អន្តរជាតិ
នយោបាយអន្តរជាតិ
ក្រោយកូរ៉េទាំងពីរសម្រេចចិត្តចរចា ចិនស្វាគមន៍ ឯអាមេរិកនិងជប៉ុនបន្តប្រុងប្រយ័ត្ន
តំណាងចរចានុយក្លេអ៊ែរបស់ចិន លោក Kong Xuanyou (រូបភាព៖ Kyodo)
×![]()
ដោយ: តន ចាន់រិទ្ធារ៉ា
នៅថ្ងៃទី៥ ខែមករា កូរ៉េទាំងបានយល់ព្រមចរចាគ្នានៅសប្ដាហ៍ក្រោយនៅតំបន់ព្រំដែនគ្មានកងទ័ព។ ចិនបានស្វាគមន៍ដំណើការជាវិជ្ជមាននេះ ប៉ុន្តែអាមេរិក និងជប៉ុន ហាក់នៅរារែក និងមិនទាន់ជឿជាក់មួយរយភាគរយលើការបន្ទន់ឥរិយាបថរបស់កូរ៉េខាងជើងនៅឡើយ ហើយនឹងបន្តការប្រុងប្រយ័ត្នដដែល។ 
តំណាងចរចានុយក្លេអ៊ែររបស់ចិន លោក Kong Xuanyou នៅថ្ងៃទី៥ ខែមករា បានស្វាគមន៍ចំពោះការវិវដ្តជាវិជ្ជមាននៅឧបទ្វីបកូរ៉េ បន្ទាប់ពីកូរ៉េខាងត្បូង និងខាងជើង សុខចិត្តអង្គុយចរចានៅសប្ដាហ៍ក្រោយជុំវិញលទ្ធភាពនៃការចូលរួមរបស់កូរ៉េខាងជើងក្នុងព្រឹត្តិការណ៍អូឡាំពិកឆ្នាំ២០១៨ ។ មន្ត្រីជាន់ខ្ពស់ចិននិយាយបែបនេះ អំឡុងពេលទស្សនកិច្ចនៅក្រុងសេអ៊ូលដើម្បីពិភាក្សាលើបញ្ហាកូរ៉េខាងជើង និងទំនាក់ទំនងទ្វេភាគី។
ចំពោះមុខសមភាគីកូរ៉េខាងត្បូង Lee Do-hoon លោក Kong Xuanyou និយាយថា ចំណុចវិជ្ជមានខ្លួនត្រូវបានលាតត្រដាងជុំវិញស្ថានភាពនៅឧបទ្វីបកូរ៉េ ទោះជាមានបញ្ហាប្រឈមមុខជាច្រើនក្ដី។ ចំណែកលោក Lee វិញអះអាងថា ស្ថានការណ៍នៅឧបទ្វីបកូរ៉េបានមកចំដល់ណុចរបត់ដ៏សំខាន់មួយ ក្រោយការថ្លែងសាររបស់មេដឹកនាំកំពូលកូរ៉េខាងជើង គីម ជុងអ៊ុន ដែលនេះតម្រូវឲ្យកូរ៉េខាងត្បូង និងចិនត្រូវពង្រឹងទំនាក់ទំនងទ្វេភាគីខ្លាំងថែមទៀត។
ខណៈដែលចិន និងកូរ៉េខាងត្បូងសាទរការផ្លាស់ប្ដូរឥរិយាបថរបស់កូរ៉េខាងជើង អាមេរិក និងជប៉ុន បែរជាបង្កើនការប្រុងប្រយ័ត្នទៅវិញ។ រដ្ឋមន្ត្រីការពារជាតិជប៉ុន Itsunori Onodera និយាយថា វាជារឿងសំខាន់ដែលត្រូវរក្សាជំហររឹងមាំ ព្រោះកូរ៉េខាងជើងមានទំនោរចង់ចរចា តែទន្ទឹមគ្នានោះកូរ៉េខាងជើងនៅតែបន្តកម្មវិធីអភិវឌ្ឍនុយក្លេអ៊ែរ និងមីស៊ីលរបស់ខ្លួនដដែល។ ដូច្នេះជប៉ុនគ្មានជំហរត្រូវបន្ទន់ការតាមដានឡើយ។
