កីឡាជាតិ
ជាតិ
សុខភាព
លោកគ្រូ អ៊ុន សូរ៉េត បង្ហាញពីសារសំខាន់នៃលំហាត់ប្រាណ Aerobic តាមចង្វាក់ភ្លេង
×![]()
Aerobic ជាការធ្វើចលនាដើម្បីស្រូបយកអុកស៊ីសែន។ បើតាមអ្នកជំនាញ បច្ចុប្បន្នលំហាត់ប្រាណបែប Aerobic ដែលអមដោយចង្វាក់ភ្លេង ទទួលបាននូវការពេញនិយមយ៉ាងខ្លាំង ពីព្រោះមានអត្ថប្រយោជន៍ជាច្រើនសម្រាប់ផ្លូវកាយ និងផ្លូវចិត្តរបស់មនុស្សគ្រប់វ័យ។ 
«លំហាត់ប្រាណបែប Aerobic ធ្វើឲ្យចង្វាក់បេះដូងលោតបានល្អ អារម្មណ៍ស្រស់ថ្លា ជាតិខ្លាញ់ក្នុងសរសៃឈាមធ្លាក់ចុះ ជាពិសេសការកាត់បន្ថយហានីភ័យនៃជំងឺរ៉ាំរ៉ៃផ្សេងៗ»។ នេះបើតាមការលើកឡើងរបស់ លោក អ៊ុន សូរ៉េត គ្រូជំនាញលំហាត់ប្រាណ Aerobic នៃសហព័ន្ធកីឡាកាយសម្ព័ន្ធកម្ពុជា។
ការហាត់ប្រាណ Aerobics គឺជាទម្រង់នៃលំហាត់ប្រាណទៅតាមចង្វាក់ភ្លេង ដែលមានគោលបំណងធ្វើឲ្យប្រសើរឡើងនូវធាតុផ្សំទាំងអស់នៃកាយសម្បទារបស់មនុស្សម្នាក់ៗ ក្នុងនោះមានដូចជា ភាពបត់បែន កម្លាំង សាច់ដុំ និងភាពរឹងមាំខាងសរសៃឈាមជាដើម។
លោក អ៊ុន សូរ៉េត ដែលបានរៀនជំនាញលំហាត់ប្រាណ Aerobics នៅប្រទេសនូវែលសេឡង់ កាលពីអំឡុងឆ្នាំ១៩៩៥ បានរៀបរាប់ប្រាប់សារព័ត៌មានថ្មីៗពីអត្ថប្រយោជន៍ដ៏ច្រើននៃលំហាត់ប្រាណបែបទំនើបនេះ។ ទាក់ទងនឹងផ្លូវចិត្ត លោកអះអាងថា អ្នកហាត់ច្បាស់លាស់ និងត្រឹមត្រូវតាមក្បួនខ្នាត ជាមនុស្សដែលមានការចងចាំបានល្អ ព្រោះការស្រូបយកអុកស៊ីសែន ជួយកាត់បន្ថយរោគសញ្ញាធ្លាក់ទឹកចិត្ត។
ក្រៅពីមានប្រយោជន៍សម្រាប់បេះដូង និងសួត លំហាត់ប្រាណ Aerobics អាចជួយបន្ថយកូលេស្តេរ៉ូលរបស់អ្នកហាត់ បន្ថយហានិភ័យនៃជំងឺទឹកនោមផ្អែមប្រភេទទី២ បង្កើនមុខងារនៃប្រព័ន្ធភាពស៊ាំ និងបន្ថយសម្ពាធឈាមជាដើម។ ចំពោះផ្នែករាងកាយ លំហាត់ប្រាណតាមបែបនេះ បានដុតកាឡូរីដែលអាចជួយអ្នកហាត់ស្រកទម្ងន់ ធ្វើឲ្យសាច់ដុំរបស់អ្នកហាត់កាន់តែរឹងមាំ និងទទួលបានដំណេកប្រសើរជាងមុន។
