ជាតិ
នយោបាយជាតិ
សហភាពអន្តរសភានឹងបញ្ជូនប្រតិភូមកស្វែងរកការពិតពីសភាពការណ៍នៅកម្ពុជា
ប្រធានសហភាពអន្តរសភា លោក Saber Hossain Chowdhury និងលោក យ៉ង់ សែម ប្រធានប្រតិភូកម្ពុជា
×![]()
ដោយ: ម៉ៅ សុផា
ភ្នំពេញ៖ សហភាពអន្តរសភា (Inter-Parliamentary Union) ចង់ដឹងការពិត ទាក់ទងនឹងបញ្ហាសិទ្ធិមនុស្ស និងស្ថានការណ៍នយោបាយបច្ចុប្បន្ននៅកម្ពុជា។ សហភាពអន្តរសភា ប្រកាសថា ខ្លួននឹងបញ្ជូនគណៈប្រតិភូមកកាន់កម្ពុជា។ ជាការឆ្លើយតប គណៈប្រតិភូកម្ពុជា ប្រកាសស្វាគមន៍ទស្សនកិច្ចនោះរបស់គណៈប្រតិភូសហភាពអន្តរសភា។
ប្រធានសហភាពអន្តរសភា លោក Saber Hossain Chowdhury បានប្រកាសពីបំណងបញ្ជូនប្រតិភូសហភាពអន្តរសភាមកទស្សនកិច្ចប្រទេសកម្ពុជាដើម្បីតាមដានអំពីស្ថានភាពនយោបាយនៅក្នុងប្រទេសសមាជិកមួយនេះ។ សេចក្តីប្រកាសនេះត្រូវបានធ្វើឡើងនៅក្នុងកិច្ចប្រជុំសហភាពអន្តរសភាលើកទី១៣៧នៅក្នុងទីក្រុង Saint Petersburg នៃសហព័ន្ធរុស្ស៊ី នៅថ្ងៃទី១៨តុលា ខណៈប្រធានសហភាពនេះកំពុងសួរដេញដោលមកប្រធានប្រតិភូកម្ពុជាគឺលោក យ៉ង់ សែម សមាជិកព្រឹទ្ធសភាកម្ពុជា អំពីស្ថានភាពនយោបាយបច្ចុប្បន្ននៅកម្ពុជា។ តំណាងសភាមកពីជាង១៥០ប្រទេសបានចូលរួមប្រជុំសហភាពអន្តរសភានេះ។
ប្រធានសហភាពអន្តរសភាបាននិយាយអំពីទស្សនកិច្ចនៅកម្ពុជា នៅពេលដែលលោកកំពុងចោទសួរប្រតិភូនីតិបញ្ញត្តិរបស់កម្ពុជាអំពីការអនុម័តច្បាប់ស្តីពីរំលាយគណបក្សនយោបាយ និងការបែងចែកអាសនៈសភារបស់គណបក្សដែលត្រូវរំលាយទៅឲ្យគណបក្សផ្សេងៗនោះ។
ការចាប់ឯកឧត្តម កឹម សុខា ការចាប់អ្នកនយោបាយប្រឆាំងមួយចំនួនទៀត បណ្តឹងសុំឲ្យរំលាយគណបក្សសង្គ្រោះជាតិ និងការកែប្រែច្បាប់ ដើម្បីយកអាសនៈនៃគណបក្សណាមួយ ដែលត្រូវបានរំលាយទៅឲ្យគណបក្សដទៃជាដើម សុទ្ធសឹងតែជាប្រធានបទដែលត្រូវបានលើកឡើងនៅក្នុងកិច្ចប្រជុំសហភាពអន្តរសភានេះ។
លោក យ៉ង់ សែម សមាជិកព្រឹទ្ធសភា ដែលដឹកនាំគណៈប្រតិភូកម្ពុជា ទៅចូលរួមក្នុងមហាសន្និបាតសហភាពអន្តរសភា បានឆ្លើយតបយ៉ាងដូច្នេះ ទៅកាន់ប្រធានសហភាពអន្តរសភា៖«យើងនឹងសម្របសម្រួលសម្រាប់វត្តមានរបស់លោកប្រធាននៅកម្ពុជា ព្រោះលោកប្រធាន ស្នើឡើងហើយថា ចង់ទៅកាន់កម្ពុជា»។
ក្នុងកិច្ចប្រជុំពេញអង្គ ប្រធានសហភាពអន្តរសភា បានចោទសួរនៅចំពោះមុខគណៈប្រតិភូកម្ពុជាថា តើបច្ចុប្បន្នប្រទេសកម្ពុជា កំពុងតែកែប្រែច្បាប់ ដែលមានលក្ខណៈជានយោបាយ ដើម្បីរំលាយគណបក្សប្រឆាំង តើមែនឬទេ? ហើយលោកគាំទ្រការការប្រែច្បាប់បែបនេះឬអត់? ប្រធានសហភាពអន្តរសភាបន្តសួរទៀតថា បើការស្នើឲ្យធ្វើច្បាប់ មានលក្ខណៈជានយោបាយបែបនេះ គ្រាន់តែដើម្បីរំលាយគណបក្សប្រឆាំង ហើយអាសនៈទាំង៥៥ ក្នុងសភារបស់គណបក្សប្រឆាំង ក៏ត្រូវបាត់បង់ទៀតនោះ តើប្រព័ន្ធនយោបាយ ដែលចែងក្នុងរដ្ឋធម្មនុញ្ញកម្ពុជា អំពីលទ្ធិប្រជាធិបតេយ្យសេរី ពហុបក្ស អាចនឹងបន្តកើតមាននៅកម្ពុជា ទៀតទេ?
