បទយកការណ៍ / បទសម្ភាសន៍
×![]()
ចង់ក្លាយជា អភិបាលខេត្តតាកែវ គឺជាមហិច្ឆតារបស់ យុវជន ស៊ុម ច័ន្ទតារា ។ មានអាយុ២១ឆ្នាំ ច័ន្ទតារា ជាសិស្សក្រមការ នៅសាលាភូមិន្ទរដ្ឋបាល ប្រាប់ពីមហិច្ចតារបស់ខ្លួនដល់សារព័ត៌មាន thmeythmey.com ដូច្នេះ ដោយសារតែគេចង់ក្លាយជាបុគ្គលម្នាក់ដែលអាចរួមចំណែក ក្នុងការសម្រេចលើការអភិវឌ្ឍន៍នៅក្នុងខេត្តកំណើតរបស់គេ និងមានពេលវេលានៅជាមួយប្រជាពលរដ្ឋ។
លោក ស៊ុម ច័ន្ទតារា ជាយុវជនម្នាក់ដែលមានមហិច្ឆតាខ្ពស់ មិនខុសពីយុវជនខ្មែរជំនាន់ក្រោយជាច្រើនទៀតដែរ។ មានវ័យ២១ឆ្នាំ មកពីខេត្តតាកែវ និងជាសិស្សក្រមការ នៃសាលាភូមិន្ទរដ្ឋបាលផង ច័ន្ទតារា ចង់ធ្វើជាអភិបាលខេត្តកំណើតរបស់ខ្លួនតែម្តង។
ដើមឡើយ តារា ជាក្មេងដែលមិនបានឲ្យតម្លៃដល់ការអប់រំនោះឡើយ។ គេតែងគេចសាលាទៅដើរលេង ឬលេងបាល់ជាញឹកញាប់ ជាមួយមិត្តភក្តិវិទ្យាល័យមួយចំនួនទៀត។ កាលណោះ យុវជន ច័ន្ទតារា ទទួលស្គាល់ថា គេមិនបានខ្វល់ពីសម្តីដាស់តឿនរបស់ឪពុកម្តាយឡើយ ដោយសារតែជឿ និងស្តាប់ការអូសទាញពីមិត្តភក្តិ។ តារា រៀបរាប់ថា៖«ម្តាយខ្ញុំស្តីបន្ទោសឲ្យខ្ញុំទាំងទឹកភ្នែក ដោយសារខ្ញុំគេចម៉ោងរៀន។ ពេលនោះ ខ្ញុំក៏យល់ដែរថា ខ្ញុំជាកូនប្រុសម្នាក់នៅក្នុងគ្រួសារ តែបែរជាធ្វើឲ្យឪពុកម្តាយគាត់ពិបាកចិត្ត ប៉ុន្តែខ្ញុំក៏មិនទាន់យល់ពីតម្លៃនៃការសិក្សាដែរ និងម្យ៉ាងមិត្តភក្តិអូសទាញផង ខ្ញុំក៏ទៅតាមគេ»។
ទឹកភ្នែក និងពាក្យសម្តីដាស់តឿនរបស់ម្តាយគ្រានោះ មិនបានធ្វើឲ្យភ្ញាក់ខ្លួនឡើយ។ គេបន្តគេចម៉ោងរៀនដដែល រហូតដល់ថ្ងៃមួយដែលគេបានយកលំហាត់ទៅសួរមិត្តរួមថ្នាក់ម្នាក់ ដែលជាសិស្សពូកែនៅក្នុងថ្នាក់។ «ហេតុអ្វីមកសួរខ្ញុំអីចឹង ម៉េចក៏មិនខំរៀនខ្លួនឯងទៅ»។ នេះជាចម្លើយដែលគេទទួលបាន ក៏ជាចម្លើយ ដែលចាក់ដោតដល់បេះដូងសិស្សគេចសាលាម្នាក់ រហូតដល់គេចេះខ្មាសខ្លួនឯង និងស្តាយដែលមិនស្តាប់សម្តីម្តាយ។ ចាប់ពីពេលនោះមក យុវជន ដែលមានឪពុកជាគ្រូបង្រៀន និងម្តាយជាអាជីវកររូបនេះ ឈប់គេចសាលា និងចាប់ផ្តើមប្រឹងរៀនសូត្រ រហូតក្លាយជាសិស្សលេចធ្លោមួយរូប។ យុវជន ស៊ុម ច័ន្ទតារា រៀបរាប់បន្តដូច្នេះ៖«ខ្ញុំមានការតាំងចិត្តមួយថា ខ្ញុំមិនធ្វើឲ្យឪពុកម្តាយខ្ញុំអស់សង្ឃឹម ក៏ដូចជាស្រក់ទឹកភ្នែកម្តងទៀតទេ ហើយខ្ញុំព្យាយាមធ្វើអ្វីគ្រប់បែបយ៉ាង ដើម្បីឲ្យគាត់មានមោទកភាពដោយសារខ្ញុំ»។ កូនពៅក្នុងគ្រួសាររូបនេះ បានប្រឹងប្រែងរហូតប្រឡងជាប់បាក់ឌុប និងទទួលអាហារូបករណ៍ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ជំនាញរដ្ឋបាលសាធារណៈ នៅឆ្នាំ២០១៣ និងប្រឡងជាប់ជាសិស្សក្រមការ នៅសាលាភូមិន្ទរដ្ឋបាលនៅឆ្នាំ២០១៧នេះ។
តារា ប្រាប់សារព័ត៌មាន thmeythmey.com ថា គេចង់ក្លាយជា អភិបាលខេត្តតាកែវ ព្រោះតែគេចង់ចូលរួមសម្រេចកិច្ចការអភិវឌ្ឍន៍ផ្សេងៗសម្រាប់ខេត្តកំណើតខ្លួន។ ច័ន្ទតារា បញ្ជាក់ថា៖«គោលដៅចុងក្រោយ ជីវិតរបស់ខ្ញុំ ចង់ក្លាយជាអភិបាលខេត្តតាកែវ ដែលជាខេត្តកំណើត។ តាមរយៈតំណែងនេះ ខ្ញុំអាចមានសិទ្ធិសម្រេចចិត្ត លើការអភិវឌ្ឍខេត្តនេះ និងបាននៅក្បែរប្រជាពលរដ្ឋ»។
មិនត្រឹមតែបានកែខ្លួនពីយុវជនខិលខូច គេចមិនចូលរៀន មិនខ្វល់ពីសង្គម តារាបច្ចុប្បន្ន កំពុងលើកទឹកចិត្តឲ្យយុវជន ឲ្យគិតពីបញ្ហាសង្គមផងដែរ។ តារា បានចូលរួមធ្វើការងារស្ម័គ្រចិត្តជាច្រើនតាំងពីឆ្នាំ២០១៤មកជាមួយអង្គការក្រៅរដ្ឋាភិបាលមួយចំនួន ទាំងនៅក្នុងស្ថាប័នរដ្ឋ និងឯកជនផង។ បច្ចុប្បន្ន តារា ជាអនុប្រធានក្រុមយុវជនស្ម័គ្រចិត្ត ដើម្បីការអភិវឌ្ឍសង្គម(YVSD) ដែលកំពុងដឹកនាំគម្រោងផ្តោតលើ វិស័យអប់រំ និងបរិស្ថាន និងប្រឹក្សាយោបល់ដល់សមាជិកក្រុមផង។
តាមយុវជន ស៊ុម ច័ន្ទតារា នៅពេលយុវជនចាប់ផ្តើមគិតពីបញ្ហាសង្គម គឺគេកំពុងគិតពីប្រទេសជាតិខ្លួនឯង ប៉ុន្តែផ្ទុយទៅវិញប្រទេសជាតិយើងនឹងមានបញ្ហា បើគ្មានការអើពើពីយុវជន។ សម្រាប់ ច័ន្ទតារា ការចាប់ផ្តើមគិតពីបញ្ហាសង្គមរបស់យុវជន បន្តិចៗប្រទេសជាតិនឹងកាន់តែចម្រើន ហើយការងារស្ម័គ្រចិត្តបច្ចុប្បន្ន ដែលរូបគេកំពុងជំរុញយុវជនឲ្យគិតពីបញ្ហាសង្គមនេះ ក៏ជាចំណែកមួយ ក្នុងចំណោមកិច្ចការងារ និងការខំប្រឹងប្រែងជាច្រើនទៀតដែល យុវជន ស៊ុម ច័ន្ទតារា ត្រូវធ្វើ ដើម្បីដើរលើវិថីឆ្ពោះទៅរកក្តីស្រមៃ ជាអ្នកដឹកនាំខេត្តតាកែវ នាពេលអនាគតនោះ៕
