វៀតណាម សន្យាជាមួយបុហ្គារី ដើម្បីធ្វើជាស្ពានមេត្រីរវាងបុលការី-អាស៊ាន

អន្តរជាតិ

នយោបាយអន្តរជាតិ

វៀតណាម សន្យាជាមួយបុហ្គារី ដើម្បីធ្វើជាស្ពានមេត្រីរវាងបុលការី-អាស៊ាន

30, Sep 2017 , 7:39 pm

រូបភាព

រូបភាព៖ VietnamNet

ដោយ:

រដ្ឋាភិបាលវៀតណាម សន្យាជាមួយនឹងរដ្ឋាភិបាលបុលការីថានឹងធ្វើជាស្ពានមាត្រីភាពក្នុងការគាំទ្របុលការី និងសហភាពអឺរ៉ុបដើម្បីបង្កើទំនាក់ទំនងឲ្យកាន់ល្អជាមួយនឹងសមាគមប្រជាជាតិអាស៊ីអាគ្នេយ៍ ដែលហៅកាត់ថាអាស៊ាន និងសមាជិកអាស៊ានផងដែរ ។

លោកប្រធានាធិបតីវៀតណាម Trần Đại Quang នាជំនួបជាមួយនឹងអគ្គរដ្ឋទូតបុលការីផុតអាណត្តិប្រចាំវៀតណាម លោក Ebgueni Stefanov Stoytchev នៅថ្ងៃទី២៨ កញ្ញា បានកោតសរសើរតំណាងបុលការី រូបនេះ ថាបានបំពេញតួនាទីយ៉ាងសកម្មក្នុងការកសាងទំនាក់ទំនងទ្វេភាគីលើវិស័យទាំងនយោបាយ កិច្ចការក្រៅប្រទេស សេដ្ឋកិច្ច ពាណិជ្ជកម្ម និងការពារជាតិជាដើម។ នេះបើយោងតាមសារព័ត៌មានវៀតណាម The Vietnam News ។

ជាមួយគ្នានេះ ខណៈបុលការី ត្រៀមធ្វើជាប្រធានវិលជុំរបស់សហភាពអឺរ៉ុបនៅដើមឆ្នាំ២០១៨ខាងមុខនោះ លោកប្រធានាធិបតីវៀតណាម ក៏បានលើកពីជំហរគាំទ្រដល់បុលការី ក៏ដូចជាសន្យាបង្កើនកិច្ចសហការជាមួយនឹងសហភាពអឺរ៉ុប និងពន្លឿនការចុះហត្ថលេខា និងផ្តល់សច្ចាប័នលើកិច្ចព្រមព្រៀងពាណិជ្ជកម្មសេរីសហភាពអឺរ៉ុប-វៀតណាម ។

ជាងនេះទៅទៀតនោះ រដ្ឋាភិបាលក្រុងហាណូយ ក៏សន្យាជាជួយជំរុញកិច្ចសហប្រតិបត្តិល្អប្រសើររវាងបុលការី និងអាស៊ាន និងសមាជិករបស់អាស៊ានផងដែរ ។

សូមជម្រាបផងដែរថា សមាជិកអាស៊ានទាំងអស់រួមមាន ព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម ។ សហភាពអឺរ៉ុប បានក្លាយជាដៃគូសន្ទនារបស់អាស៊ាននៅឆ្នាំ១៩៧៧ ៕