ក្នុងនាមប្រធានគណៈប្រតិភូកម្ពុជា លោក យ៉ង់ សែម ពុំបានអត្ថាធិប្បាយឲ្យបានក្បោះក្បាយ ទាក់ទងនឹងសំណួរបស់ប្រធានសហភាពអន្តរសភា ឡើយ។ លោក បានឆ្លើយ៉ាងខ្លីថា លោក មិនសន្និដ្ឋានជាមុនទេ ថាការកែប្រែច្បាប់ខាងលើ គឺស្ថិតក្នុងគោលបំណងអ្វីឲ្យពិតប្រាក ដ្បិតរូបលោក ពុំទាន់បានឃើញខ្លឹមសារថ្មីនៃច្បាប់ទាំងនោះ។
បន្ទាប់ពីប្រធានសហភាពអន្តរសភាប្រកាសថា ចង់បញ្ជូនគណៈប្រតិភូរបស់ខ្លួនមកកាន់កម្ពុជារួចហើយ សហភាពអន្តរសភាដែលបច្ចុប្បន្ន មានប្រទេសលើពិភពលោកជាង១៧0 ជាសមាជិក ក៏បានចេញសេចក្តីថ្លែងការណ៍ជាផ្លូវការតែម្តង។ សេចក្តីថ្លែងការណ៍ បានលើកឡើងយ៉ាងដូច្នេះ៖«សហភាពអន្តរសភា បានស្នើទៅកាន់គណៈកម្មាធិការទទួលបន្ទុកផ្នែកសិទ្ធិមនុស្សនៃសហភាពអន្តរសភា ដើម្បីសុំឲ្យរៀបចំគណៈប្រតិភូទៅស្វែងការពិត នៅប្រទេសទាំងបួន [ដែលមានកម្ពុជាផងដែរ] នាពេលខាងមុខ ដ៏ខ្លីនេះ»។
តាមរយៈសេចក្តីថ្លែងការណ៍ សហភាពអន្តរសភា បានសម្តែងក្តីព្រួយបារម្ភយ៉ាងខ្លាំងចំពោះស្ថានភាព ដែលកើតឡើងនៅកម្ពុជានាពេលបច្ចុប្បន្ន ជាពិសេសពាក់ព័ន្ធនឹងគណបក្សប្រឆាំង ដែលកំពុងជួបបញ្ហាជាបន្តបន្ទាប់ ខណៈការបោះឆ្នោតថ្នាក់ជាតិ កាន់តែខិតជិតមកដល់។ ក្នុងសេចក្តីថ្លែងការណ៍ សហភាពអន្តរសភាបានជំរុញឲ្យមានការដោះលែងឯកឧត្តម កឹម សុខា ប្រធានគណបក្សសង្រោះជាតិ ព្រមទាំងសុំឲ្យរដ្ឋាភិបាលកម្ពុជា បើកផ្លូវឲ្យក្រុមអ្នកនយោបាយប្រឆាំងជាច្រើនទៀត ដែលមានលោក សម រង្ស៊ី ជាដើម អាចវិលមកប្រទេសកម្ពុជាវិញ ដើម្បីបានចូលរួមប្រកួតប្រជែងក្នុងការបោះឆ្នោត នាឆ្នាំ២0១៨។
សេចក្តីការណ៍ខាងលើ បានបង្ហោះលើគេហទំព័ររបស់សហភាពអន្តរសភា ដោយភ្ជាប់ជាមួយរូបឯកឧត្តម កឹម សុខា ដែលត្រូវបានប៉ូលិសដាក់ខ្នោះ ពេលចាប់ខ្លួន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។
គួរបញ្ជាប់ផងដែរថា នៅក្នុងកិច្ចប្រជុំសហភាពអន្តរសភានោះ ឯកសារវីដេអូដែលផ្សាយអំពីការបញ្ចេញមតិរបស់លោកស្រី មួ សុខហួរ សមាជិករដ្ឋសភាគណបក្សសង្គ្រោះជាតិ និងជាអនុប្រធាននៃគណបក្សប្រឆាំងត្រូវបានចាក់ផ្សាយឲ្យសមាជិកបានឃើញដែរ។ លោកស្រី មួ សុខហួរ បាននិយាយអំពីការនិរទេសពីប្រទេសកំណើតដោយបង្ខំ៕
