អន្តរជាតិ
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ដែលមានរហស្សនាមថា មេដឹកនាំមាត់អត់គម្រប (រូបភាព៖ AFP)
×![]()
ដោយ: តន ចាន់រិទ្ធារ៉ា
នៅចុងសប្ដាហ៍មុន ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានការពារការប្រើប្រាស់ពាក្យសម្ដីអសុរសនាពេលកន្លងមក។ លោក ឌូទើតេ និយាយថា លោកប្រើប្រាស់សម្ដីឈ្លើយដាក់តែមនុស្សឈ្លើយប៉ុណ្ណោះ ហើយវាក៏យឺតពេលទៅហើយដែលចង់ឲ្យលោកកែប្រែទម្លាប់ប្រើប្រាស់ពាក្យមិនសមរម្យទាំងនោះ។
នរណាក៏ដឹងដែរថា លោក រ៉ូឌ្រីហ្គោ ឌូទើតេ ប្រធានាធិបតីហ្វីលីពីន ជាមេដឹកនាំចូលចិត្តប្រើប្រាស់ពាក្យពេចន៍គ្រោតគ្រាត និងអសុរស រហូតដលជាប់ឈ្មោះជាប្រធានាធិបតីមាត់អត់គម្រប ឬអណ្តាតអាស៊ីតជាដើម។ លោក ឌូទើតេ ក៏ធ្លាប់ប្រើពាក្យមិនសមរម្យដាក់ប្រទេសនានាដែលរិះគន់សង្គ្រាមគ្រឿងញៀនរបស់លោក និងមេដឹកនាំបរទេសរាប់តាំងពីអតីតប្រធានាធិបតីអាមេរិក ប៉ារ៉ាក់ អូបាម៉ា ជាដើមផង។
ចំពោះការប្រើពាក្យមិនពិរោះនេះ លោក ឌូទើតេ បានបកស្រាយថា លោកនិយាយឈ្លើយដាក់មនុស្សដែលនិយាយឈ្លើយដាក់លោកប៉ុណ្ណោះ ពោលគឺមាត់លោកសម្បូដោយពាក្យមិនល្អ បើមានអ្នកណារករឿងលោក។ នេះបើតាមការផ្សាយរបស់សារព័ត៌មាន Strait Times ។ ប្រធានាធិបតីហ្វីលីពីនរូបនេះសារភាពថា ពេលខ្លះក៏ប្រើសម្ដីមិនសក្តិសមនឹងតំណែងរបស់លោកឡើយ តែលោកមានអាកប្បកិរិយាដូចនេះតាំងពីកាន់តំណែងអភិបាលក្រុង Davao មកម្ល៉េះ។
ក្នងន័យនេះ លោក ឌូទើតេ បានប្រាប់ឲ្យអ្នកដទៃទទួលយកការប្រើប្រាស់សម្ដីគំរោះគំរើយទាំងនោះ ហើយម្យ៉ាង វាហួសពេលដែលលោកអាចកែប្រែបានទៅហើយ។ «វាជាអត្តចរិតផ្ទាល់កប់ក្នុងចិត្ត។ ខ្ញុំមិនអាចធ្វើអ្វីបានទេលើរឿងនេះ»។ នេះជាសម្ដីរបស់លោក ឌូទើតេ ក្នុងពិធីខួបកំណើតរបស់មន្ត្រីជាន់ខ្ពស់ម្នាក់កាលពីចុងសប្ដាហ៍មុន។
តាមពិតទៅនោះ លោក ឌូទើតេ តែងប្រើប្រាស់ពាក្យទ្រគោះបោះបោកដាក់អ្នករិះគន់លោក រដ្ឋាភិបាល និងយុទ្ធនាការបង្ក្រាបគ្រឿងញៀន ដែលសម្លាប់មនុស្សរាប់ពាន់នាក់។ អាមេរិក អង្គការសហប្រជាជាតិ និងអឺរ៉ុបចេញមុខច្រើនជាងគេ បានរិះគន់ការបោសសម្អាតនេះ ជាពិសេសការសម្លាប់មនុស្សក្រៅប្រព័ន្ធតុលាការតែម្ដង។ ជាញឹកញយនោះ លោក ឌូទើតេ ក៏ប្រើប្រាស់ពាក្យគ្រប់យ៉ាងតែម្ដង មិនថានៅលើវេទិកាសាធារណៈអ្វីឡើយ។
