ជាតិ
នយោបាយជាតិ
តុលាការកំពូលបង្គាប់ឲ្យCNRP ដាក់ឯកសារត្រៀមឆ្លើយតបបណ្តឹងសុំរំលាយបក្ស
រូបដោយ លោក Kao Sophea
×![]()
លោក សែម សក្តិកូឡា ចៅក្រមទទួលបញ្ជារបស់ក្រុមប្រឹក្សាជំនុំជម្រះនៃតុលាការកំពូល បានចេញដីកាបង្គាប់ឲ្យមេដឹកនាំគណបក្សសង្គ្រោះជាតិ ដាក់ឯកសារត្រៀមឆ្លើយតបនឹងបណ្តឹងសុំរំលាយគណបក្សសង្គ្រោះជាតិ។
ដីការបស់លោកចៅក្រុមតុលាការកំពូល សែម សក្តិកូឡា បានបង្គាប់ចំៗមកប្រធានគណបក្សសង្គ្រោះជាតិតែម្តង ឲ្យដាក់ឯកសារឆ្លើយតបនឹងបណ្តឹងរបស់គណបក្ស ហ្វ៊ុនស៊ិនប៉ិច គណបក្សយុវជនកម្ពុជា និងក្រសួងមហាផ្ទៃ ដែលសុំឲ្យរំលាយគណបក្សប្រឆាំងមួយនេះចោល។ ដីកាចុះថ្ងៃទី ៩ ខែ តុលា បញ្ជាក់យ៉ាងនេះថា៖«បង្គាប់មកប្រធានគណបក្សសង្គ្រោះជាតិ មានទីស្នាក់ការនៅអាសយដ្ឋានផ្ទះលេខ ៥៧៦ ក្នុងសង្កាត់ចាក់អង្រែលើ ខណ្ឌមានជ័យ ឲ្យដាក់ឯកសារត្រៀមឆ្លើយតបទៅនឹងបណ្តឹងសុំរំលាយគណបក្សសង្គ្រោះជាតិ»។
លោក គី វណ្ណារ៉េត មន្ត្រីបញ្ជូនដីការបស់តុលាការកំពូល ដែលជាអ្នកយកដីកានេះ ទៅដល់ទីស្នាក់ការគណបក្សសង្គ្រោះជាតិ បានលើកឡើងនៅក្នុងកំណត់ហេតុខ្លួនថា មន្ត្រីផ្នែករដ្ឋបាលរបស់គណបក្សសង្គ្រោះជាតិ បានបដិសេធមិនទទួលដីកានេះទេ។ តែលោកមន្ត្រីតុលាការរូបនេះ បានសម្រេចបិទដីកានោះ នៅមុខស្នាក់ការគណបក្សសង្គ្រោះជាតិ នៅព្រឹកថ្ងៃទី ១០ ខែតុលា។
បើតាមដីកាខាងលើ លោកចៅក្រមតុលាការកំពូល បានទុករយៈពេលចំនួន ២០ ថ្ងៃ ឲ្យប្រធានគណបក្សសង្គ្រោះជាតិ ធ្វើកិច្ចការនេះ ដោយគិតចាប់ពីថ្ងៃបញ្ជូនដីកានេះតទៅ។
យ៉ាងណាប្រធានគណបក្សសង្គ្រោះជាតិឯកឧត្តម កឹម សុខា នាពេលបច្ចុប្បន្ន កំពុងឃុំខ្លួននៅពន្ធនាគារត្រពាំងផ្លុង ក្នុងស្រុកពញ្ញាក្រែក ខេត្តត្បូងឃ្មុំ ពីទោសក្បត់ជាតិ។ ទន្ទឹមនឹងនេះ សារព័ត៌មានថ្មីៗ មិនអាចទាក់ទងលោក សុន ឆ័យ ដែលជាអ្នកនាំពាក្យគណបក្សសង្គ្រោះជាតិនាពេលបច្ចុប្បន្ន បកស្រាយបាននោះទេ ខណៈដែលអ្នកនាំពាក្យគណបក្សនេះពីររូបទៀតគឺលោក យឹម សុវណ្ណ និងលោក យ៉ែម បុញ្ញឫទ្ធិ ព្រមទាំងថ្នាក់ដឹកនាំគណបក្សមួយចំនួន កំពុងនៅក្រៅប្រទេស៕
