អន្តរជាតិ
សភាហ្វីលីពីនចាប់ពិភាក្សាវិសោធនកម្មរដ្ឋធម្មនុញ្ញទៅប្រព័ន្ធដឹកនាំបែបសហព័ន្ធ
×![]()
ដោយ: តន ចាន់រិទ្ធារ៉ា
នៅថ្ងៃទី១៦ ខែមករា សភាជាន់ទាបហ្វីលីពីនបានចាប់ផ្ដើមពិភាក្សាការកែរដ្ឋធម្មនុញ្ញឆ្នាំ១៩៨៧ ដើម្បីផ្លាស់ប្ដូរប្រព័ន្ធដឹកនាំរដ្ឋាភិបាលបែបប្រធានាធិបតីនិយម ទៅជាប្រព័ន្ធដឹកនាំបែបសហព័ន្ធនិយមវិញ។ ការផ្លាស់ប្ដូរប្រព័ន្ធដឹកនាំប្រទេសនេះ គឺជាពាក្យសន្យារបស់ប្រធានាធិបតី រ៉ូឌ្រីហ្គោ ឌូទើតេ តាំងពីពេលឃោសនាមកម្ល៉េះ។ ក្រុមអ្នករិះគន់ហៅការប៉ុនប៉ងកែប្រែច្បាប់កំពូលជាតិនេះ ជាការពង្រីកអំណាចរបស់លោក ឌូទើតេ ។
ក្រុមការងាររដ្ឋសភាហ្វីលីពីនបានចាប់ដំណើការកិច្ចពិភាក្សាលើវិសោធនកម្មរដ្ឋធម្មនុញ្ញ ដែលនឹងនាំហ្វីលីពីនទៅរកការដឹកនាំបែបសហព័ន្ធនិយម។ លោក Roger Mercado ប្រធានក្រុមការងារវិសោធនកម្មរបស់រដ្ឋសភានិយាយនៅថ្ងៃទី១៦ ខែមករា ថា សមាជិកសភានឹងអនុម័តដំណោះស្រាយមួយនៅក្នុងសប្ដាហ៍នេះ មុននឹងកោះប្រជុំរួមជាមួយព្រឹទ្ធសភាដើម្បីកែប្រែរដ្ឋធម្មនុញ្ញឆ្នាំ១៩៨៧ ស្របតាមបំណងរបស់លោកប្រធានាធិបតី រ៉ូឌ្រីហ្គោ ឌូទើតេ ។
តាំងពីពេលឃោសនាមកនោះ លោក ឌូទើតេ ចង់ផ្លាស់ប្ដូរប្រព័ន្ធដឹកនាំរដ្ឋបែបប្រធានាធិបតីនិយមសព្វថ្ងៃ ដែលលោកអះអាងថា អំណាចត្រូវបានប្រមូលផ្ដុំនៅតែរដ្ឋធានីម៉ានីល បម្រើផលប្រយោជន៍អ្នកមាននៅទីក្រុង ហើយបំភ្លេចចោលការអភិវឌ្ឍនៅតាមខេត្តឆ្ងាយៗ។ ឯក្រុមសមាជិកសភាវិញ ចង់បន្ថែមអាសនៈសភា ពង្រីកអាណត្តិសមាជិកសភា ផ្ដល់សិទ្ធិស្វ័យភាពផ្នែកសារពើពន្ធដល់ខេត្ត បង្កើតតំណែងនាយករដ្ឋមន្ត្រីដើម្បីដឹកនាំរដ្ឋាភិបាល តែរក្សាតំណែងប្រធានាធិបតីដដែល។