ទោះបីជាយ៉ាងណាក៏ដោយ លោក អ៊ុន សូរ៉េត បានណែនាំថា នៅមុនការចាប់ផ្តើមហាត់ប្រាណណាមួយ ជាពិសេសប្រសិនបើអ្នកមានបញ្ហាសុខភាព សូមទៅពិគ្រោះយោបល់ជាមួយគ្រូពេទ្យជាមុនសិន។ លោកលើកឡើងថា៖ «ការធ្វើលំហាត់ប្រាណ Aerobics អនុញ្ញាតឲ្យអ្នកហាត់ជ្រើសរើសកម្រិតនៃការចូលរួមរបស់ពួកគេអាស្រ័យទៅលើកាយសម្បទា ថាតើអាចហាត់បានឬមិនបានប៉ុណ្ណោះដោយការហាត់នេះ មានបីដំណាក់កាលគឺ កម្រិតមូលដ្ឋាន មធ្យម និងខ្ពស់»។
អ្នកបង្ហាត់ដ៏ជំនាញរូបនេះ បានបញ្ជាក់ថា ការហាត់ប្រាណ Aerobics ទាមទារឲ្យមានការញ៉ាំរបបចំណីអាហារឲ្យបានគ្រប់គ្រាន់ទៀងទាត់ និងគេងយ៉ាងតិច៨ម៉ោង ហើយមានពេលវេលាយ៉ាងហោចណាស់៥ថ្ងៃក្នុង១សប្តាហ៍ និងហាត់ក្នុង១ថ្ងៃមួយម៉ោង។
ជាមួយគ្នានេះ លោក អ៊ុន សូរ៉េត បានកត់សម្គាល់ឃើញផងដែរថា គ្រូលំហាត់ប្រាណនៅតាមទីសាធារណៈមួយចំនួន មិនមានបច្ចេកទេសគ្រប់គ្រាន់ និងមិនមានជំនាញច្បាស់លាស់ក្នុងការបង្ហាត់ឡើយ។ លោកបានរៀបរាប់ថា៖ «ដោយសារពួកគាត់មិនបានទៅរៀន ជំនាញច្បាស់លាស់ ហើយគ្មានការស្រាវជ្រាវបន្ថែម បើទោះបីការហាត់ធ្វើឲ្យមានសុខភាពល្អពិតមែន ប៉ុន្តែអ្នកហាត់នឹងទទួលរងគុណវិបត្តិរយៈពេលពី២ ទៅ៣ឆ្នាំខាងមុខ ពីព្រោះការធ្វើចលនាខ្លាំងៗហួសកម្រិត ធ្វើឲ្យសន្លាក់ទាំងប៉ុន្មានប៉ះទង្គិចគ្នា ដែលអាចបណ្ដាលឲ្យមានបញ្ហាជង្គង់ កែងដៃ ស្មាជាដើម»៕
«លំហាត់ប្រាណបែប Aerobic ធ្វើឲ្យចង្វាក់បេះដូងលោតបានល្អ អារម្មណ៍ស្រស់ថ្លា ជាតិខ្លាញ់ក្នុងសរសៃឈាមធ្លាក់ចុះ ជាពិសេសការកាត់បន្ថយហានីភ័យនៃជំងឺរ៉ាំរ៉ៃផ្សេងៗ»។ នេះបើតាមការលើកឡើងរបស់ លោក អ៊ុន សូរ៉េត គ្រូជំនាញលំហាត់ប្រាណ Aerobic នៃសហព័ន្ធកីឡាកាយសម្ព័ន្ធកម្ពុជា។
ការហាត់ប្រាណ Aerobics គឺជាទម្រង់នៃលំហាត់ប្រាណទៅតាមចង្វាក់ភ្លេង ដែលមានគោលបំណងធ្វើឲ្យប្រសើរឡើងនូវធាតុផ្សំទាំងអស់នៃកាយសម្បទារបស់មនុស្សម្នាក់ៗ ក្នុងនោះមានដូចជា ភាពបត់បែន កម្លាំង សាច់ដុំ និងភាពរឹងមាំខាងសរសៃឈាមជាដើម។
លោក អ៊ុន សូរ៉េត ដែលបានរៀនជំនាញលំហាត់ប្រាណ Aerobics នៅប្រទេសនូវែលសេឡង់ កាលពីអំឡុងឆ្នាំ១៩៩៥ បានរៀបរាប់ប្រាប់សារព័ត៌មានថ្មីៗពីអត្ថប្រយោជន៍ដ៏ច្រើននៃលំហាត់ប្រាណបែបទំនើបនេះ។ ទាក់ទងនឹងផ្លូវចិត្ត លោកអះអាងថា អ្នកហាត់ច្បាស់លាស់ និងត្រឹមត្រូវតាមក្បួនខ្នាត ជាមនុស្សដែលមានការចងចាំបានល្អ ព្រោះការស្រូបយកអុកស៊ីសែន ជួយកាត់បន្ថយរោគសញ្ញាធ្លាក់ទឹកចិត្ត។
