កីឡាអន្តរជាតិ
អន្តរជាតិ
ម្ចាស់ Newcastle ប្រកាសលក់ក្លិបឲ្យបានមុនថ្ងៃណូអែល ក្នុងតម្លៃ ៥៣០លានដុល្លារ
×![]()
ដោយ: ទេព ពិទូរ្យ
លោក Mike Ashley ម្ចាស់ក្លិប Newcastle United បានប្រកាសដាក់លក់ក្លិបនេះជាផ្លូវការហើយ និងចង់ឲ្យមានកិច្ចព្រមព្រៀងមួយនៅមុនថ្ងៃណូអែល។
បើតាមការផ្សាយរបស់ The Independent លោកមហាសេដ្ឋីសញ្ជាតិអង់គ្លេស នឹងដាក់លក់ក្លិបរហស្សនាមសារិកាព្រៃក្នុងតម្លៃ ៤០០លានផោន ប្រហែល៥៣០លានដុល្លារ និងមានការដេញថ្លៃផង ប៉ុន្តែក្នុងនោះលោកបានផ្តល់ជូនឲ្យអ្នកដែលចង់ទិញក្លិបនេះដោយអាចពន្យាការបង់ថ្លៃបាន។
លោក Ashley មានវ័យ៥៣ឆ្នាំ បច្ចុប្បន្នមានទ្រព្យរហូតដល់ ៣.៣ពាន់លានដុល្លារ បានចំណាយប្រាក់១៣០លានផោន ប្រមាណ ១៧២លានដុល្លារទិញយកក្លិបក្នុងក្របខណ្ឌ Premier League មួយនេះ ពោលគឺរយៈពេល១០ឆ្នាំមកហើយចាប់តាំងពីឆ្នាំ២០០៧មក។ ក្រោមការកាន់កាប់របស់លោករយៈពេលមួយទសវត្សរ៍មកនេះ Newcastle United ធ្លាប់ធ្លាក់ទៅកាន់លីកលំដាប់ទី២ Championship ២ដង។
លោក Mike Ashley ម្ចាស់ក្លិបសារិកាព្រៃ Newcastle
តាមពិតអ្នកជំនួញខាងសម្ភារកីឡារូបនេះ មានបំណងលក់ក្លិបតាំងពីរដូវកាលមុនមកម្លេះ នៅពេលធ្លាក់ចេញពីក្របខណ្ឌកំពូលអង់គ្លេស ប៉ុន្តែត្រូវបរាជ័យដោយសារមានផលប៉ះពាល់ដល់ប្រយោជន៍របស់ក្លិបធ្ងន់ធ្ងរពេក។ តែរហូតដល់ពេលនេះលោកបានប្រកាស់ដាក់លក់វាជាផ្លូវការ។ នៅមុនការប្រកាសលក់នេះ ក៏ធ្លាប់លេចលឺថាកាលពីខែមិថុនាមានអ្នកវិនិយោគចិនបានចាប់អារម្មណ៍ទិញយកក្លិបនេះដែរ។
Newcastle បច្ចុប្បន្នស្ថិតនៅចំណាត់ថ្នាក់ទី៩ ក្នុងតារាង Premier League មាន១១ពិន្ទុ បន្ទាប់ពីធ្វើការប្រកួត៨លើកចុងក្រោយ ឈ្នះ៣ ស្មើ២ និងចាញ់៣ដង៕
បើតាមការផ្សាយរបស់ The Independent លោកមហាសេដ្ឋីសញ្ជាតិអង់គ្លេស នឹងដាក់លក់ក្លិបរហស្សនាមសារិកាព្រៃក្នុងតម្លៃ ៤០០លានផោន ប្រហែល៥៣០លានដុល្លារ និងមានការដេញថ្លៃផង ប៉ុន្តែក្នុងនោះលោកបានផ្តល់ជូនឲ្យអ្នកដែលចង់ទិញក្លិបនេះដោយអាចពន្យាការបង់ថ្លៃបាន។
លោក Ashley មានវ័យ៥៣ឆ្នាំ បច្ចុប្បន្នមានទ្រព្យរហូតដល់ ៣.៣ពាន់លានដុល្លារ បានចំណាយប្រាក់១៣០លានផោន ប្រមាណ ១៧២លានដុល្លារទិញយកក្លិបក្នុងក្របខណ្ឌ Premier League មួយនេះ ពោលគឺរយៈពេល១០ឆ្នាំមកហើយចាប់តាំងពីឆ្នាំ២០០៧មក។ ក្រោមការកាន់កាប់របស់លោករយៈពេលមួយទសវត្សរ៍មកនេះ Newcastle United ធ្លាប់ធ្លាក់ទៅកាន់លីកលំដាប់ទី២ Championship ២ដង។
លោក Mike Ashley ម្ចាស់ក្លិបសារិកាព្រៃ Newcastle
តាមពិតអ្នកជំនួញខាងសម្ភារកីឡារូបនេះ មានបំណងលក់ក្លិបតាំងពីរដូវកាលមុនមកម្លេះ នៅពេលធ្លាក់ចេញពីក្របខណ្ឌកំពូលអង់គ្លេស ប៉ុន្តែត្រូវបរាជ័យដោយសារមានផលប៉ះពាល់ដល់ប្រយោជន៍របស់ក្លិបធ្ងន់ធ្ងរពេក។ តែរហូតដល់ពេលនេះលោកបានប្រកាស់ដាក់លក់វាជាផ្លូវការ។ នៅមុនការប្រកាសលក់នេះ ក៏ធ្លាប់លេចលឺថាកាលពីខែមិថុនាមានអ្នកវិនិយោគចិនបានចាប់អារម្មណ៍ទិញយកក្លិបនេះដែរ។
Newcastle បច្ចុប្បន្នស្ថិតនៅចំណាត់ថ្នាក់ទី៩ ក្នុងតារាង Premier League មាន១១ពិន្ទុ បន្ទាប់ពីធ្វើការប្រកួត៨លើកចុងក្រោយ ឈ្នះ៣ ស្មើ២ និងចាញ់៣ដង៕
Tag:
បាល់ទាត់
Newcastle United
Mike Ashley
© រក្សាសិទ្ធិដោយ thmeythmey.com
