ជាតិ
នយោបាយជាតិ
លោក សឹម សុន អតីតអភិបាលខេត្តសៀមរាប បានទទួលមរណភាព លោក សឹម សុន អតីតមន្ត្រីជាន់ខ្ពស់ហ៊្វុនស៊ិនប៉ិច និងខ្មែររួបរួមជាតិ
× លោក សឹម សុន អតីតមន្ត្រីជាន់ខ្ពស់គណបក្សហ្វ៊ុនស៊ិនប៉ិច បន្ទាប់មកបានទៅចូលរួមបង្កើតគណបក្សខ្មែររួបរួមជាតិ បានទទួលមរណភាព កាលពីល្ងាចថ្ងៃសុក្រ ទី៥ ខែមករា ឆ្នាំ២០១៨ ។ នេះបើតាមការអះអាងរបស់លោក សឹម ស៊ីដែន (Sem Siden) ដែលជាកូនប្រុស តាមរយៈគណនីហ្វេសប៊ុករបស់ខ្លួន ដោយមិនបានបញ្ជាក់ព័ត៌មានលំអិតឡើយ។
លោក សឹម សុន ត្រូវផ្ទេរពីតំណែងអភិបាលក្រុងកែប ទៅជាអភិបាលខេត្តសៀមរាប នាឆ្នាំ២០០៤ ហើយពីរឆ្នាំក្រោយមក តំណែងនេះ ត្រូវបានជំនួសដោយលោក ស៊ូ ភិរិន្ទ កូតាគណបក្សប្រជាជនកម្ពុជាវិញ។ នៅឆ្នាំ២០០៦ ដដែល លោក សឹម សុន ត្រូវបានតែងតាំងជារដ្ឋលេខាធិការក្រសួងអភិវឌ្ឍន៍ជនបទ។
កាលពីថ្ងៃទី៦ ខែកុម្ភៈ ឆ្នាំ២០១៦ លោក សឹម សុន ស្ថិតក្នុងចំណោមឥស្សរជន ២៣នាក់ ដែលសម្តេចក្រុមព្រះនរោត្តម រណឫទ្ធិ ដកសមាជិកភាពពីគណបក្សហ្វ៊ុនស៊ិនប៉ិច ដោយសារតែលោកទៅចូលរួមបង្កើតគណបក្សខ្មែររួបរួមជាតិ ជាមួយលោក ញឹក ប៊ុនឆៃ។
នៅក្នុងបក្សខ្មែររួបរួមជាតិ លោក សឹម សុន ជាអតីតអគ្គលេខាធិការ និងជាសមាជិកគណៈកម្មាធិការអចិន្ត្រៃយ៍ ៕
© រក្សាសិទ្ធិដោយ thmeythmey.com