ដូចគ្នានឹងជប៉ុនដែរ អាមេរិកក៏បង្ហាញការប្រុងប្រយ័ត្នខ្ពស់ចំពោះគោលដៅរបស់កូរ៉េខាងជើង និងមិនទាន់ជឿថា ព្យុងយ៉ាងចង់ចរចាដោយសុទ្ធចិត្ត ឬយ៉ាងណាឡើយ។ នេះក៏ព្រោះតែកូរ៉េខាងជើងមិនដែលអះអាងថា ខ្លួនបញ្ឈប់កម្មវិធីនុយក្លេអ៊ែររបស់ខ្លួនឡើយ និងមានតែបង្កើនការផលិតថែមទៀត។ នេះបើតាមសារអបអរឆ្នាំថ្មីរបស់លោក គីម ជុងអ៊ុន ដែលរំឭកអាមេរិកដែរថា ទឹកដីអាមេរិកទាំងអស់ស្ថិតក្នុងរង្វង់ដែលមីស៊ីលកូរ៉េខាងទៅដល់។
យ៉ាងណាមិញ ការចរចានៅសប្ដាហ៍ក្រោយនៅភូមិប៉ាន់មុនជុម នឹងផ្ដោតសំខាន់តែលើការចូលរួមរបស់កូរ៉េខាងជើងក្នុងកម្មវិធីអូឡាំពិកខែក្រោយ នៅទីក្រុងព្យុងឆាង និងទំនាក់ទំនងទ្វេភាគីប៉ុណ្ណោះ។ គេក៏មិនទាន់អាចមានសុទិដ្ឋិនិយមខ្លាំងពេកលើជំនួបលើកដំបូងតាំងពីឆ្នាំ២០១៥នេះដែរ ដ្បិតកូរ៉េខាងជើងប្រកាន់ជំហររឹងរូសខ្លាំងរហូតមក ប៉ុន្តែគេអាចសន្និដ្ឋានបានថា កូរ៉េខាងជើងអាចប្រើប្រាស់ព្រឹត្តិការណ៍កីឡាដើម្បីដោះខ្លួនពីសម្ពាធអន្តរជាតិ៕
តំណាងចរចានុយក្លេអ៊ែររបស់ចិន លោក Kong Xuanyou នៅថ្ងៃទី៥ ខែមករា បានស្វាគមន៍ចំពោះការវិវដ្តជាវិជ្ជមាននៅឧបទ្វីបកូរ៉េ បន្ទាប់ពីកូរ៉េខាងត្បូង និងខាងជើង សុខចិត្តអង្គុយចរចានៅសប្ដាហ៍ក្រោយជុំវិញលទ្ធភាពនៃការចូលរួមរបស់កូរ៉េខាងជើងក្នុងព្រឹត្តិការណ៍អូឡាំពិកឆ្នាំ២០១៨ ។ មន្ត្រីជាន់ខ្ពស់ចិននិយាយបែបនេះ អំឡុងពេលទស្សនកិច្ចនៅក្រុងសេអ៊ូលដើម្បីពិភាក្សាលើបញ្ហាកូរ៉េខាងជើង និងទំនាក់ទំនងទ្វេភាគី។