ប្រធានសហភាពអន្តរសភា លោក Saber Hossain Chowdhury បានប្រកាសពីបំណងបញ្ជូនប្រតិភូសហភាពអន្តរសភាមកទស្សនកិច្ចប្រទេសកម្ពុជាដើម្បីតាមដានអំពីស្ថានភាពនយោបាយនៅក្នុងប្រទេសសមាជិកមួយនេះ។ សេចក្តីប្រកាសនេះត្រូវបានធ្វើឡើងនៅក្នុងកិច្ចប្រជុំសហភាពអន្តរសភាលើកទី១៣៧នៅក្នុងទីក្រុង Saint Petersburg នៃសហព័ន្ធរុស្ស៊ី នៅថ្ងៃទី១៨តុលា ខណៈប្រធានសហភាពនេះកំពុងសួរដេញដោលមកប្រធានប្រតិភូកម្ពុជាគឺលោក យ៉ង់ សែម សមាជិកព្រឹទ្ធសភាកម្ពុជា អំពីស្ថានភាពនយោបាយបច្ចុប្បន្ននៅកម្ពុជា។ តំណាងសភាមកពីជាង១៥០ប្រទេសបានចូលរួមប្រជុំសហភាពអន្តរសភានេះ។
ប្រធានសហភាពអន្តរសភាបាននិយាយអំពីទស្សនកិច្ចនៅកម្ពុជា នៅពេលដែលលោកកំពុងចោទសួរប្រតិភូនីតិបញ្ញត្តិរបស់កម្ពុជាអំពីការអនុម័តច្បាប់ស្តីពីរំលាយគណបក្សនយោបាយ និងការបែងចែកអាសនៈសភារបស់គណបក្សដែលត្រូវរំលាយទៅឲ្យគណបក្សផ្សេងៗនោះ។
ការចាប់ឯកឧត្តម កឹម សុខា ការចាប់អ្នកនយោបាយប្រឆាំងមួយចំនួនទៀត បណ្តឹងសុំឲ្យរំលាយគណបក្សសង្គ្រោះជាតិ និងការកែប្រែច្បាប់ ដើម្បីយកអាសនៈនៃគណបក្សណាមួយ ដែលត្រូវបានរំលាយទៅឲ្យគណបក្សដទៃជាដើម សុទ្ធសឹងតែជាប្រធានបទដែលត្រូវបានលើកឡើងនៅក្នុងកិច្ចប្រជុំសហភាពអន្តរសភានេះ។
លោក យ៉ង់ សែម សមាជិកព្រឹទ្ធសភា ដែលដឹកនាំគណៈប្រតិភូកម្ពុជា ទៅចូលរួមក្នុងមហាសន្និបាតសហភាពអន្តរសភា បានឆ្លើយតបយ៉ាងដូច្នេះ ទៅកាន់ប្រធានសហភាពអន្តរសភា៖«យើងនឹងសម្របសម្រួលសម្រាប់វត្តមានរបស់លោកប្រធាននៅកម្ពុជា ព្រោះលោកប្រធាន ស្នើឡើងហើយថា ចង់ទៅកាន់កម្ពុជា»។
ក្នុងកិច្ចប្រជុំពេញអង្គ ប្រធានសហភាពអន្តរសភា បានចោទសួរនៅចំពោះមុខគណៈប្រតិភូកម្ពុជាថា តើបច្ចុប្បន្នប្រទេសកម្ពុជា កំពុងតែកែប្រែច្បាប់ ដែលមានលក្ខណៈជានយោបាយ ដើម្បីរំលាយគណបក្សប្រឆាំង តើមែនឬទេ? ហើយលោកគាំទ្រការការប្រែច្បាប់បែបនេះឬអត់? ប្រធានសហភាពអន្តរសភាបន្តសួរទៀតថា បើការស្នើឲ្យធ្វើច្បាប់ មានលក្ខណៈជានយោបាយបែបនេះ គ្រាន់តែដើម្បីរំលាយគណបក្សប្រឆាំង ហើយអាសនៈទាំង៥៥ ក្នុងសភារបស់គណបក្សប្រឆាំង ក៏ត្រូវបាត់បង់ទៀតនោះ តើប្រព័ន្ធនយោបាយ ដែលចែងក្នុងរដ្ឋធម្មនុញ្ញកម្ពុជា អំពីលទ្ធិប្រជាធិបតេយ្យសេរី ពហុបក្ស អាចនឹងបន្តកើតមាននៅកម្ពុជា ទៀតទេ?
