ក្រសួងទេសចរណ៍ស្នើឲ្យទប់ស្កាត់ការនាំចូលវត្ថុអនុស្សាវរីយ ខណៈទេសចរចំណាយ២០ភាគរយលើផលិតផលនេះ

ជាតិ

សេដ្ឋកិច្ច

ក្រសួងទេសចរណ៍ស្នើឲ្យទប់ស្កាត់ការនាំចូលវត្ថុអនុស្សាវរីយ ខណៈទេសចរចំណាយ២០ភាគរយលើផលិតផលនេះ

23, Aug 2017 , 9:06 am

រូបភាព

ដោយ:

ភ្នំពេញ៖ លោក ទិត ចន្ថា រដ្ឋលេខាធិការក្រសួងទេសចរណ៍ បានឲ្យដឹងថា ភ្ញៀវទេសចរអន្តរជាតិបានចំណាយលើការទិញវត្ថុអនុស្សាវរីចំនួនប្រហែល ២០ភាគរយនៃការចំណាយសរុបក្នុងកំឡុងពេលស្នាក់នៅកម្ពុជា។ លោកបន្ថែមថា ក្រសួងទេសចរណ៍បានមើលឃើញពីតម្រូវការផលិតវត្ថុអនុស្សាវរីយក្នុងស្រុកច្រើនដើម្បីផ្គត់ផ្គង់ទីផ្សារ ប៉ុន្តែជាមួយគ្នានេះក្រសួងក៏ស្នើឲ្យស្ថាប័នពាក់ព័ន្ធជួយសិក្សាទប់ស្កាត់ការហូរចូលវត្ថុទាំងនោះពីបរទេស ដែលបានក្លាយបន្លំជាមួយផលិតផលក្នុងស្រុក។

ទន្ទឹមនឹងនេះ លោក ទិត ចន្ថា ស្នើឲ្យអ្នកផលិតវត្ថុអនុស្សាវរីយពិសេសលើប្រភេទត្បូងថ្មមានតម្លៃ ត្រូវធានាគុណភាព និងមានការបញ្ជាក់ត្រឹមត្រូវ ដើម្បីធ្វើឲ្យភ្ញៀវបរទេសទុកចិត្ត និងងាយស្រួលនាំចេញទៅប្រទេសរបស់ពួកគេ។ បើតាម លោក ទិត ចន្ថា ដែលបានថ្លែងនៅក្នុងសិក្ខាសាលាពិគ្រោះយោបល់រវាងអ្នកផលិត និងអ្នកផ្គត់ផ្គង់ផលិតផលខ្មែរ កាលពីថ្ងៃទី១៧ខែសីហា ភ្ញៀវទេសចរបរទេសក្នុងម្នាក់ចាយប្រាក់ចំនួន ៧០០ដុល្លារ ក្នុងរយៈពេលស្នាក់ជាមធ្យម ៦ថ្ងៃកន្លះនៅកម្ពុជា ហើយក្នុងនោះ ២០ភាគរយត្រូវចំណាយលើវត្ថុអនុស្សាវរីយ។

សូមស្ដាប់ប្រសាសន៍ លោក ទិត ចន្ថា ខាងក្រោមនេះ៖