ចំពោះមុខសមភាគីកូរ៉េខាងត្បូង Lee Do-hoon លោក Kong Xuanyou និយាយថា ចំណុចវិជ្ជមានខ្លួនត្រូវបានលាតត្រដាងជុំវិញស្ថានភាពនៅឧបទ្វីបកូរ៉េ ទោះជាមានបញ្ហាប្រឈមមុខជាច្រើនក្ដី។ ចំណែកលោក Lee វិញអះអាងថា ស្ថានការណ៍នៅឧបទ្វីបកូរ៉េបានមកចំដល់ណុចរបត់ដ៏សំខាន់មួយ ក្រោយការថ្លែងសាររបស់មេដឹកនាំកំពូលកូរ៉េខាងជើង គីម ជុងអ៊ុន ដែលនេះតម្រូវឲ្យកូរ៉េខាងត្បូង និងចិនត្រូវពង្រឹងទំនាក់ទំនងទ្វេភាគីខ្លាំងថែមទៀត។
ខណៈដែលចិន និងកូរ៉េខាងត្បូងសាទរការផ្លាស់ប្ដូរឥរិយាបថរបស់កូរ៉េខាងជើង អាមេរិក និងជប៉ុន បែរជាបង្កើនការប្រុងប្រយ័ត្នទៅវិញ។ រដ្ឋមន្ត្រីការពារជាតិជប៉ុន Itsunori Onodera និយាយថា វាជារឿងសំខាន់ដែលត្រូវរក្សាជំហររឹងមាំ ព្រោះកូរ៉េខាងជើងមានទំនោរចង់ចរចា តែទន្ទឹមគ្នានោះកូរ៉េខាងជើងនៅតែបន្តកម្មវិធីអភិវឌ្ឍនុយក្លេអ៊ែរ និងមីស៊ីលរបស់ខ្លួនដដែល។ ដូច្នេះជប៉ុនគ្មានជំហរត្រូវបន្ទន់ការតាមដានឡើយ។
ដូចគ្នានឹងជប៉ុនដែរ អាមេរិកក៏បង្ហាញការប្រុងប្រយ័ត្នខ្ពស់ចំពោះគោលដៅរបស់កូរ៉េខាងជើង និងមិនទាន់ជឿថា ព្យុងយ៉ាងចង់ចរចាដោយសុទ្ធចិត្ត ឬយ៉ាងណាឡើយ។ នេះក៏ព្រោះតែកូរ៉េខាងជើងមិនដែលអះអាងថា ខ្លួនបញ្ឈប់កម្មវិធីនុយក្លេអ៊ែររបស់ខ្លួនឡើយ និងមានតែបង្កើនការផលិតថែមទៀត។ នេះបើតាមសារអបអរឆ្នាំថ្មីរបស់លោក គីម ជុងអ៊ុន ដែលរំឭកអាមេរិកដែរថា ទឹកដីអាមេរិកទាំងអស់ស្ថិតក្នុងរង្វង់ដែលមីស៊ីលកូរ៉េខាងទៅដល់។
យ៉ាងណាមិញ ការចរចានៅសប្ដាហ៍ក្រោយនៅភូមិប៉ាន់មុនជុម នឹងផ្ដោតសំខាន់តែលើការចូលរួមរបស់កូរ៉េខាងជើងក្នុងកម្មវិធីអូឡាំពិកខែក្រោយ នៅទីក្រុងព្យុងឆាង និងទំនាក់ទំនងទ្វេភាគីប៉ុណ្ណោះ។ គេក៏មិនទាន់អាចមានសុទិដ្ឋិនិយមខ្លាំងពេកលើជំនួបលើកដំបូងតាំងពីឆ្នាំ២០១៥នេះដែរ ដ្បិតកូរ៉េខាងជើងប្រកាន់ជំហររឹងរូសខ្លាំងរហូតមក ប៉ុន្តែគេអាចសន្និដ្ឋានបានថា កូរ៉េខាងជើងអាចប្រើប្រាស់ព្រឹត្តិការណ៍កីឡាដើម្បីដោះខ្លួនពីសម្ពាធអន្តរជាតិ៕
Tag:
ចិន
កូរ៉េខាងត្បូង
កូរ៉េខាងជើង
អាមេរិក
ជប៉ុន
© រក្សាសិទ្ធិដោយ thmeythmey.com
