ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
ហេតុអ្វីបានជាជនជាតិហ្វីលីពីនភាគច្រើនច្រៀងពីរោះ?
16, Apr 2018 ,
11:39 am
រូបភាព
×
ដោយ:
ធីតា
Ellen DeGeneres តាមរយៈ Twitter របស់ខ្លួន ធ្លាប់សរសើរមិនដាច់ពីមាត់ចំពោះទេពកោសល្យរបស់ជនជាតិហ្វីលីពីនក្នុងការច្រៀង។ តារាទូរទស្សន៍ដ៏ល្បីល្បាញលើពិភពលោករូបនេះ ធ្លាប់បានអញ្ជើញអ្នកចម្រៀងហ្វីលីពីនវ័យក្មេងម្នាក់ឈ្មោះ Charice Pempengco [បច្ចុប្បន្នប្តូរភេទទៅជាប្រុសដោយមានឈ្មោះថា Jake Zyrus] ចូលក្នុងកម្មវិធី Ellen Show របស់ខ្លួន ដែលធ្វើឲ្យមានការចាប់អារម្មណ៍យ៉ាងខ្លាំង។ បន្ទាប់មក Ellen បានអញ្ជើញហ្វីលីពីនផ្សេងៗ ជាពិសេសអ្នកដែលមិនល្បីល្បាញ ប៉ុន្តែសំនៀងរបស់ពួកគេសុទ្ធតែអស្ចារ្យ។
ជនជាតិហ្វីលីពីនមួយចំនួនល្បីល្បាញដោយសារតែការបកស្រាយចម្រៀង (Cover) របស់តារាល្បីៗ ហើយបង្ហោះលើ Youtube ឬហ្វេសប៊ុក បន្ថែមពីលើនេះ ពួកគេមានវត្តមានមិនសូវលោះឡើយក្នុងកម្មវិធីប្រឡងចម្រៀងលំដាប់ពិភពលោក The Voice ឬ American Idol ដើម្បីបង្ហាញសមត្ថភាពច្រៀងរបស់ខ្លួន។
អ្នកចម្រៀងដើមកំណើតហ្វីលីពីនដែលកំពុងមានភាពល្បីល្បាញ មានដូចជា Jessica Sanchez, Brad Estrin, Jose Penala, Thia Megia, Camille Velasco, Jasmine Trias, Ramile Malubay ឬ Katriz Trinidad ជាដើម។
ហេតុអ្វីបានជាជនជាតិហ្វីលីពីនមានសំឡេងពីរោះយ៉ាងដូច្នេះ?
Archipelago Files
ប្លុកដ៏ល្បីល្បាញមួយនៅហ្វីលីពីន បានបង្ហាញហេតុផលសំខាន់ៗចំនួន៥ ។
១. ការអបអរ និងព្រឹត្តិការណ៍ភាគច្រើននៅហ្វីលីពីនតែងតែភ្ជាប់ជាមួយនឹងការច្រៀង
មិនថាជាការអបអរកម្មវិធីគ្រួសារ ខួបកំណើត បុណ្យជាតិ ឬបុណ្យឯករាជ្យជាតិនោះឡើយ ប្រជាជនហ្វីលីពីន តែងតែនាំគ្នាច្រៀងកម្សាន្តជានិច្ច ជាពិសេសនៅតាមខារ៉ាអូខេ។ សូម្បីតែពិធីបុណ្យសព មានការច្រៀងផងដែរ ដូចជាបទ My Way របស់ Frank Sinatra ជាដើម។
២. កម្មវិធីប្រឡងចម្រៀងមានច្រើនសន្ធឹកសន្ធាប់
ការប្រឡងចម្រៀងថ្នាក់ជាតិ ឬតាមកម្មវិធីទូរទស្សន៍មានច្រើនលើកច្រើនសារជារៀងរាល់ឆ្នាំ ប៉ុន្តែអ្វីដែលគួរឲ្យកត់សម្គាល់ផងដែរ ឱកាសប្រកួតប្រជែងផ្នែកសំឡេង តែងតែមានការរៀបចំផងដែរនៅតាមក្រុមហ៊ុន។ នៅពិធីសម្ពោធ ឬជួបជុំប្រចាំឆ្នាំ ក្រុមហ៊ុនជាច្រើនបានរៀបចំឲ្យបុគ្គលិកប្រកួតប្រជែងគ្នាផ្នែកចម្រៀងដើម្បីយកពានរង្វាន់ និងប្រាក់រង្វាន់។
៣. ច្រៀងនៅទីសាធារណៈជាផ្នែកមួយនៃវប្បធម៌របស់ហ្វីលីពីន
ពលរដ្ឋហ្វីលីពីន ត្រូវបានលើកទឹកចិត្តឲ្យស្រែកច្រៀងនៅតាមទីសាធារណៈ ដោយមិនបារម្ភ ឬក្រែងចិត្តអ្នកដទៃ ដែលនេះត្រូវបានចាត់ទុកជាផ្នែកមួយនៃវប្បធម៌ហ្វីលីពីន។ នៅតាមផ្សារ ឬប្រជុំជនផ្សេងៗ គេសង្កេតឃើញមានការបំពាក់ខារ៉ាអូខេ ដែលអនុញ្ញាតឲ្យមនុស្សច្រៀងដោយសេរី។
៤. ពលរដ្ឋហ្វីលីពីនយកការច្រៀងដើម្បីបំបាត់អារម្មណ៍តប់ប្រម៉ល់
ដូចជាការរៀបរាប់ខាងលើ ដែលថា សូម្បីតែបុណ្យសព ក៏ជនជាតិហ្វីលីពីនច្រៀងដែរ។ ករណីនេះ បានបង្ហាញថា គ្រប់កាលៈទេសៈ ទាំងពេលសប្បាយ ទាំងពេលធុញថប់អារម្មណ៍ ជនជាតិហ្វីលីពីន មិនអាចបាត់សេចក្តីស្រឡាញ់របស់ខ្លួនចំពោះតន្ត្រីនោះឡើយ។
៥. បើនិយាយពីសិល្បៈកម្សាន្ត ការច្រៀងគឺជាជម្រើសចម្បងជាងគេនៅហ្វីលីពីន
ជនជាតិហ្វីលីពីនអាចមិនទិញសំបុត្រមើលភាពយន្ត ឬមិនអាចចំណាយលុយសម្រាប់ដើរលំហែរកាយនៅពេលទំនេរ ប៉ុន្តែពួកគេមិនដែលចោលជម្រើសនៃការច្រៀងនោះឡើយ។ នៅហ្វីលីពីន តន្ត្រី និងខារ៉ាអូខេ មានតម្លៃថោក ហើយភាគច្រើនមិនគិតថ្លៃ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
តន្ត្រី
ហ្វីលីពីន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម