អន្តរជាតិ
អាមេរិកដាក់ទណ្ឌកម្មលើក្រុមហ៊ុនរុស្ស៊ីនិងចិនដែលគាំទ្រនុយក្លេអ៊ែរកូរ៉េខាងជើង
×![]()
ដោយ: តន ចាន់រិទ្ធារ៉ា
សហរដ្ឋអាមេរិកបានដាក់ទណ្ឌកម្មលើក្រុមហ៊ុន និងជនជាតិរុស្ស៊ី និងចិន ដែលខ្លួនអះអាងថាបានគាំទ្រកម្មវិធីនុយក្លេអ៊ែររបស់កូរ៉េខាងជើង។ ការដាក់ទណ្ឌកម្មឯកតោភាគីនៅថ្ងៃទី២២ ខែសីហា ក៏បានដាក់គោលដៅលើធនាគារចិនដែលរកស៊ីជាមួយកូរ៉េខាងជើងផងដែរ។ ច្បាស់ណាស់ថា ទណ្ឌកម្មនេះពិតជាធ្វើឲ្យចិនខឹងសម្បារខ្លាំងមិនខាន ព្រោះចិនជំទាស់ដាច់ខាតការដាក់ទណ្ឌកម្មឯកតោភាគីរបស់អាមេរិកលើកូរ៉េខាងជើង ហើយរាលដាលដល់ខ្លួនទៀតនោះ។
ក្រសួងការរតនាគារអាមេរិកបានដាក់ទណ្ឌកម្មលើក្រុមហ៊ុនចិន កូរ៉េខាងជើង និងរុស្ស៊ី ចំនួន៨ ដោយចោទថាជាប់ពាក់ព័ន្ធកម្មវិធីនុយក្លេអ៊ែររបស់កូរ៉េខាងជើង។ ក្រុមហ៊ុនចំនួន២ដែលមានមូលដ្ឋាននៅសិង្ហបុរី និងក្រុមហ៊ុនចិន ក៏ដូចជាកូរ៉េខាងជើងដែលមានមូលដ្ឋាននៅរដ្ឋអាហ្វ្រិកណាមីប៊ីក៏មានឈ្មោះក្នុងបញ្ជីទណ្ឌកម្មរបស់អាមេរិកដែរ។ ក្រៅពីនោះ ជនជាតិរុស្ស៊ីបួននាក់ ជនជាតិចិនម្នាក់ និងជនជាតិកូរ៉េខាងជើងម្នាក់ក៏ត្រូវដាក់ទណ្ឌកម្មដូចគ្នាដែរ។
ទណ្ឌកម្មលើកនេះ ធ្វើឡើងបន្ទាប់ពីក្រុមប្រឹក្សាសន្តិសុខទើបដាក់ទណ្ឌកម្មបន្ថែមលើកូរ៉េខាងជើងរួចមក។ ចិន ដែលរងទណ្ឌកម្មឯកតោភាគីរបស់អាមេរិកមិនពេញចិត្តឡើយ និងបានប្រាប់ឲ្យអាមេរិកកែប្រែកំហុសរបស់ខ្លួនក្នុងការដាក់ទណ្ឌកម្មលើក្រុមហ៊ុន និងជនជាតិចិន។ ចំពោះចិន ទណ្ឌកម្មរបៀបនេះពិតជាបង្កផលប៉ះពាល់ដល់ទំនាក់ទំនងទ្វេភាគីមិនខាន។ យ៉ាងណាក្ដី អាមេរិកមិនបានស្ដាប់ការតវ៉ារបស់ចិនឡើយ។
ក្រសួងរតនាគារអាមេរិកនិយាយថា ទណ្ឌកម្មនេះគឺមានគោលដៅលើក្រុមហ៊ុននិងបុគ្គលទាំងឡាយដែលជួយបុគ្គលកំពុងរងទណ្ឌកម្មជាស្រេចក្នុងការគាំទ្រកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង។ ទណ្ឌកម្មពេលនេះក៏ដាក់មុខព្រួញលើមនុស្សទាំងឡាយដែលជួយបញ្ជូនជនជាតិកូរ៉េខាងជើងទៅធ្វើការនៅបរទេស ក៏ដូចជាប្រើប្រាស់ប្រព័ន្ធហិរញ្ញវត្ថុអាមេរិកផងដែរ។ រដ្ឋមន្ត្រីរតនាគារអាមេរិក Steven T. Mnuchin បញ្ជាក់ថាសកម្មភាពទាំងនេះត្រូវតែបញ្ឈប់ឲ្យអស់។
