កីឡាជាតិ
ជាតិ
×![]()
សហព័ន្ធកីឡាអុកចត្រង្គកម្ពុជាបើកយុទ្ធនាការស្វែងកីឡារកជើងខ្លាំងក្នុងចំណោមកីឡាករទាំង១៨នាក់ដែលសហព័ន្ធគ្រោងស្នើក្រសួងអប់រំយុវជននិងកីឡាធ្វើជាកីឡាករជម្រើសជាតិ។ កីឡាករទាំងនេះ សុទ្ធតែជាជើងខ្លាំងដែលឆ្លងកាត់ការប្រកួតជម្រុះក្នុងចំណោមកីឡាករ៤២នាក់។ យុទ្ធនាការនេះប្រព្រឹត្តទៅចាប់ពីថ្ងៃ៧ ដល់ថ្ងៃទី៨ ខែមករា ឆ្នាំ២០១៨ នៅទីស្នាក់ការ NOCC។
កីឡាករជើងខ្លាំងចំនួន១៨រូបបាននិងកំពុងប្រកួតប្រជែងគ្នាយ៉ាងស្វិតស្វាញ ដើម្បីដណ្តើមជើងឯកក្នុងក្រុមកីឡាករជម្រើសជាតិដែលសហព័ន្ធកីឡាអុកចត្រង្គកម្ពុជាគ្រោងស្នើទៅក្រសួងអប់រំ យុវជន និងកីឡា។ ក្នុងចំណោមកីឡាករទាំងនេះ មានតែកីឡាករ៥រូបនោះទេដែលទទួលបានចំណាត់ថ្នាក់។ ជាការប្រកួតចម្រាញ់ជើងខ្លាំងពិតមែន តែក៏ជាការប្រកួតដើម្បីអបអរទិវាជ័យជម្នះ ៧មករា ផងដែរ។
យោងតាមអគ្គលេខាធិការសហព័ន្ធ លោក ឈាវ បូរ៉ា ដែលបានរបូតឱកាសជាកីឡាករជម្រើសជាតិក្រោយធ្លាក់ក្នុងវគ្គជម្រុះតាមពូល ការប្រកួតចម្រាញ់ជើងឯកនេះធ្វើឡើងតាមរូបមន្តវិលជុំ ពោលគឺកីឡាករទាំងអស់ត្រូវជួបគ្នាមួយប្រកួតៗ។ អ្នកដែលមានពិន្ទុខ្ពស់ជាងគេក្នុងចំណោម១៧ប្រកួតនឹងក្លាយជាជើងឯកប្រចាំការប្រកួតនេះ។ ហើយអ្នកមានពិន្ទុខ្ពស់ជាបន្តបន្ទាប់នឹងទទួលបានចំណាត់ថ្នាក់ជាបន្តបន្ទាប់ដែរ។
ការប្រកួតវិលជុំដោយឲ្យកីឡាករទាំងអស់ជួបគ្នាម្នាក់ៗមួយប្រកួតនេះត្រូវបានលោក ឈាវ បូរ៉ា ដែលជាស្តេចអុកចត្រង្គអង្គរសង្ក្រាន្តពីរសម័យកាលចាត់ទុកជាការប្រកួតដែលផ្តល់ឱកាសឲ្យកីឡាករបានដកស្រង់បទពិសោធពីគ្នាទៅវិញទៅមក។ ជាមួយគ្នានេះស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្តឆ្នាំ២០១៧ កីឡាករ ហេង សាវឌី បានចាត់ទុកការប្រកួតនេះជាឱកាសជួយឲ្យរូបគេទទួលបានបទពិសោធថ្មីៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើនថែមទៀត។
តែយ៉ាងណាស្តេចអុកចត្រង្គអង្គរសង្ក្រាន្តរូបនេះ មិនហ៊ានដាក់ក្តីរំពឹងខ្ពស់ក្នុងការគ្រងជើងឯកការប្រកួតនេះឡើយ ពោលគឺរូបគេដាក់ក្តីរំពឺងត្រឹម Top 10 ក្នុងចំណោមកីឡាករទាំង១៨រូបតែប៉ុណ្ណោះ។ ការដាក់ក្តីរំពឹងបែបនេះ ដោយសាររូបគេមិនមានពេលហ្វឹកហាត់គ្រប់គ្រាន់ដើម្បីត្រៀមការប្រកួតនេះ ដោយសាររវល់ជាមួយការងារជាអ្នកទីផ្សារ។
កីឡាករជើងឯកទទួលបានប្រាក់រង្វាន់លើកទឹកចិត្តចំនួន៣០០ដុល្លារ លេខ២បាន២០០ដុល្លារ លេខ៣បាន១០០ដុល្លារ លេខ៤បាន៥០ដុល្លារ និងលេខ៥បាន២៥ដុល្លារ។ ការប្រកួតកីឡាអុកចត្រង្គជ្រើសរើសចំណាត់ថ្នាក់កីឡាករជម្រើសជាតិ និងអបអរទិវាជ័យជម្នះ៧មករា ប្រព្រឹត្តទៅចាប់ពីថ្ងៃទី៧ ដល់ថ្ងៃទី៨ ខែមករា ឆ្នាំ២០១៨ នៅទីស្នាក់ការ NOCC៕
