ជាតិ
នយោបាយជាតិ
លោកមេធាវី សំ សុគង់ ផ្តល់បទសម្ភាសដល់ក្រុមអ្នកកាសែត នៅមុខសាលាដំបូងរាជធានីភ្នំពេញ កាលពីកន្លងមក
×![]()
ដោយ: សារព័ត៌មានថ្មីៗ
ភ្នំពេញ៖ ប្រហែលជាស្ថិតក្នុងសប្តាហ៍នេះ ក្រុមមេធាវី នឹងដាក់សំណើទៅកាន់សាលាដំបូងរាជធានីភ្នំពេញ ដើម្បីសុំឲ្យដោះលែងលោក កឹម សុខា អតីតប្រធានគណបក្សសង្គ្រោះជាតិ រស់នៅក្រៅឃុំជាបណ្តោះអាសន្ន។ ក្រុមមេធាវី បានព្រាងឯកសារនិងសំណើថ្មីនេះរួចហើយ។
លោក សំ សុគង់ មេធាវីមួយរូបរបស់លោក កឹម សុខា ប្រាប់សារព័ត៌មានថ្មីៗតាមទូរសព្ទថា ក្រុមមេធាវី បានពិភាក្សាគ្នាម្តងរួចហើយកាលពីពេលថ្មីៗនេះ ទាក់ទងនឹងការរៀបចំសំណើសុំនៅក្រៅឃុំ។ លោក បន្តថា យ៉ាងយូរនៅថ្ងៃស្អែកឬថ្ងៃខានស្អែក ក្រុមមេធាវី នឹងជួបពិភាក្សាម្តងទៀត ដើម្បីសម្រេចរួមគ្នាជាផ្លូវការ ហើយបន្ទាប់មកនឹងដាក់សំណើនេះទៅកាន់សាលាដំបូងរាជធានីភ្នំពេញតែម្តង។
លោកមេធាវី យល់ថា សាលាដំបូងរាជធានីភ្នំពេញ គួរតែឲ្យលោក កឹម សុខា រស់នៅក្រៅឃុំជាបណ្តោះអាសន្ន ដើម្បីជួបជុំគ្រួសារ និងអាចធ្វើកិច្ចការផ្សេងៗសម្រាប់ប្រទេសជាតិ។ លោក បញ្ជាក់ដូច្នេះថា៖«ឲ្យគាត់នៅក្រៅឃុំសិនទៅ ដល់ពេលត្រូវហៅគាត់ចូលតុលាការ ក៏ហៅទៅ»។
ក្រោយសាលាដំបូងរាជធានីភ្នំពេញ ចាប់លោក កឹម សុខា យកទៅឃុំក្នុងពន្ធនាគារត្រពាំងផ្លុង នាខេត្តត្បូងឃ្មុំ កាលពីយប់ថ្ងៃទី២ ឈានចូលថ្ងៃ៣ ខែកញ្ញា ឆ្នាំ២0១៧ ក្រោមការសង្ស័យថាបានឃុបឃិតជាមួយបរទេស ក្នុងគោលបំណងផ្តួលរំលំរដ្ឋាភិបាលកម្ពុជា ក្រុមមេធាវី ក៏បានដាក់បណ្តឹងទៅកាន់សាលាឧទ្ធរណ៍ និងឈានដល់តុលាការកំពូល ដើម្បីសុំជំទាស់។ ប៉ុន្តែតុលាការជាន់ខ្ពស់ទាំងពីរនេះ សុទ្ធតែយល់ស្របនឹងសាលាដំបូងរាជធានីភ្នំពេញ ដោយចាត់ទុកការឃុំខ្លួនលោក កឹម សុខា ថាត្រឹមត្រូវតាមនីតិវិធី។
បច្ចុប្បន្ន សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក លោក គី ឫទ្ធី ចៅក្រមស៊ើបសួរនៃសាលាដំបូងរាជធានីភ្នំពេញ បានទៅជួបលោក កឹម សុខា ដល់ពន្ធនាគារចំនួនបីលើករួចមកហើយ ដើម្បីសួរយកចម្លើយ។
