ពីនេះ ពីនោះ
ព័ត៍មានសុខភាព
ពោះចេះតែកូរគ្រូកៗជាប់ មិនមែនឃ្លានទេ តើគួរធ្វើដូចម្តេចទើបបាត់ទៅ?
× ធម្មតាយើងតែងតែសម្គាល់ដឹងថា កាលណាកូរពោះមានន័យថាឃ្លានបាយហើយ ប៉ុន្តែករណីខ្លះ ការកូរពោះមិនមែនជាសញ្ញាឃ្លានអាហារទេ ប៉ុន្តែវាជាសម្លេងកើតចេញពីពោះវៀនតូច និងពោះវៀនធំ។ ភាគច្រើនសម្លេងកូរពោះគ្រូកៗបែបនេះគឺជារឿងធម្មតាទេ ប៉ុន្តែការដែលរឿងនេះកើតឡើងញឹកញាប់ និងមានសម្លេងបែបមិនធម្មតាវិញ នោះអាចបញ្ជាក់អំពីបញ្ហាអ្វីមួយក្នុងប្រព័ន្ធរំលាយអាហារហើយ។
ចំពោះសម្លេងកូរក្នុងពោះធម្មតាគឺមិនចាំបាច់ព្យាបាលអ្វីឡើយ ប៉ុន្តែអ្នកអាចកាត់បន្ថយអាហារដែលធ្វើឲ្យកើតខ្យល់ក្នុងពោះវៀនច្រើនវិញដូចជា៖
• ផ្លែឈើ
• សណ្តែក
• អាហារដែលមានជាតិផ្អែមសិប្បនិមិត្ត
• ភេសជ្ជៈ Carbonate
• បន្លែដូចជា ស្ពៃក្តោប និងប្រូខូលី
ការដែលលេបខ្យល់ច្រើនតាមរយៈការញ៉ាំអាហារលឿនពេក ប្រើទុយោរបឺតទឹក ឬទំពារស្ករកៅស៊ូក៏នាំឲ្យកើតខ្យល់ច្រើនក្នុងផ្លូវក្រពះពោះវៀនដែរ។ យកល្អគួរតែចាំថា សម្លេងកូរក្នុងពោះភាគច្រើនគឺមានតែអ្នកទេទើបលឺ ហើយអ្នកផ្សេងគឺមិនដឹងឡើយ៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com