កីឡាករជើងខ្លាំងចំនួន១៨រូបបាននិងកំពុងប្រកួតប្រជែងគ្នាយ៉ាងស្វិតស្វាញ ដើម្បីដណ្តើមជើងឯកក្នុងក្រុមកីឡាករជម្រើសជាតិដែលសហព័ន្ធកីឡាអុកចត្រង្គកម្ពុជាគ្រោងស្នើទៅក្រសួងអប់រំ យុវជន និងកីឡា។ ក្នុងចំណោមកីឡាករទាំងនេះ មានតែកីឡាករ៥រូបនោះទេដែលទទួលបានចំណាត់ថ្នាក់។ ជាការប្រកួតចម្រាញ់ជើងខ្លាំងពិតមែន តែក៏ជាការប្រកួតដើម្បីអបអរទិវាជ័យជម្នះ ៧មករា ផងដែរ។
យោងតាមអគ្គលេខាធិការសហព័ន្ធ លោក ឈាវ បូរ៉ា ដែលបានរបូតឱកាសជាកីឡាករជម្រើសជាតិក្រោយធ្លាក់ក្នុងវគ្គជម្រុះតាមពូល ការប្រកួតចម្រាញ់ជើងឯកនេះធ្វើឡើងតាមរូបមន្តវិលជុំ ពោលគឺកីឡាករទាំងអស់ត្រូវជួបគ្នាមួយប្រកួតៗ។ អ្នកដែលមានពិន្ទុខ្ពស់ជាងគេក្នុងចំណោម១៧ប្រកួតនឹងក្លាយជាជើងឯកប្រចាំការប្រកួតនេះ។ ហើយអ្នកមានពិន្ទុខ្ពស់ជាបន្តបន្ទាប់នឹងទទួលបានចំណាត់ថ្នាក់ជាបន្តបន្ទាប់ដែរ។
ការប្រកួតវិលជុំដោយឲ្យកីឡាករទាំងអស់ជួបគ្នាម្នាក់ៗមួយប្រកួតនេះត្រូវបានលោក ឈាវ បូរ៉ា ដែលជាស្តេចអុកចត្រង្គអង្គរសង្ក្រាន្តពីរសម័យកាលចាត់ទុកជាការប្រកួតដែលផ្តល់ឱកាសឲ្យកីឡាករបានដកស្រង់បទពិសោធពីគ្នាទៅវិញទៅមក។ ជាមួយគ្នានេះស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្តឆ្នាំ២០១៧ កីឡាករ ហេង សាវឌី បានចាត់ទុកការប្រកួតនេះជាឱកាសជួយឲ្យរូបគេទទួលបានបទពិសោធថ្មីៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើនថែមទៀត។
តែយ៉ាងណាស្តេចអុកចត្រង្គអង្គរសង្ក្រាន្តរូបនេះ មិនហ៊ានដាក់ក្តីរំពឹងខ្ពស់ក្នុងការគ្រងជើងឯកការប្រកួតនេះឡើយ ពោលគឺរូបគេដាក់ក្តីរំពឺងត្រឹម Top 10 ក្នុងចំណោមកីឡាករទាំង១៨រូបតែប៉ុណ្ណោះ។ ការដាក់ក្តីរំពឹងបែបនេះ ដោយសាររូបគេមិនមានពេលហ្វឹកហាត់គ្រប់គ្រាន់ដើម្បីត្រៀមការប្រកួតនេះ ដោយសាររវល់ជាមួយការងារជាអ្នកទីផ្សារ។
កីឡាករជើងឯកទទួលបានប្រាក់រង្វាន់លើកទឹកចិត្តចំនួន៣០០ដុល្លារ លេខ២បាន២០០ដុល្លារ លេខ៣បាន១០០ដុល្លារ លេខ៤បាន៥០ដុល្លារ និងលេខ៥បាន២៥ដុល្លារ។ ការប្រកួតកីឡាអុកចត្រង្គជ្រើសរើសចំណាត់ថ្នាក់កីឡាករជម្រើសជាតិ និងអបអរទិវាជ័យជម្នះ៧មករា ប្រព្រឹត្តទៅចាប់ពីថ្ងៃទី៧ ដល់ថ្ងៃទី៨ ខែមករា ឆ្នាំ២០១៨ នៅទីស្នាក់ការ NOCC៕
Tag:
អុកចត្រង្គ
ឈាវ បូរ៉ា
© រក្សាសិទ្ធិដោយ thmeythmey.com