បើតាមផែនការ ការអនុម័តលើគម្រោងវិសោធនកម្មរដ្ឋធម្មនុញ្ញថ្មីនឹងចប់រួចរាល់ក្នុងឆ្នាំ២០១៨ នេះ មុននឹងដាក់ធ្វើប្រជាមតិនៅឆ្នាំ២០១៩ ដែលដំណើការនេះត្រូវចំណាយអស់ប្រាក់ចំនួន២១៨លានដុល្លារ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។ យ៉ាងណាមិញ គម្រោងកែប្រែនេះ គឺជាបញ្ហាស្មុគស្មាញ និងរងការរិះគន់ខ្លាំង ដោយក្រុមប្រឆាំងចោទសភាថា ព្យាយាមបន្តអំណាចរបស់ខ្លួនឲ្យបានយូរ។
លើសពីនោះ ក្រុមអ្នករិះគន់បានហៅការប៉ុនប៉ង ជាការបន្តអាណត្តិប្រធានាធិបតីរបស់លោក ឌូទើតេ ព្រោះរដ្ឋធម្មនុញ្ញបច្ចុប្បន្នចែងឲ្យប្រធានាធិបតីមានអាណត្តិត្រឹម៦ឆ្នាំ ហើយបុគ្គលម្នាក់កាន់តំណែងតែម្ដងប៉ុណ្ណោះ។ ប៉ុន្តែលោក ឌូទើតេ ដែលត្រូវចប់អាណត្តិនៅឆ្នាំ២០២២ បានអះអាងម្ដងហើយម្ដងទៀតថា លោកនឹងមិនចង់កាន់អំណាចយូរឡើយ ហើយលោកក៏អាចនឹងចូលនិវត្តន៍មុនអាណត្តិចប់ដែរ។
យ៉ាងណាមិញ ការអនុម័តលើវិសោធនកម្មរដ្ឋធម្មនុញ្ញនេះអាចជួបបញ្ហា ព្រោះព្រឹទ្ធសភាហ្វីលីពីនមិនចង់សម្រេចចិត្តរួមគ្នាជាមួយរដ្ឋសភាឡើយ។ នេះក៏ព្រោះតែព្រឹទ្ធសភាហ្វីលីពីនមានសមាជិកតែ២៤ រូបប៉ុណ្ណោះ ដែលអាចចាញ់ប្រៀបរដ្ឋសភាមានសមាជិកដល់ទៅ៣០០ រូបឯណោះ។ ម្យ៉ាងទៀត ការពិភាក្សាក៏មិនទាន់សម្រេចថា ជ្រើសរើសប្រព័ន្ធដឹកនាំបែបនេះណាដែរ ខណៈលោក ឌូទើតេ ចង់បានប្រព័ន្ធរដ្ឋាភិបាលរបស់បារាំង ដែលមាននាយករដ្ឋមន្ត្រីផង និងប្រធានាធិបតីផង។
ក្រុមការងាររដ្ឋសភាហ្វីលីពីនបានចាប់ដំណើការកិច្ចពិភាក្សាលើវិសោធនកម្មរដ្ឋធម្មនុញ្ញ ដែលនឹងនាំហ្វីលីពីនទៅរកការដឹកនាំបែបសហព័ន្ធនិយម។ លោក Roger Mercado ប្រធានក្រុមការងារវិសោធនកម្មរបស់រដ្ឋសភានិយាយនៅថ្ងៃទី១៦ ខែមករា ថា សមាជិកសភានឹងអនុម័តដំណោះស្រាយមួយនៅក្នុងសប្ដាហ៍នេះ មុននឹងកោះប្រជុំរួមជាមួយព្រឹទ្ធសភាដើម្បីកែប្រែរដ្ឋធម្មនុញ្ញឆ្នាំ១៩៨៧ ស្របតាមបំណងរបស់លោកប្រធានាធិបតី រ៉ូឌ្រីហ្គោ ឌូទើតេ ។
