ជាតិ
អគ្គិភ័យកើតឡើងនៅម្តុំផ្សារចាស់ បណ្តាលឲ្យឆេះមុខ និងដងខ្លួនក្មេងប្រុស២នាក់
× ភ្នំពេញ៖ អគ្គិភ័យ បានឆាបឆេះអគារមួយ ម្តុំសាលកវិទ្យាល័យន័រតុនចាស់ ដែលស្ថិតក្នុងសង្កាត់ផ្សារចាស់ ខណ្ឌដូនពេញ។ ឧបទ្ទវហេតុនេះ បណ្តាលឲ្យក្មេងប្រុសពីរនាក់ រងរបួសដោយឆេះមុខនិងខ្នងរបស់ពួកគេ។
យុជនម្នាក់ដែលស្ថិតក្នុងហេតុការណ៍នេះ ប្រាប់ថា ក្មេងប្រុសទាំងពីរនោះ ត្រូវបានប្រជាការពារជួយសង្គ្រោះទាន់ពេលវេលា ហើយបញ្ជូនទៅមន្ទីរពេទ្យភ្លាមៗ។
អាជ្ញាធរ ដែលចុះទៅដល់ទីនោះ បានបញ្ជាក់ថា ពេលនេះ សមត្ថកិច្ច និងប្រជាការពារ បានញាប់ដៃញាប់ជើង ដើម្បីជួយសង្គ្រោះក្មេងប្រុសទាំងពីរ និងទប់ស្កាត់អគ្គិភ័យ កុំឲ្យរីករាលដាលទៅអគារផ្សេងទៀត៕
© រក្សាសិទ្ធិដោយ thmeythmey.com