ជាតិ
សិល្បះ
Cambodian Idol៖ មាន់ ស្វាយ ពោត ជូនលោក និងអ្នកនាងចៅក្រម
× កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី៣ របស់ទូរទស្សន៍ហង្សមាស ឈានចូលសប្តាហ៍ទី២នៃវគ្គ Judge Audition ។ ក្រៅពីការបញ្ចេញសមត្ថភាពផ្នែកសំឡេង បេក្ខជន បេក្ខនារី បានធ្វើសកម្មភាពប្លែកៗមួយចំនួនផងដែរ។
នៅសប្តាហ៍ទី២ ដែលត្រូវបានចាក់ផ្សាយកាលពីថ្ងៃសុក្រ ចៅក្រមទាំង៤រូបរួមមាន លោក ព្រាប សុវត្ថិ លោក ណុប បាយ៉ារិទ្ធ លោក ឆន សុវណ្ណារាជ និងកញ្ញា ឱក សុគន្ធកញ្ញា បានទទួលកាដូអនុស្សាវីយ៍ពីបេក្ខជន បេក្ខនារី ក្នុងនោះមាន មាន់ ស្វាយ និងពោត។
ជាសំណូក? មិនមែនឡើយ។ សកម្មភាពទាំងនោះ គ្រាន់តែផ្នែកមួយនៃការទាក់ទាញបែបសិល្បៈប៉ុណ្ណោះ។
សូមទស្សនាឃ្លីបដូចខាងក្រោម៖
បេក្ខជន វ៉ា រម្នី មកពីខេត្តក្រចេះ បានយកមាន់៤ក្បាលទៅជូនចៅក្រមទាំងបួន។ ក្រោយការបកស្រាយបទ «ទៅដណ្តឹងកូនគេ» រម្នី ទទួលបានចម្លើយ «Yes» ទាំងបួន
បេក្ខនារី ឈឿន ចម មកពីខេត្តកណ្តាល យកស្វាយមួយល្អី និងអំបិលម្ទេស ជូនចៅក្រម ដោយអះអាងថា ជាស្វាយធម្មជាតិ។ ប៉ុន្តែការបកស្វាយ បទ «My Heart Will Go On» របស់ Celine Dion ត្រូវវាយតម្លៃថា ហួសពីសមត្ថភាពរបស់ខ្លួន។
បេក្ខជន ចាន់ សារិ ពីខេត្តស្វាយរៀង ច្រៀងបទរំដួលក្រចេះ ដោយគេបានឆ្លៀតពេលទិញ ពោត ផ្ញើចៅក្រមទាំងបួន។ ទោះបីជាយ៉ាងណាក៏ដោយ សំនៀងរបស់គេ ទទួលបានចម្លើយ «NO» ទាំង៤៖
© រក្សាសិទ្ធិដោយ thmeythmey.com