ពីនេះ ពីនោះ
រវាងពាក្យ «គំនូស»«គំនាស់»និង«គំនោះ»ខុសគ្នាដូចម្តេច?
× វចនានុក្រមសម្តេចព្រះសង្ឃរាជ ជួន ណាត មានការបែងចែងពាក្យពេចន៍អក្សរខ្មែរខុសៗគ្នា ហើយពាក្យពេចន៍អក្សរខ្មែរទាំងនោះ ក៏មានខ្លឹមសារអត្ថន័យខុសៗគ្នាដែរ ចំពោះរវាង«គំនូស»«គំនាស់»និង«គំនោះ»ពាក្យទាំងបីនេះ មានអត្ថន័យខុសគ្នា ហើយការប្រើប្រាស់ក៏ខុសគ្នាដែរ។
ពាក្យទី១ «គំនូស»មានន័យថា ជាស្នាមដែលដិតជាប់មកពីនាយ ជាស្នាមគូសដែលមានស្រាប់ ស្នាមដែលត្រូវគេគូស។ ឧទាហរណ៍៖ មានស្នាមជើងដ៏ធំមួយ ដែលអ្នកវិទ្យាសាស្ត្របានសន្និដ្ឋានថា ស្នាមជើងនោះជាស្នាមជើងរបស់មនុស្សដែលរស់នៅកាលពីសម័យអង្គរ។
ពាក្យទី២ «គំនាស់»មានន័យថា ការគាស់ឲ្យរបើក ឬគាស់ឲ្យចេញ។ ឧទាហរណ៍៖ ដើមឈើមួយដើមត្រូវបានគេគាស់ចេញពីតាមដងផ្លូវ ដោយសារតែដើមឈើនោះមានភាពពុកផុយទៅហើយ។
ពាក្យទី៣ «គំនោះ»មានន័យថា សូរដែលគោះ ការគោះឲ្យឮសំឡេងកក្រើកលាន់ឮខ្លាំង។ ឧទាហរណ៍៖ សំឡេងគោះជួងលាន់ខ្លាំង រូតរះឲ្យសិក្សានុសិស្សចូលរៀនឲ្យទាន់ពេលវេលា។
តួយ៉ាងរវាងពាក្យទាំងបីនេះ សាធារណជនប្រាកដជាប្រើប្រាស់ពាក្យពេចន៍ច្រឡំ ជាក់ជាមិនខាន បើសិនជាយើងមិនបានត្រួតពិនិត្យឲ្យច្បាស់លាស់នោះ។ ដើម្បីកុំឲ្យមានការភ័ន្តច្រឡំ ពាក្យពេចន៍អក្សរខ្មែរ និងជៀសវាងប្រើពាក្យខុស គួរយើងស្វែងយល់ដោយត្រួតពិនិត្យតាមរយៈវចនានុក្រមខ្មែរជាមុនសិន៕
© រក្សាសិទ្ធិដោយ thmeythmey.com