ជាតិ
រូបភាពពីហ្វេសប៊ុកក្រសួងធនធានទឺក១
×![]()
តាំងពីអតីតកាល ក៏ដូចជាបច្ចុប្បន្នកាល និងទៅអនាគត ទឹក គឺជាកម្លាំងចលករដ៏សំខាន់មិនអាចខ្វះបាន សម្រាប់ជំរុញកំណើនសេដ្ឋកិច្ច និងសង្គម ហើយការខិតខំប្រឹងប្រែង សកម្មភាពជាសកលដើម្បីរួមគ្នាធ្វើយ៉ាងណាឲ្យមានសន្តិសុខទឹកសម្រាប់ការអភិវឌ្ឍប្រកបដោយនិរន្តរភាពទាំងនៅថ្នាក់ជាតិ និងតំបន់។ នេះបើតាមទំព័រហ្វេសប៊ុក ក្រសួងធនធានទឹក ថ្ងៃទី១១ ខែធ្នូ នេះ។
ប្រទេសកម្ពុជា ជាប្រទេសដែលសម្បូរដោយធនធានទឹក ទាំងទឹកលើដី និងទឹកក្រោមដី ។ ទឹកលើដី ដែលបានមកពីទន្លេមេគង្គ ព្រមទាំងបឹងទន្លេសាប ដែលជាបឹងទឹកសាបធំជាងគេនៅអាស៊ីអាគ្នេយ៍ រួមជាមួយនឹងស្ទឹង អូរ ដែលជាដៃនៃបឹងនេះ មិនត្រឹមតែជាប្រភពទឹកដ៏សំខាន់ប៉ុណ្ណោះទេ តែវាបានក្លាយជាគោលដៅនៃការប្រើប្រាស់ប្រកបដោយសក្តានុពលច្រើនលើវិស័យដូចជា វិស័យកសិកម្ម ធនធានជលផល ជីវចម្រុះ នាវាចរណ៍ វារីអគ្គិសនី អេកូ-ទេសចរណ៍។ នេះបើតាមការលើកឡើងរបស់ រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ ដែលបានចូលរួមក្នុងកិច្ចប្រជុំកំពូលលើកទី៣ ស្ដីពីបញ្ហាទឹកក្នុងតំបន់អាស៊ី-ប៉ាស៊ីហ្វិកក្រោមប្រធានបទ «សន្តិសុខទឹកសម្រាប់ការអភិវឌ្ឍប្រកបដោយចីរភាព» នៅទីក្រុងយ៉ាងហ្គូន ប្រទេសមីយ៉ាន់ម៉ា រយៈពេល ២ថ្ងៃ នៅថ្ងៃទី១១-១២ ខែធ្នូ នេះ។
«ទោះជាបែបនេះក្ដី មិនមែនមានន័យថា កម្ពុជា ជាប្រទេសដែលមានសន្តិសុខទឹករៀងរហូតមកនោះទេ»។ នេះបើតាមការបញ្ជាក់របស់លោក លឹម គានហោ ដែលបន្តថា ជាង២០ ឆ្នាំកន្លងមកនេះ កម្ពុជានៅតែជាប្រទេសប្រឈមនឹងសន្តិសុខទឹក ស្ទើររៀងរាល់ឆ្នាំពោលគឺ សម្បូរទឹកនៅរដូវវស្សារហូតបង្កជាជំនន់ និងខ្វះខាតទឹកនៅរដូវប្រាំង។
រដ្ឋមន្ត្រីក្រសួងធនធានទឹកកម្ពុជាបន្ថែមថា ការប្រឈមនៅតែមាននៅក្នុងបរិបទនៃការប្រែប្រួលអាកាសធាតុ ដែលរាជរដ្ឋាភិបាលកម្ពុជា នៅតែបន្តចាត់ទុកទឹក គឺជាវិស័យអាទិភាពមួយក្នុងចំណោមវិស័យអាទិភាពទាំងបួន ដែលត្រូវបន្តយកចិត្តទុកដាក់អភិវឌ្ឍបន្ថែមទៀត។
ក្នុងកិច្ចប្រជុំអន្តរជាតិនេះ រដ្ឋមន្ត្រីតំណាងឲ្យនាយករដ្ឋមន្ត្រីកម្ពុជា លោក លឹម គានហោ លើកឡើងថា ទឹក និងសន្តិសុខទឹក ត្រូវបានចាត់ទុកថាជាមូលដ្ឋានគន្លឹះសំខាន់សម្រាប់ការអភិវឌ្ឍសេដ្ឋកិច្ច និងវឌ្ឍនភាពសង្គម តាំងពីអតីតកាល ក៏ដូចជាបច្ចុប្បន្ន និងតទៅអនាគត។ លោកបន្តថា កម្ពុជាក៏ដូចជាបណ្តាប្រទេសក្នុងតំបន់ និងប្រទេសផ្សេងទៀតក្នុងពិភពលោកបាន និងកំពុងប្រឈមនឹងតម្រូវការប្រើប្រាស់ទឹកកាន់តែខ្ពស់ ហើយទន្ទឹមនឹងបរិបទ នៃការប្រែប្រួលអាកាសធាតុដែលជាកត្តា ជះឥទ្ធិពល និងបានដាក់សំពាធមកលើសន្តិសុខទឹក និងសេដ្ឋកិច្ចជាតិ។