ក្នុងនាមប្រធានគណៈប្រតិភូកម្ពុជា លោក យ៉ង់ សែម ពុំបានអត្ថាធិប្បាយឲ្យបានក្បោះក្បាយ ទាក់ទងនឹងសំណួរបស់ប្រធានសហភាពអន្តរសភា ឡើយ។ លោក បានឆ្លើយ៉ាងខ្លីថា លោក មិនសន្និដ្ឋានជាមុនទេ ថាការកែប្រែច្បាប់ខាងលើ គឺស្ថិតក្នុងគោលបំណងអ្វីឲ្យពិតប្រាក ដ្បិតរូបលោក ពុំទាន់បានឃើញខ្លឹមសារថ្មីនៃច្បាប់ទាំងនោះ។
បន្ទាប់ពីប្រធានសហភាពអន្តរសភាប្រកាសថា ចង់បញ្ជូនគណៈប្រតិភូរបស់ខ្លួនមកកាន់កម្ពុជារួចហើយ សហភាពអន្តរសភាដែលបច្ចុប្បន្ន មានប្រទេសលើពិភពលោកជាង១៧0 ជាសមាជិក ក៏បានចេញសេចក្តីថ្លែងការណ៍ជាផ្លូវការតែម្តង។ សេចក្តីថ្លែងការណ៍ បានលើកឡើងយ៉ាងដូច្នេះ៖«សហភាពអន្តរសភា បានស្នើទៅកាន់គណៈកម្មាធិការទទួលបន្ទុកផ្នែកសិទ្ធិមនុស្សនៃសហភាពអន្តរសភា ដើម្បីសុំឲ្យរៀបចំគណៈប្រតិភូទៅស្វែងការពិត នៅប្រទេសទាំងបួន [ដែលមានកម្ពុជាផងដែរ] នាពេលខាងមុខ ដ៏ខ្លីនេះ»។
តាមរយៈសេចក្តីថ្លែងការណ៍ សហភាពអន្តរសភា បានសម្តែងក្តីព្រួយបារម្ភយ៉ាងខ្លាំងចំពោះស្ថានភាព ដែលកើតឡើងនៅកម្ពុជានាពេលបច្ចុប្បន្ន ជាពិសេសពាក់ព័ន្ធនឹងគណបក្សប្រឆាំង ដែលកំពុងជួបបញ្ហាជាបន្តបន្ទាប់ ខណៈការបោះឆ្នោតថ្នាក់ជាតិ កាន់តែខិតជិតមកដល់។ ក្នុងសេចក្តីថ្លែងការណ៍ សហភាពអន្តរសភាបានជំរុញឲ្យមានការដោះលែងឯកឧត្តម កឹម សុខា ប្រធានគណបក្សសង្រោះជាតិ ព្រមទាំងសុំឲ្យរដ្ឋាភិបាលកម្ពុជា បើកផ្លូវឲ្យក្រុមអ្នកនយោបាយប្រឆាំងជាច្រើនទៀត ដែលមានលោក សម រង្ស៊ី ជាដើម អាចវិលមកប្រទេសកម្ពុជាវិញ ដើម្បីបានចូលរួមប្រកួតប្រជែងក្នុងការបោះឆ្នោត នាឆ្នាំ២0១៨។
សេចក្តីការណ៍ខាងលើ បានបង្ហោះលើគេហទំព័ររបស់សហភាពអន្តរសភា ដោយភ្ជាប់ជាមួយរូបឯកឧត្តម កឹម សុខា ដែលត្រូវបានប៉ូលិសដាក់ខ្នោះ ពេលចាប់ខ្លួន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។
គួរបញ្ជាប់ផងដែរថា នៅក្នុងកិច្ចប្រជុំសហភាពអន្តរសភានោះ ឯកសារវីដេអូដែលផ្សាយអំពីការបញ្ចេញមតិរបស់លោកស្រី មួ សុខហួរ សមាជិករដ្ឋសភាគណបក្សសង្គ្រោះជាតិ និងជាអនុប្រធាននៃគណបក្សប្រឆាំងត្រូវបានចាក់ផ្សាយឲ្យសមាជិកបានឃើញដែរ។ លោកស្រី មួ សុខហួរ បាននិយាយអំពីការនិរទេសពីប្រទេសកំណើតដោយបង្ខំ៕
Tag:
IPU
សហភាពអន្តរសភា
© រក្សាសិទ្ធិដោយ thmeythmey.com
