ្នានេះដែរ សមាជិកអាស៊ានទាំងអស់រក្សាមិត្តភាពដោយការសម្រេចចិត្តជាឯកច្ឆ័ន្ទ និងគោរពអធិបតេយ្យគ្នាទៅវិញទៅមក។សមាជិកទាំងអស់រួបរួមគ្នាក្នុងនាមជាអាស៊ាន ប៉ុន្តែមិនលូកលាន់រឿងផ្ទៃក្នុងរបស់គ្នាឡើយ៕
Tag:
អាស៊ាន
Seri Najib Razak
© រក្សាសិទ្ធិដោយ thmeythmey.com
