នាយករដ្ឋមន្ត្រីវៀតណាម នឹងបំពេញទស្សនកិច្ចចូលរួមកិច្ចប្រជុំកំពូលមេគង្គ-ឡានឆាងនៅកម្ពុជា

អន្តរជាតិ

នយោបាយអន្តរជាតិ

នាយករដ្ឋមន្ត្រីវៀតណាម នឹងបំពេញទស្សនកិច្ចចូលរួមកិច្ចប្រជុំកំពូលមេគង្គ-ឡានឆាងនៅកម្ពុជា

07, Jan 2018 , 4:25 pm

រូបភាព

ដោយ: ថ្មីៗ

លោកនាយករដ្ឋមន្ត្រីវៀតណាម Nguyễn Xuân Phúc នឹងបំពេញទស្សនកិច្ចមកកាន់កម្ពុជាដើម្បីចូលរួមកិច្ចប្រជុំកំពូលមេដឹកនាំ កិច្ចសហប្រតិបត្តិការមេគង្គ-ឡានឆាងលើកទីពីរដែលនឹងរៀបចំឡើងនៅថ្ងៃ ១០ ខែមករា នៅរាជធានីភ្នំពេញ ។

តបតាមការអញ្ជើញរបស់ សម្តេចនាយករដ្ឋមន្ត្រី ហ៊ុន សែន លោក Nguyễn Xuân Phúc នឹងដឹកនាំគណៈប្រតិភូវៀតណាមដើម្បីចូលរួមកិច្ចប្រជុំកំពូលមេដឹកនាំ កិច្ចសហប្រតិបត្តិការមេគង្គ-ឡានឆាង ដែលនឹងប្រព្រឹត្តនៅរាជធានីភ្នំពេញ នាថ្ងៃ១០ មករា ខាងមុខ ។ នេះបើយោងតាមការចុះផ្សាយរបស់សារព័ត៌មានវៀតណាម Vietnam News នៅថ្ងៃ៦ ខែមករា ។

ក្នុងជំនួបកំពូលមេដឹកនាំនៃកិច្ចសហប្រតិបត្តិការមេគង្គ-ឡានឆាងលើកទីពីរនៅថ្ងៃ ១០ មករាខាងមុខដែរ ហើយគេរំពឹងថា ផែនការសកម្មភាពរយៈពេលប្រាំឆ្នាំស្តីពីគម្រោងអភិវឌ្ឍរួម និងសេចក្តីថ្លែងការណ៍រួមទីក្រុងភ្នំពេញនឹងត្រូវអនុម័តឡើងដែរ។

សូមបញ្ជាក់ផងដែរថា កិច្ចសហប្រតិបត្តិការមេគង្គ-ឡានឆាង (LMC) មានប្រទេសជាសមាជិកដូចជា ចិន កម្ពុជា ឡាវ មីយ៉ាន់ម៉ា ថៃ និងវៀតណាម។ ក្រោមគំនិតផ្តួចផ្តើមរបស់ចិន វេទិកានេះផ្តោតសំខាន់លើសរសរស្តម្ភបីក្នុងនោះមាននយោបាយ-សន្តិសុខ, សេដ្ឋកិច្ច និងការអភិវឌ្ឍ រួមជាមួយសង្គម និងទំនាក់ទំនងប្រជាជនទៅប្រជាជន៕