តាមពិតទៅ ទណ្ឌកម្មលើកូរ៉េខាងជើង គឺជារឿងចៀសមិនផុតឡើយ តែអ្វីគួរឲ្យចាប់អារម្មណ៍នោះអាមេរិកដាក់ទណ្ឌកម្មនេះក្រោយពេលក្រុមប្រឹក្សាសន្តិសុខអនុម័តទណ្ឌកម្មរបស់ខ្លួនដែរ។ យោងតាមទីភ្នាក់ងារព័ត៌មាន Reuters មន្ត្រីអាមេរិក និងអង្គការសហប្រជាជាតិនិយាយថា វ៉ាស៊ីនតោនចង់ឲ្យប៉េកាំង និងមូស្គូគាំទ្រទណ្ឌកម្មអន្តរជាតិសិន មុននឹងអនុវត្តទណ្ឌកម្មឯកតោភាគីរបស់ខ្លួន ព្រោះអាចធ្វើឲ្យប៉េកាំង និងមូស្គូឃ្នើសចិត្តមិនខាន។
ជាមួយគ្នានោះ ក្រសួងយុត្តិធម៌អាមេរិកក៏មានផែនការផ្អឹបទុកទឹកប្រាក់ចំនួន១១លានដុល្លាររបស់ក្រុមហ៊ុនដែលជួយលាងលុយឲ្យធនាគារកូរ៉េខាងជើងទៀតផង។ ក្រុមហ៊ុននៅសិង្ហបុរីចំនួន២ និងក្រុមហ៊ុនចិន១ ស្ថិតក្នុងគោលដៅរបស់អាមេរិក។ ទណ្ឌកម្មលើកនេះ អាចជាសារមួយទៀតរបស់អាមេរិកទៅកាន់ចិន ក៏ដូចជាការដាក់សម្ពាធលើចិនឲ្យប្រឹងប្រែងបន្ថែមទៀតក្នុងការដោះស្រាយបញ្ហានុយក្លេអ៊ែរកូរ៉េខាងជើង៕
ក្រសួងការរតនាគារអាមេរិកបានដាក់ទណ្ឌកម្មលើក្រុមហ៊ុនចិន កូរ៉េខាងជើង និងរុស្ស៊ី ចំនួន៨ ដោយចោទថាជាប់ពាក់ព័ន្ធកម្មវិធីនុយក្លេអ៊ែររបស់កូរ៉េខាងជើង។ ក្រុមហ៊ុនចំនួន២ដែលមានមូលដ្ឋាននៅសិង្ហបុរី និងក្រុមហ៊ុនចិន ក៏ដូចជាកូរ៉េខាងជើងដែលមានមូលដ្ឋាននៅរដ្ឋអាហ្វ្រិកណាមីប៊ីក៏មានឈ្មោះក្នុងបញ្ជីទណ្ឌកម្មរបស់អាមេរិកដែរ។ ក្រៅពីនោះ ជនជាតិរុស្ស៊ីបួននាក់ ជនជាតិចិនម្នាក់ និងជនជាតិកូរ៉េខាងជើងម្នាក់ក៏ត្រូវដាក់ទណ្ឌកម្មដូចគ្នាដែរ។