មិនត្រឹមតែប្រើប្រាស់ពាក្យមិនសូវសមរម្យឡើយ ប្រធានាធិបតីរូបនេះក៏តែងនិយាយកំប្លែងដោយប្រើប្រាស់ពាក្យអាសគ្រាមផងដែរ។ មន្ដ្រីជាស្ត្រីក្នុងរដ្ឋាភិបាលលោក ឌូទើតេ ក៏ចេញមកការពារប្រធានាធិបតីរបស់ខ្លួនដែរ ដោយប្រាប់ឲ្យស្ត្រីក្នុងប្រទេសលើកលែងទោសឲ្យលោក ឌូទើតេ ទៅ ហើយខ្លះទៀតអះអាងថា រឿងសំខាន់នោះ គឺលោក ឌូទើតេ យកចិត្តទុកដាក់លើប្រជាជន៕
នរណាក៏ដឹងដែរថា លោក រ៉ូឌ្រីហ្គោ ឌូទើតេ ប្រធានាធិបតីហ្វីលីពីន ជាមេដឹកនាំចូលចិត្តប្រើប្រាស់ពាក្យពេចន៍គ្រោតគ្រាត និងអសុរស រហូតដលជាប់ឈ្មោះជាប្រធានាធិបតីមាត់អត់គម្រប ឬអណ្តាតអាស៊ីតជាដើម។ លោក ឌូទើតេ ក៏ធ្លាប់ប្រើពាក្យមិនសមរម្យដាក់ប្រទេសនានាដែលរិះគន់សង្គ្រាមគ្រឿងញៀនរបស់លោក និងមេដឹកនាំបរទេសរាប់តាំងពីអតីតប្រធានាធិបតីអាមេរិក ប៉ារ៉ាក់ អូបាម៉ា ជាដើមផង។
ចំពោះការប្រើពាក្យមិនពិរោះនេះ លោក ឌូទើតេ បានបកស្រាយថា លោកនិយាយឈ្លើយដាក់មនុស្សដែលនិយាយឈ្លើយដាក់លោកប៉ុណ្ណោះ ពោលគឺមាត់លោកសម្បូដោយពាក្យមិនល្អ បើមានអ្នកណារករឿងលោក។ នេះបើតាមការផ្សាយរបស់សារព័ត៌មាន Strait Times ។ ប្រធានាធិបតីហ្វីលីពីនរូបនេះសារភាពថា ពេលខ្លះក៏ប្រើសម្ដីមិនសក្តិសមនឹងតំណែងរបស់លោកឡើយ តែលោកមានអាកប្បកិរិយាដូចនេះតាំងពីកាន់តំណែងអភិបាលក្រុង Davao មកម្ល៉េះ។
ក្នងន័យនេះ លោក ឌូទើតេ បានប្រាប់ឲ្យអ្នកដទៃទទួលយកការប្រើប្រាស់សម្ដីគំរោះគំរើយទាំងនោះ ហើយម្យ៉ាង វាហួសពេលដែលលោកអាចកែប្រែបានទៅហើយ។ «វាជាអត្តចរិតផ្ទាល់កប់ក្នុងចិត្ត។ ខ្ញុំមិនអាចធ្វើអ្វីបានទេលើរឿងនេះ»។ នេះជាសម្ដីរបស់លោក ឌូទើតេ ក្នុងពិធីខួបកំណើតរបស់មន្ត្រីជាន់ខ្ពស់ម្នាក់កាលពីចុងសប្ដាហ៍មុន។
តាមពិតទៅនោះ លោក ឌូទើតេ តែងប្រើប្រាស់ពាក្យទ្រគោះបោះបោកដាក់អ្នករិះគន់លោក រដ្ឋាភិបាល និងយុទ្ធនាការបង្ក្រាបគ្រឿងញៀន ដែលសម្លាប់មនុស្សរាប់ពាន់នាក់។ អាមេរិក អង្គការសហប្រជាជាតិ និងអឺរ៉ុបចេញមុខច្រើនជាងគេ បានរិះគន់ការបោសសម្អាតនេះ ជាពិសេសការសម្លាប់មនុស្សក្រៅប្រព័ន្ធតុលាការតែម្ដង។ ជាញឹកញយនោះ លោក ឌូទើតេ ក៏ប្រើប្រាស់ពាក្យគ្រប់យ៉ាងតែម្ដង មិនថានៅលើវេទិកាសាធារណៈអ្វីឡើយ។
មិនត្រឹមតែប្រើប្រាស់ពាក្យមិនសូវសមរម្យឡើយ ប្រធានាធិបតីរូបនេះក៏តែងនិយាយកំប្លែងដោយប្រើប្រាស់ពាក្យអាសគ្រាមផងដែរ។ មន្ដ្រីជាស្ត្រីក្នុងរដ្ឋាភិបាលលោក ឌូទើតេ ក៏ចេញមកការពារប្រធានាធិបតីរបស់ខ្លួនដែរ ដោយប្រាប់ឲ្យស្ត្រីក្នុងប្រទេសលើកលែងទោសឲ្យលោក ឌូទើតេ ទៅ ហើយខ្លះទៀតអះអាងថា រឿងសំខាន់នោះ គឺលោក ឌូទើតេ យកចិត្តទុកដាក់លើប្រជាជន៕
Tag:
ហ្វីលីពីន
រ៉ូឌ្រីហ្គោ ឌូទើតេ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