លោក ស៊ុម ច័ន្ទតារា ជាយុវជនម្នាក់ដែលមានមហិច្ឆតាខ្ពស់ មិនខុសពីយុវជនខ្មែរជំនាន់ក្រោយជាច្រើនទៀតដែរ។ មានវ័យ២១ឆ្នាំ មកពីខេត្តតាកែវ និងជាសិស្សក្រមការ នៃសាលាភូមិន្ទរដ្ឋបាលផង ច័ន្ទតារា ចង់ធ្វើជាអភិបាលខេត្តកំណើតរបស់ខ្លួនតែម្តង។
ដើមឡើយ តារា ជាក្មេងដែលមិនបានឲ្យតម្លៃដល់ការអប់រំនោះឡើយ។ គេតែងគេចសាលាទៅដើរលេង ឬលេងបាល់ជាញឹកញាប់ ជាមួយមិត្តភក្តិវិទ្យាល័យមួយចំនួនទៀត។ កាលណោះ យុវជន ច័ន្ទតារា ទទួលស្គាល់ថា គេមិនបានខ្វល់ពីសម្តីដាស់តឿនរបស់ឪពុកម្តាយឡើយ ដោយសារតែជឿ និងស្តាប់ការអូសទាញពីមិត្តភក្តិ។ តារា រៀបរាប់ថា៖«ម្តាយខ្ញុំស្តីបន្ទោសឲ្យខ្ញុំទាំងទឹកភ្នែក ដោយសារខ្ញុំគេចម៉ោងរៀន។ ពេលនោះ ខ្ញុំក៏យល់ដែរថា ខ្ញុំជាកូនប្រុសម្នាក់នៅក្នុងគ្រួសារ តែបែរជាធ្វើឲ្យឪពុកម្តាយគាត់ពិបាកចិត្ត ប៉ុន្តែខ្ញុំក៏មិនទាន់យល់ពីតម្លៃនៃការសិក្សាដែរ និងម្យ៉ាងមិត្តភក្តិអូសទាញផង ខ្ញុំក៏ទៅតាមគេ»។
ទឹកភ្នែក និងពាក្យសម្តីដាស់តឿនរបស់ម្តាយគ្រានោះ មិនបានធ្វើឲ្យភ្ញាក់ខ្លួនឡើយ។ គេបន្តគេចម៉ោងរៀនដដែល រហូតដល់ថ្ងៃមួយដែលគេបានយកលំហាត់ទៅសួរមិត្តរួមថ្នាក់ម្នាក់ ដែលជាសិស្សពូកែនៅក្នុងថ្នាក់។ «ហេតុអ្វីមកសួរខ្ញុំអីចឹង ម៉េចក៏មិនខំរៀនខ្លួនឯងទៅ»។ នេះជាចម្លើយដែលគេទទួលបាន ក៏ជាចម្លើយ ដែលចាក់ដោតដល់បេះដូងសិស្សគេចសាលាម្នាក់ រហូតដល់គេចេះខ្មាសខ្លួនឯង និងស្តាយដែលមិនស្តាប់សម្តីម្តាយ។ ចាប់ពីពេលនោះមក យុវជន ដែលមានឪពុកជាគ្រូបង្រៀន និងម្តាយជាអាជីវកររូបនេះ ឈប់គេចសាលា និងចាប់ផ្តើមប្រឹងរៀនសូត្រ រហូតក្លាយជាសិស្សលេចធ្លោមួយរូប។ យុវជន ស៊ុម ច័ន្ទតារា រៀបរាប់បន្តដូច្នេះ៖«ខ្ញុំមានការតាំងចិត្តមួយថា ខ្ញុំមិនធ្វើឲ្យឪពុកម្តាយខ្ញុំអស់សង្ឃឹម ក៏ដូចជាស្រក់ទឹកភ្នែកម្តងទៀតទេ ហើយខ្ញុំព្យាយាមធ្វើអ្វីគ្រប់បែបយ៉ាង