អន្តរជាតិ
នយោបាយអន្តរជាតិ
មេទ័ពជើងគោកឥណ្ឌា Bipin Rawat (ឈរខាងឆ្វេងបង្អស់) (រូបភាព៖ AFP)
×![]()
ដោយ: តន ចាន់រិទ្ធារ៉ា
ប្រមុខកងទ័ពជើងគោកឥណ្ឌាឧត្តមសេនីយ៍ Bipin Rawat បានប្រកាសបង្កើនការល្បាតតាមព្រំដែនជាមួយចិន ដើម្បីការពារទឹកដីខ្លួន និងបញ្ចៀសការប្រទាំងប្រទើសផ្នែកយោធាផង។ លោក Bipin Rawat ទទួលស្គាល់អានុភាពយោធារបស់ចិន តែក៏អះអាងដែរថា ឥណ្ឌាក៏មានកម្លាំងយោធាខ្លាំងក្លាមិនធម្មតាផងដែរ។
ឥណ្ឌានឹងតទល់ជាមួយការកើនឡើងឥទ្ធិពលរបស់ចិន និងបង្កើនការត្រួតពិនិត្យព្រំដែនដែលមានជម្លោះ ដើម្បីទប់ស្កាត់ការប្រឈមមុខផ្នែកយោធារវាងប្រទេសទាំងពីរ។ នេះជាសម្ដីរបស់ឧត្តមសេនីយ៍ឯក Bipin Rawat មេបញ្ជាការកងទ័ពជើងគោកឥណ្ឌា។ យោធាឥណ្ឌា និងចិន បានប្រឈមមុខគ្នារយៈពេលវែងកាលពីឆ្នាំមុននៅតំបន់ព្រំដែន Doklam ដែលទាមទារដោយចិន និងប៊ូតង់ ដែលជាសម្ព័ន្ធមិត្តឥណ្ឌា។
ឥណ្ឌា និងចិន ដែលជាអ្នកជិតខាងគ្នា និងមានឈ្មោះជាមហាអំណាចនុយក្លេអ៊ែរដូចគ្នា មានព្រំដែនខណ្ឌចែកវែងអន្លាយ ដែលភាគច្រើនមិនទាន់កំណត់ច្បាស់លាស់នៅឡើយ។ ជារឿយៗ កងទ័ពប្រទេសទាំងពីរ បានប្រឈមមុខគ្នានៅតំបន់មានជម្លោះ ដែលបង្កជាការបារម្ភពីលទ្ធភាពនៃការផ្ទុះសង្គ្រាមផង ព្រោះការប៉ះទង្គិចផ្នែកយោធាក៏ធ្លាប់កើតមានញឹកញាប់មកហើយ ហើយពេលខ្លះគឺជាសង្គ្រាមតែម្ដងដូចជាសង្គ្រាមឆ្នាំ១៩៦២ ជាដើម។
បើតាមទីភ្នាក់ងារព័ត៌មាន AFP ជុំវិញជម្លោះព្រំដែនជាមួយអ្នកជិតខាងរបស់ខ្លួននេះ លោកឧត្តមសេនីយ៍ Bipin Rawat បានទទួលស្គាល់ថា ចិនគឺជាប្រទេសខ្លាំងមួយ ប៉ុន្តែឥណ្ឌាក៏មិនមែនជាប្រទេសខ្សោយដែរ។ លោកបន្តថា ឥណ្ឌាបានបង្កើនចំនួនទ័ពតាមព្រំដែន និងការល្បាតផងដែរ ដែលបង្ហាញថា ឥណ្ឌាមានសមត្ថភាពទប់ទល់ឥទ្ធិពលរបស់ចិន ហើយបើមានការឈ្លានពាន យោធាឥណ្ឌានឹងឆ្លើយតបភ្លាម។
ចំពោះការប្រឈមមុខនៅឯ Doklam ដែលខណ្ឌចែកឥណ្ឌា ចិន និងប៊ូតង់កាលពីឆ្នាំមុន មេទ័ពឥណ្ឌាខាងលើបានសារភាពថា យោធាឥណ្ឌាពិតជាចូលទឹកដីបរទេសមែន តែដោយសារកងទ័ពចិនប្រដាប់គ្រឿងបរិក្ខារធំៗ។ លោក Rawat ចោទចិនថាព្យាយាមដណ្ដើមយកតំបន់ Doklam ទាំងមូល ដែលឥណ្ឌាចាត់ទុកជាការផ្លាស់ប្ដូរស្ថានភាពដើមរបស់តំបន់ជម្លោះ តែឥណ្ឌាក៏ព្យាយាមធ្វើយ៉ាងណាមិនឲ្យការប្រឈមមុខរាលដាលជាជម្លោះដែរ។
ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យនៅព្រំដែនខណ្ឌចែកចិន និងប៊ូតង់។ កងទ័ពឥណ្ឌា ដែលមានមូលដ្ឋាននៅក្បែនោះ ក៏ចូលទៅហាមឃាត់សកម្មភាពទាហានចិន ហើយក្រុងប៉េកាំងក៏ចោទទាហានឥណ្ឌាថាបានចូលទឹកដីរបស់ខ្លួន។ សង្គ្រាមពាក្យសម្ដីក៏ផ្ទុះឡើងបន្តបន្ទាប់ ប៉ុន្តែស្ថានការណ៍ក៏វិលទៅស្ថានភាពដើមវិញនៅពាក់កណ្ដាលខែសីហា៕
ឥណ្ឌានឹងតទល់ជាមួយការកើនឡើងឥទ្ធិពលរបស់ចិន និងបង្កើនការត្រួតពិនិត្យព្រំដែនដែលមានជម្លោះ ដើម្បីទប់ស្កាត់ការប្រឈមមុខផ្នែកយោធារវាងប្រទេសទាំងពីរ។ នេះជាសម្ដីរបស់ឧត្តមសេនីយ៍ឯក Bipin Rawat មេបញ្ជាការកងទ័ពជើងគោកឥណ្ឌា។ យោធាឥណ្ឌា និងចិន បានប្រឈមមុខគ្នារយៈពេលវែងកាលពីឆ្នាំមុននៅតំបន់ព្រំដែន Doklam ដែលទាមទារដោយចិន និងប៊ូតង់ ដែលជាសម្ព័ន្ធមិត្តឥណ្ឌា។
ឥណ្ឌា និងចិន ដែលជាអ្នកជិតខាងគ្នា និងមានឈ្មោះជាមហាអំណាចនុយក្លេអ៊ែរដូចគ្នា មានព្រំដែនខណ្ឌចែកវែងអន្លាយ ដែលភាគច្រើនមិនទាន់កំណត់ច្បាស់លាស់នៅឡើយ។ ជារឿយៗ កងទ័ពប្រទេសទាំងពីរ បានប្រឈមមុខគ្នានៅតំបន់មានជម្លោះ ដែលបង្កជាការបារម្ភពីលទ្ធភាពនៃការផ្ទុះសង្គ្រាមផង ព្រោះការប៉ះទង្គិចផ្នែកយោធាក៏ធ្លាប់កើតមានញឹកញាប់មកហើយ ហើយពេលខ្លះគឺជាសង្គ្រាមតែម្ដងដូចជាសង្គ្រាមឆ្នាំ១៩៦២ ជាដើម។
បើតាមទីភ្នាក់ងារព័ត៌មាន AFP ជុំវិញជម្លោះព្រំដែនជាមួយអ្នកជិតខាងរបស់ខ្លួននេះ លោកឧត្តមសេនីយ៍ Bipin Rawat បានទទួលស្គាល់ថា ចិនគឺជាប្រទេសខ្លាំងមួយ ប៉ុន្តែឥណ្ឌាក៏មិនមែនជាប្រទេសខ្សោយដែរ។ លោកបន្តថា ឥណ្ឌាបានបង្កើនចំនួនទ័ពតាមព្រំដែន និងការល្បាតផងដែរ ដែលបង្ហាញថា ឥណ្ឌាមានសមត្ថភាពទប់ទល់ឥទ្ធិពលរបស់ចិន ហើយបើមានការឈ្លានពាន យោធាឥណ្ឌានឹងឆ្លើយតបភ្លាម។
ចំពោះការប្រឈមមុខនៅឯ Doklam ដែលខណ្ឌចែកឥណ្ឌា ចិន និងប៊ូតង់កាលពីឆ្នាំមុន មេទ័ពឥណ្ឌាខាងលើបានសារភាពថា យោធាឥណ្ឌាពិតជាចូលទឹកដីបរទេសមែន តែដោយសារកងទ័ពចិនប្រដាប់គ្រឿងបរិក្ខារធំៗ។ លោក Rawat ចោទចិនថាព្យាយាមដណ្ដើមយកតំបន់ Doklam ទាំងមូល ដែលឥណ្ឌាចាត់ទុកជាការផ្លាស់ប្ដូរស្ថានភាពដើមរបស់តំបន់ជម្លោះ តែឥណ្ឌាក៏ព្យាយាមធ្វើយ៉ាងណាមិនឲ្យការប្រឈមមុខរាលដាលជាជម្លោះដែរ។
ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យនៅព្រំដែនខណ្ឌចែកចិន និងប៊ូតង់។ កងទ័ពឥណ្ឌា ដែលមានមូលដ្ឋាននៅក្បែនោះ ក៏ចូលទៅហាមឃាត់សកម្មភាពទាហានចិន ហើយក្រុងប៉េកាំងក៏ចោទទាហានឥណ្ឌាថាបានចូលទឹកដីរបស់ខ្លួន។ សង្គ្រាមពាក្យសម្ដីក៏ផ្ទុះឡើងបន្តបន្ទាប់ ប៉ុន្តែស្ថានការណ៍ក៏វិលទៅស្ថានភាពដើមវិញនៅពាក់កណ្ដាលខែសីហា៕
Tag:
ចិន
ឥណ្ឌា
© រក្សាសិទ្ធិដោយ thmeythmey.com