ដីការបស់លោកចៅក្រុមតុលាការកំពូល សែម សក្តិកូឡា បានបង្គាប់ចំៗមកប្រធានគណបក្សសង្គ្រោះជាតិតែម្តង ឲ្យដាក់ឯកសារឆ្លើយតបនឹងបណ្តឹងរបស់គណបក្ស ហ្វ៊ុនស៊ិនប៉ិច គណបក្សយុវជនកម្ពុជា និងក្រសួងមហាផ្ទៃ ដែលសុំឲ្យរំលាយគណបក្សប្រឆាំងមួយនេះចោល។ ដីកាចុះថ្ងៃទី ៩ ខែ តុលា បញ្ជាក់យ៉ាងនេះថា៖«បង្គាប់មកប្រធានគណបក្សសង្គ្រោះជាតិ មានទីស្នាក់ការនៅអាសយដ្ឋានផ្ទះលេខ ៥៧៦ ក្នុងសង្កាត់ចាក់អង្រែលើ ខណ្ឌមានជ័យ ឲ្យដាក់ឯកសារត្រៀមឆ្លើយតបទៅនឹងបណ្តឹងសុំរំលាយគណបក្សសង្គ្រោះជាតិ»។
លោក គី វណ្ណារ៉េត មន្ត្រីបញ្ជូនដីការបស់តុលាការកំពូល ដែលជាអ្នកយកដីកានេះ ទៅដល់ទីស្នាក់ការគណបក្សសង្គ្រោះជាតិ បានលើកឡើងនៅក្នុងកំណត់ហេតុខ្លួនថា មន្ត្រីផ្នែករដ្ឋបាលរបស់គណបក្សសង្គ្រោះជាតិ បានបដិសេធមិនទទួលដីកានេះទេ។ តែលោកមន្ត្រីតុលាការរូបនេះ បានសម្រេចបិទដីកានោះ នៅមុខស្នាក់ការគណបក្សសង្គ្រោះជាតិ នៅព្រឹកថ្ងៃទី ១០ ខែតុលា។
បើតាមដីកាខាងលើ លោកចៅក្រមតុលាការកំពូល បានទុករយៈពេលចំនួន ២០ ថ្ងៃ ឲ្យប្រធានគណបក្សសង្គ្រោះជាតិ ធ្វើកិច្ចការនេះ ដោយគិតចាប់ពីថ្ងៃបញ្ជូនដីកានេះតទៅ។
យ៉ាងណាប្រធានគណបក្សសង្គ្រោះជាតិឯកឧត្តម កឹម សុខា នាពេលបច្ចុប្បន្ន កំពុងឃុំខ្លួននៅពន្ធនាគារត្រពាំងផ្លុង ក្នុងស្រុកពញ្ញាក្រែក ខេត្តត្បូងឃ្មុំ ពីទោសក្បត់ជាតិ។ ទន្ទឹមនឹងនេះ សារព័ត៌មានថ្មីៗ មិនអាចទាក់ទងលោក សុន ឆ័យ ដែលជាអ្នកនាំពាក្យគណបក្សសង្គ្រោះជាតិនាពេលបច្ចុប្បន្ន បកស្រាយបាននោះទេ ខណៈដែលអ្នកនាំពាក្យគណបក្សនេះពីររូបទៀតគឺលោក យឹម សុវណ្ណ និងលោក យ៉ែម បុញ្ញឫទ្ធិ ព្រមទាំងថ្នាក់ដឹកនាំគណបក្សមួយចំនួន កំពុងនៅក្រៅប្រទេស៕
Tag:
CNRP
តុលាការកំពូល
© រក្សាសិទ្ធិដោយ thmeythmey.com
