ព័ត៍មានសុខភាព
×![]()
ដោយ: ថ្មីៗ
យោងទៅតាមសេចក្តីរាយការណ៍ពី Daily Express បានឲ្យដឹងថា ការគ្រប់គ្រងសម្ពាធឈាមគឺជាគន្លឹះដ៏សំខាន់ដើម្បីទទួលបានបេះដូងមានសុខភាពល្អ។ មានន័យថា ការដែលរក្សាសម្ពាធឈាមឲ្យនៅទាបមុនអាយុ ៥៥ឆ្នាំ នោះនឹងកាត់បន្ថយការប្រឈមនឹងជំងឺបេះដូងសរសៃឈាមបានយ៉ាងអស្ចារ្យ។
ដំណឹងនេះគឺផ្អែកទៅលើការស្រាវជ្រាវមួយដែលពិនិត្យទៅលើទំនាក់ទំនងរវាងសម្ពាធឈាមលើមនុស្សវ័យកណ្តាល (៤១ ទៅ៥៥ឆ្នាំ) និងការប្រឈមនឹងជំងឺបេះដូងសរសៃឈាមក្នុងរយៈពេលចុងក្រោយនៃជីវិត។ ការសិក្សានេះបានផ្សំចូលគ្នានូវលទ្ធផលនៃការសិក្សាជាច្រើនមុនៗដែលមានបុរស និងស្ត្រីចូលរួមប្រមាណ ៦១៥៨៥នាក់ និងពិនិត្យទៅលើការប្រឈមមុខរបស់ពួកគេទាំងបញ្ហាសុខភាពប៉ះពាល់ដល់អាយុជីវិត និងមិនប៉ះពាល់អាយុជីវិតក្រោយពីអាយុ ៥ឆ្នាំ ដោយក្នុងនោះរួមទាំងជំងឺគាំងបេះដូង និងដាច់សរសៃឈាមខួរក្បាលផងដែរ។
ជាលទ្ធផលគេបានរកឃើញថា អ្នកដែលរក្សា ឬបន្ថយសម្ពាធឈាមក្នុងកម្រិតមធម្មតានៅចន្លោះអាយុ ៤១ ទៅ៥៥ឆ្នាំ គមិនសូវមានការប្រឈមនឹងជំងឺបេះដូងសរសៃឈាមដូចអ្នកដែលមានជំងឺលើសសម្ពាធឈាមស្រាប់ក្នុងវ័យដូចគ្នានោះទេ។
ជំងឺលើសសម្ពាធឈាមត្រូវបានគេដឹងជាយូរហើយថាជាការប្រឈមមុខដ៏សំខាន់មួយនៃជំងឺបេះដូងសរសៃឈាម ហើយការសិក្សានេះដែរ គឺគាំទ្រដល់សារៈសំខាន់ការគ្រប់គ្រងសម្ពាថឈាមលើមនុស្សវ័យកណ្តាលច្រើនជាងគេ៕
ផ្តលសិទ្ធិដោយ www.health.com.kh
© រក្សាសិទ្ធិដោយ thmeythmey.com