ដើម្បីឲ្យគាត់មានមោទកភាពដោយសារខ្ញុំ»។ កូនពៅក្នុងគ្រួសាររូបនេះ បានប្រឹងប្រែងរហូតប្រឡងជាប់បាក់ឌុប និងទទួលអាហារូបករណ៍ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ជំនាញរដ្ឋបាលសាធារណៈ នៅឆ្នាំ២០១៣ និងប្រឡងជាប់ជាសិស្សក្រមការ នៅសាលាភូមិន្ទរដ្ឋបាលនៅឆ្នាំ២០១៧នេះ។
តារា ប្រាប់សារព័ត៌មាន thmeythmey.com ថា គេចង់ក្លាយជា អភិបាលខេត្តតាកែវ ព្រោះតែគេចង់ចូលរួមសម្រេចកិច្ចការអភិវឌ្ឍន៍ផ្សេងៗសម្រាប់ខេត្តកំណើតខ្លួន។ ច័ន្ទតារា បញ្ជាក់ថា៖«គោលដៅចុងក្រោយ ជីវិតរបស់ខ្ញុំ ចង់ក្លាយជាអភិបាលខេត្តតាកែវ ដែលជាខេត្តកំណើត។ តាមរយៈតំណែងនេះ ខ្ញុំអាចមានសិទ្ធិសម្រេចចិត្ត លើការអភិវឌ្ឍខេត្តនេះ និងបាននៅក្បែរប្រជាពលរដ្ឋ»។
មិនត្រឹមតែបានកែខ្លួនពីយុវជនខិលខូច គេចមិនចូលរៀន មិនខ្វល់ពីសង្គម តារាបច្ចុប្បន្ន កំពុងលើកទឹកចិត្តឲ្យយុវជន ឲ្យគិតពីបញ្ហាសង្គមផងដែរ។ តារា បានចូលរួមធ្វើការងារស្ម័គ្រចិត្តជាច្រើនតាំងពីឆ្នាំ២០១៤មកជាមួយអង្គការក្រៅរដ្ឋាភិបាលមួយចំនួន ទាំងនៅក្នុងស្ថាប័នរដ្ឋ និងឯកជនផង។ បច្ចុប្បន្ន តារា ជាអនុប្រធានក្រុមយុវជនស្ម័គ្រចិត្ត ដើម្បីការអភិវឌ្ឍសង្គម(YVSD) ដែលកំពុងដឹកនាំគម្រោងផ្តោតលើ វិស័យអប់រំ និងបរិស្ថាន និងប្រឹក្សាយោបល់ដល់សមាជិកក្រុមផង។
តាមយុវជន ស៊ុម ច័ន្ទតារា នៅពេលយុវជនចាប់ផ្តើមគិតពីបញ្ហាសង្គម គឺគេកំពុងគិតពីប្រទេសជាតិខ្លួនឯង ប៉ុន្តែផ្ទុយទៅវិញប្រទេសជាតិយើងនឹងមានបញ្ហា បើគ្មានការអើពើពីយុវជន។ សម្រាប់ ច័ន្ទតារា ការចាប់ផ្តើមគិតពីបញ្ហាសង្គមរបស់យុវជន បន្តិចៗប្រទេសជាតិនឹងកាន់តែចម្រើន ហើយការងារស្ម័គ្រចិត្តបច្ចុប្បន្ន ដែលរូបគេកំពុងជំរុញយុវជនឲ្យគិតពីបញ្ហាសង្គមនេះ ក៏ជាចំណែកមួយ ក្នុងចំណោមកិច្ចការងារ និងការខំប្រឹងប្រែងជាច្រើនទៀតដែល យុវជន ស៊ុម ច័ន្ទតារា ត្រូវធ្វើ ដើម្បីដើរលើវិថីឆ្ពោះទៅរកក្តីស្រមៃ ជាអ្នកដឹកនាំខេត្តតាកែវ នាពេលអនាគតនោះ៕
Tag:
ស៊ុម ច័ន្ទតារា
អភិបាលខេត្ត
© រក្សាសិទ្ធិដោយ thmeythmey.com