ក្រៅពីមានប្រយោជន៍សម្រាប់បេះដូង និងសួត លំហាត់ប្រាណ Aerobics អាចជួយបន្ថយកូលេស្តេរ៉ូលរបស់អ្នកហាត់ បន្ថយហានិភ័យនៃជំងឺទឹកនោមផ្អែមប្រភេទទី២ បង្កើនមុខងារនៃប្រព័ន្ធភាពស៊ាំ និងបន្ថយសម្ពាធឈាមជាដើម។ ចំពោះផ្នែករាងកាយ លំហាត់ប្រាណតាមបែបនេះ បានដុតកាឡូរីដែលអាចជួយអ្នកហាត់ស្រកទម្ងន់ ធ្វើឲ្យសាច់ដុំរបស់អ្នកហាត់កាន់តែរឹងមាំ និងទទួលបានដំណេកប្រសើរជាងមុន។
ទោះបីជាយ៉ាងណាក៏ដោយ លោក អ៊ុន សូរ៉េត បានណែនាំថា នៅមុនការចាប់ផ្តើមហាត់ប្រាណណាមួយ ជាពិសេសប្រសិនបើអ្នកមានបញ្ហាសុខភាព សូមទៅពិគ្រោះយោបល់ជាមួយគ្រូពេទ្យជាមុនសិន។ លោកលើកឡើងថា៖ «ការធ្វើលំហាត់ប្រាណ Aerobics អនុញ្ញាតឲ្យអ្នកហាត់ជ្រើសរើសកម្រិតនៃការចូលរួមរបស់ពួកគេអាស្រ័យទៅលើកាយសម្បទា ថាតើអាចហាត់បានឬមិនបានប៉ុណ្ណោះដោយការហាត់នេះ មានបីដំណាក់កាលគឺ កម្រិតមូលដ្ឋាន មធ្យម និងខ្ពស់»។
អ្នកបង្ហាត់ដ៏ជំនាញរូបនេះ បានបញ្ជាក់ថា ការហាត់ប្រាណ Aerobics ទាមទារឲ្យមានការញ៉ាំរបបចំណីអាហារឲ្យបានគ្រប់គ្រាន់ទៀងទាត់ និងគេងយ៉ាងតិច៨ម៉ោង ហើយមានពេលវេលាយ៉ាងហោចណាស់៥ថ្ងៃក្នុង១សប្តាហ៍ និងហាត់ក្នុង១ថ្ងៃមួយម៉ោង។
ជាមួយគ្នានេះ លោក អ៊ុន សូរ៉េត បានកត់សម្គាល់ឃើញផងដែរថា គ្រូលំហាត់ប្រាណនៅតាមទីសាធារណៈមួយចំនួន មិនមានបច្ចេកទេសគ្រប់គ្រាន់ និងមិនមានជំនាញច្បាស់លាស់ក្នុងការបង្ហាត់ឡើយ។ លោកបានរៀបរាប់ថា៖ «ដោយសារពួកគាត់មិនបានទៅរៀន ជំនាញច្បាស់លាស់ ហើយគ្មានការស្រាវជ្រាវបន្ថែម បើទោះបីការហាត់ធ្វើឲ្យមានសុខភាពល្អពិតមែន ប៉ុន្តែអ្នកហាត់នឹងទទួលរងគុណវិបត្តិរយៈពេលពី២ ទៅ៣ឆ្នាំខាងមុខ ពីព្រោះការធ្វើចលនាខ្លាំងៗហួសកម្រិត ធ្វើឲ្យសន្លាក់ទាំងប៉ុន្មានប៉ះទង្គិចគ្នា ដែលអាចបណ្ដាលឲ្យមានបញ្ហាជង្គង់ កែងដៃ ស្មាជាដើម»៕
Tag:
Aerobic
អ៊ុន សូរ៉េត
© រក្សាសិទ្ធិដោយ thmeythmey.com