លោក លឹម គានហោ បានពន្យល់យ៉ាងដូច្នេះ៖ «មានតែការទាមទារឲ្យមានសុឆន្ទៈ ការប្តេជ្ញាចិត្តផ្នែកនយោបាយកម្រិតខ្ពស់ជានិរន្ត កិច្ចសហប្រតិបត្តិការតំបន់កាន់តែជិតស្និទ្ធ ព្រមទាំងកិច្ចខិតខំប្រឹងប្រែង និងសកម្មភាពជាសកលប្រកបដោយចីរភាពទេ ទើបអាចជម្នះ និងដោះស្រាយបញ្ហាប្រឈមខាងលើនេះបាន»៕
ប្រទេសកម្ពុជា ជាប្រទេសដែលសម្បូរដោយធនធានទឹក ទាំងទឹកលើដី និងទឹកក្រោមដី ។ ទឹកលើដី ដែលបានមកពីទន្លេមេគង្គ ព្រមទាំងបឹងទន្លេសាប ដែលជាបឹងទឹកសាបធំជាងគេនៅអាស៊ីអាគ្នេយ៍ រួមជាមួយនឹងស្ទឹង អូរ ដែលជាដៃនៃបឹងនេះ មិនត្រឹមតែជាប្រភពទឹកដ៏សំខាន់ប៉ុណ្ណោះទេ តែវាបានក្លាយជាគោលដៅនៃការប្រើប្រាស់ប្រកបដោយសក្តានុពលច្រើនលើវិស័យដូចជា វិស័យកសិកម្ម ធនធានជលផល ជីវចម្រុះ នាវាចរណ៍ វារីអគ្គិសនី អេកូ-ទេសចរណ៍។ នេះបើតាមការលើកឡើងរបស់ រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ ដែលបានចូលរួមក្នុងកិច្ចប្រជុំកំពូលលើកទី៣ ស្ដីពីបញ្ហាទឹកក្នុងតំបន់អាស៊ី-ប៉ាស៊ីហ្វិកក្រោមប្រធានបទ «សន្តិសុខទឹកសម្រាប់ការអភិវឌ្ឍប្រកបដោយចីរភាព» នៅទីក្រុងយ៉ាងហ្គូន ប្រទេសមីយ៉ាន់ម៉ា រយៈពេល ២ថ្ងៃ នៅថ្ងៃទី១១-១២ ខែធ្នូ នេះ។
«ទោះជាបែបនេះក្ដី មិនមែនមានន័យថា កម្ពុជា ជាប្រទេសដែលមានសន្តិសុខទឹករៀងរហូតមកនោះទេ»។ នេះបើតាមការបញ្ជាក់របស់លោក លឹម គានហោ ដែលបន្តថា ជាង២០ ឆ្នាំកន្លងមកនេះ កម្ពុជានៅតែជាប្រទេសប្រឈមនឹងសន្តិសុខទឹក ស្ទើររៀងរាល់ឆ្នាំពោលគឺ សម្បូរទឹកនៅរដូវវស្សារហូតបង្កជាជំនន់ និងខ្វះខាតទឹកនៅរដូវប្រាំង។
រដ្ឋមន្ត្រីក្រសួងធនធានទឹកកម្ពុជាបន្ថែមថា ការប្រឈមនៅតែមាននៅក្នុងបរិបទនៃការប្រែប្រួលអាកាសធាតុ ដែលរាជរដ្ឋាភិបាលកម្ពុជា នៅតែបន្តចាត់ទុកទឹក គឺជាវិស័យអាទិភាពមួយក្នុងចំណោមវិស័យអាទិភាពទាំងបួន ដែលត្រូវបន្តយកចិត្តទុកដាក់អភិវឌ្ឍបន្ថែមទៀត។
ក្នុងកិច្ចប្រជុំអន្តរជាតិនេះ រដ្ឋមន្ត្រីតំណាងឲ្យនាយករដ្ឋមន្ត្រីកម្ពុជា លោក លឹម គានហោ លើកឡើងថា ទឹក និងសន្តិសុខទឹក ត្រូវបានចាត់ទុកថាជាមូលដ្ឋានគន្លឹះសំខាន់សម្រាប់ការអភិវឌ្ឍសេដ្ឋកិច្ច និងវឌ្ឍនភាពសង្គម តាំងពីអតីតកាល ក៏ដូចជាបច្ចុប្បន្ន និងតទៅអនាគត។ លោកបន្តថា កម្ពុជាក៏ដូចជាបណ្តាប្រទេសក្នុងតំបន់ និងប្រទេសផ្សេងទៀតក្នុងពិភពលោកបាន និងកំពុងប្រឈមនឹងតម្រូវការប្រើប្រាស់ទឹកកាន់តែខ្ពស់ ហើយទន្ទឹមនឹងបរិបទ នៃការប្រែប្រួលអាកាសធាតុដែលជាកត្តា ជះឥទ្ធិពល និងបានដាក់សំពាធមកលើសន្តិសុខទឹក និងសេដ្ឋកិច្ចជាតិ។
លោក លឹម គានហោ បានពន្យល់យ៉ាងដូច្នេះ៖ «មានតែការទាមទារឲ្យមានសុឆន្ទៈ ការប្តេជ្ញាចិត្តផ្នែកនយោបាយកម្រិតខ្ពស់ជានិរន្ត កិច្ចសហប្រតិបត្តិការតំបន់កាន់តែជិតស្និទ្ធ ព្រមទាំងកិច្ចខិតខំប្រឹងប្រែង និងសកម្មភាពជាសកលប្រកបដោយចីរភាពទេ ទើបអាចជម្នះ និងដោះស្រាយបញ្ហាប្រឈមខាងលើនេះបាន»៕
Tag:
លឹម គានហោ
អាស៊ី-ប៉ាស៊ីហ្វិក
មីយ៉ាន់ម៉ា
© រក្សាសិទ្ធិដោយ thmeythmey.com