ទណ្ឌកម្មលើកនេះ ធ្វើឡើងបន្ទាប់ពីក្រុមប្រឹក្សាសន្តិសុខទើបដាក់ទណ្ឌកម្មបន្ថែមលើកូរ៉េខាងជើងរួចមក។ ចិន ដែលរងទណ្ឌកម្មឯកតោភាគីរបស់អាមេរិកមិនពេញចិត្តឡើយ និងបានប្រាប់ឲ្យអាមេរិកកែប្រែកំហុសរបស់ខ្លួនក្នុងការដាក់ទណ្ឌកម្មលើក្រុមហ៊ុន និងជនជាតិចិន។ ចំពោះចិន ទណ្ឌកម្មរបៀបនេះពិតជាបង្កផលប៉ះពាល់ដល់ទំនាក់ទំនងទ្វេភាគីមិនខាន។ យ៉ាងណាក្ដី អាមេរិកមិនបានស្ដាប់ការតវ៉ារបស់ចិនឡើយ។
ក្រសួងរតនាគារអាមេរិកនិយាយថា ទណ្ឌកម្មនេះគឺមានគោលដៅលើក្រុមហ៊ុននិងបុគ្គលទាំងឡាយដែលជួយបុគ្គលកំពុងរងទណ្ឌកម្មជាស្រេចក្នុងការគាំទ្រកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង។ ទណ្ឌកម្មពេលនេះក៏ដាក់មុខព្រួញលើមនុស្សទាំងឡាយដែលជួយបញ្ជូនជនជាតិកូរ៉េខាងជើងទៅធ្វើការនៅបរទេស ក៏ដូចជាប្រើប្រាស់ប្រព័ន្ធហិរញ្ញវត្ថុអាមេរិកផងដែរ។ រដ្ឋមន្ត្រីរតនាគារអាមេរិក Steven T. Mnuchin បញ្ជាក់ថាសកម្មភាពទាំងនេះត្រូវតែបញ្ឈប់ឲ្យអស់។
តាមពិតទៅ ទណ្ឌកម្មលើកូរ៉េខាងជើង គឺជារឿងចៀសមិនផុតឡើយ តែអ្វីគួរឲ្យចាប់អារម្មណ៍នោះអាមេរិកដាក់ទណ្ឌកម្មនេះក្រោយពេលក្រុមប្រឹក្សាសន្តិសុខអនុម័តទណ្ឌកម្មរបស់ខ្លួនដែរ។ យោងតាមទីភ្នាក់ងារព័ត៌មាន Reuters មន្ត្រីអាមេរិក និងអង្គការសហប្រជាជាតិនិយាយថា វ៉ាស៊ីនតោនចង់ឲ្យប៉េកាំង និងមូស្គូគាំទ្រទណ្ឌកម្មអន្តរជាតិសិន មុននឹងអនុវត្តទណ្ឌកម្មឯកតោភាគីរបស់ខ្លួន ព្រោះអាចធ្វើឲ្យប៉េកាំង និងមូស្គូឃ្នើសចិត្តមិនខាន។
ជាមួយគ្នានោះ ក្រសួងយុត្តិធម៌អាមេរិកក៏មានផែនការផ្អឹបទុកទឹកប្រាក់ចំនួន១១លានដុល្លាររបស់ក្រុមហ៊ុនដែលជួយលាងលុយឲ្យធនាគារកូរ៉េខាងជើងទៀតផង។ ក្រុមហ៊ុននៅសិង្ហបុរីចំនួន២ និងក្រុមហ៊ុនចិន១ ស្ថិតក្នុងគោលដៅរបស់អាមេរិក។ ទណ្ឌកម្មលើកនេះ អាចជាសារមួយទៀតរបស់អាមេរិកទៅកាន់ចិន ក៏ដូចជាការដាក់សម្ពាធលើចិនឲ្យប្រឹងប្រែងបន្ថែមទៀតក្នុងការដោះស្រាយបញ្ហានុយក្លេអ៊ែរកូរ៉េខាងជើង៕
Tag:
អាមេរិក
រុស្ស៊ី
ចិន
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