បើតាមការអះអាងរបស់មេធាវី លោក កឹម សុខា បានសារភាពនៅមុខចៅក្រមស៊ើបសួរថា លោក បានទាក់ទងជាមួយបរទេសមែន ប៉ុន្តែស្ថិតក្នុងក្របខណ្ឌការងារ ដើម្បីលើកស្ទួយសិទ្ធិមនុស្ស និងលទ្ធិប្រជាធិបតេយ្យ មិនមែនដើម្បីផ្តួលរំលំរដ្ឋាភិបាលនោះទេ៕
លោក សំ សុគង់ មេធាវីមួយរូបរបស់លោក កឹម សុខា ប្រាប់សារព័ត៌មានថ្មីៗតាមទូរសព្ទថា ក្រុមមេធាវី បានពិភាក្សាគ្នាម្តងរួចហើយកាលពីពេលថ្មីៗនេះ ទាក់ទងនឹងការរៀបចំសំណើសុំនៅក្រៅឃុំ។ លោក បន្តថា យ៉ាងយូរនៅថ្ងៃស្អែកឬថ្ងៃខានស្អែក ក្រុមមេធាវី នឹងជួបពិភាក្សាម្តងទៀត ដើម្បីសម្រេចរួមគ្នាជាផ្លូវការ ហើយបន្ទាប់មកនឹងដាក់សំណើនេះទៅកាន់សាលាដំបូងរាជធានីភ្នំពេញតែម្តង។
លោកមេធាវី យល់ថា សាលាដំបូងរាជធានីភ្នំពេញ គួរតែឲ្យលោក កឹម សុខា រស់នៅក្រៅឃុំជាបណ្តោះអាសន្ន ដើម្បីជួបជុំគ្រួសារ និងអាចធ្វើកិច្ចការផ្សេងៗសម្រាប់ប្រទេសជាតិ។ លោក បញ្ជាក់ដូច្នេះថា៖«ឲ្យគាត់នៅក្រៅឃុំសិនទៅ ដល់ពេលត្រូវហៅគាត់ចូលតុលាការ ក៏ហៅទៅ»។
ក្រោយសាលាដំបូងរាជធានីភ្នំពេញ ចាប់លោក កឹម សុខា យកទៅឃុំក្នុងពន្ធនាគារត្រពាំងផ្លុង នាខេត្តត្បូងឃ្មុំ កាលពីយប់ថ្ងៃទី២ ឈានចូលថ្ងៃ៣ ខែកញ្ញា ឆ្នាំ២0១៧ ក្រោមការសង្ស័យថាបានឃុបឃិតជាមួយបរទេស ក្នុងគោលបំណងផ្តួលរំលំរដ្ឋាភិបាលកម្ពុជា ក្រុមមេធាវី ក៏បានដាក់បណ្តឹងទៅកាន់សាលាឧទ្ធរណ៍ និងឈានដល់តុលាការកំពូល ដើម្បីសុំជំទាស់។ ប៉ុន្តែតុលាការជាន់ខ្ពស់ទាំងពីរនេះ សុទ្ធតែយល់ស្របនឹងសាលាដំបូងរាជធានីភ្នំពេញ ដោយចាត់ទុកការឃុំខ្លួនលោក កឹម សុខា ថាត្រឹមត្រូវតាមនីតិវិធី។
បច្ចុប្បន្ន សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក លោក គី ឫទ្ធី ចៅក្រមស៊ើបសួរនៃសាលាដំបូងរាជធានីភ្នំពេញ បានទៅជួបលោក កឹម សុខា ដល់ពន្ធនាគារចំនួនបីលើករួចមកហើយ ដើម្បីសួរយកចម្លើយ។
បើតាមការអះអាងរបស់មេធាវី លោក កឹម សុខា បានសារភាពនៅមុខចៅក្រមស៊ើបសួរថា លោក បានទាក់ទងជាមួយបរទេសមែន ប៉ុន្តែស្ថិតក្នុងក្របខណ្ឌការងារ ដើម្បីលើកស្ទួយសិទ្ធិមនុស្ស និងលទ្ធិប្រជាធិបតេយ្យ មិនមែនដើម្បីផ្តួលរំលំរដ្ឋាភិបាលនោះទេ៕
Tag:
តុលាការ
មេធាវី
កឹម សុខា
សុំនៅក្រៅឃុំ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