តាំងពីពេលឃោសនាមកនោះ លោក ឌូទើតេ ចង់ផ្លាស់ប្ដូរប្រព័ន្ធដឹកនាំរដ្ឋបែបប្រធានាធិបតីនិយមសព្វថ្ងៃ ដែលលោកអះអាងថា អំណាចត្រូវបានប្រមូលផ្ដុំនៅតែរដ្ឋធានីម៉ានីល បម្រើផលប្រយោជន៍អ្នកមាននៅទីក្រុង ហើយបំភ្លេចចោលការអភិវឌ្ឍនៅតាមខេត្តឆ្ងាយៗ។ ឯក្រុមសមាជិកសភាវិញ ចង់បន្ថែមអាសនៈសភា ពង្រីកអាណត្តិសមាជិកសភា ផ្ដល់សិទ្ធិស្វ័យភាពផ្នែកសារពើពន្ធដល់ខេត្ត បង្កើតតំណែងនាយករដ្ឋមន្ត្រីដើម្បីដឹកនាំរដ្ឋាភិបាល តែរក្សាតំណែងប្រធានាធិបតីដដែល។
បើតាមផែនការ ការអនុម័តលើគម្រោងវិសោធនកម្មរដ្ឋធម្មនុញ្ញថ្មីនឹងចប់រួចរាល់ក្នុងឆ្នាំ២០១៨ នេះ មុននឹងដាក់ធ្វើប្រជាមតិនៅឆ្នាំ២០១៩ ដែលដំណើការនេះត្រូវចំណាយអស់ប្រាក់ចំនួន២១៨លានដុល្លារ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។ យ៉ាងណាមិញ គម្រោងកែប្រែនេះ គឺជាបញ្ហាស្មុគស្មាញ និងរងការរិះគន់ខ្លាំង ដោយក្រុមប្រឆាំងចោទសភាថា ព្យាយាមបន្តអំណាចរបស់ខ្លួនឲ្យបានយូរ។
លើសពីនោះ ក្រុមអ្នករិះគន់បានហៅការប៉ុនប៉ង ជាការបន្តអាណត្តិប្រធានាធិបតីរបស់លោក ឌូទើតេ ព្រោះរដ្ឋធម្មនុញ្ញបច្ចុប្បន្នចែងឲ្យប្រធានាធិបតីមានអាណត្តិត្រឹម៦ឆ្នាំ ហើយបុគ្គលម្នាក់កាន់តំណែងតែម្ដងប៉ុណ្ណោះ។ ប៉ុន្តែលោក ឌូទើតេ ដែលត្រូវចប់អាណត្តិនៅឆ្នាំ២០២២ បានអះអាងម្ដងហើយម្ដងទៀតថា លោកនឹងមិនចង់កាន់អំណាចយូរឡើយ ហើយលោកក៏អាចនឹងចូលនិវត្តន៍មុនអាណត្តិចប់ដែរ។
យ៉ាងណាមិញ ការអនុម័តលើវិសោធនកម្មរដ្ឋធម្មនុញ្ញនេះអាចជួបបញ្ហា ព្រោះព្រឹទ្ធសភាហ្វីលីពីនមិនចង់សម្រេចចិត្តរួមគ្នាជាមួយរដ្ឋសភាឡើយ។ នេះក៏ព្រោះតែព្រឹទ្ធសភាហ្វីលីពីនមានសមាជិកតែ២៤ រូបប៉ុណ្ណោះ ដែលអាចចាញ់ប្រៀបរដ្ឋសភាមានសមាជិកដល់ទៅ៣០០ រូបឯណោះ។ ម្យ៉ាងទៀត ការពិភាក្សាក៏មិនទាន់សម្រេចថា ជ្រើសរើសប្រព័ន្ធដឹកនាំបែបនេះណាដែរ ខណៈលោក ឌូទើតេ ចង់បានប្រព័ន្ធរដ្ឋាភិបាលរបស់បារាំង ដែលមាននាយករដ្ឋមន្ត្រីផង និងប្រធានាធិបតីផង។
Tag:
ហ្វីលីពីន
រ៉ូឌ្រីហ្គោ ឌូទើតេ
ប្រធានាធិបតីនិយម
សហព័ន្ធនិយម
© រក្សាសិទ្ធិដោយ thmeythmey.com
