ជាតិ
នយោបាយជាតិ
×![]()
ភ្នំពេញ៖ ក្រសួងការបរទេស និងសហប្រតិបត្តិការអន្តរជាតិ សង្ឃឹមថា សហភាពអឺរ៉ុប នៅតែគោរពទំនាក់ទំនងរវាងប្រទេសទាំងពីរ ដោយមិនដាក់សម្ពាធសេដ្ឋកិច្ចកម្ពុជា តាមរយៈការផ្សារភ្ជាប់រឿងនយោបាយឡើយ។ ការលើកឡើងរបស់ក្រសួងការបរទេសបែបនេះ ធ្វើឡើងក្រោយពីក្រុមប្រឹក្សាសហភាពអឺរ៉ុប ព្រមានចាត់វិធានការជាក់លាក់មកលើកម្ពុជា បើសិនជាស្ថានការណ៍នយោបាយកម្ពុជា មិនវិលទៅរកភាពប្រក្រតីវិញ។
អ្នកនាំពាក្យក្រសួងការបរទេស លោក ជុំ សុន្ទរី បាននិយាយថា កម្ពុជាប្រកាន់ខ្ជាប់នូវគោលនយោបាយការបរទេស ដោយគោរពឯករាជ្យភាព និងអធិបតេយ្យភាពប្រទេសដទៃ ហើយប្រទេសដទៃក៏ត្រូវគោរពកម្ពុជាវិញដែរ។ ក្នុងន័យនេះលោក ជុំ សុន្ទរី ចង់សំដៅលើក្រុមប្រឹក្សាសហភាពអឺរ៉ុប ដែលបានព្រមានចាត់វិធានការជាក់លាក់លើកម្ពុជា ដោយផ្សារភ្ជាប់បញ្ហានយោបាយ និងសិទ្ធិមនុស្ស។ លោក សង្ឃឹមថា សហភាពអឺរ៉ុប នឹងគោរពទំនាក់ទំនងរវាងកម្ពុជា-សហភាពអឺរ៉ុប មុននឹងមានការសម្រេចចិត្តធ្វើអ្វីមួយមកលើកម្ពុជា។
ថ្លែងក្រោយពីចុះហត្ថលេខារវាងរដ្ឋាភិបាលនិងប្រធានមជ្ឈមណ្ឌលកម្ចាត់មីនអាស៊ាននៅព្រឹកថ្ងៃទី២៧ កុម្ភៈ អ្នកនាំពាក្យក្រសួងការបរទេសរូបនេះ បានបញ្ជាក់ដូច្នេះថា៖«នយោបាយការបរទេសរបស់កម្ពុជា គឺយើងរក្សាទំនាក់ទំនង និងកិច្ចសហប្រតិបត្តិការជាមួយបណ្ដាប្រទេសទាំងអស់នៅលើសកលលោក រួមទាំងសហភាពអឺរ៉ុបផង គោរពគ្នាទៅវិញទៅមក មានផលប្រយោជន៍ទៅវិញទៅមក…។ នេះជាគោលការណ៍គ្រឹះនៃនយោបាយការបរទេសរបស់កម្ពុជា។ ហើយកម្ពុជានឹងបន្តរក្សាទំនាក់ទំនងជាមួយសហភាពអឺរ៉ុបមូលដ្ឋាននេះ ហើយយើងសង្ឃឹមថា សហភាពអឺរ៉ុបក៏នឹងធ្វើដូចកម្ពុជាដែរ»។
បន្ថែមពីនេះលោក ជុំ សុន្ទរី ជឿជាក់ថា សហភាពអឺរ៉ុប ក៏មិនមានវិធានការអ្វីមកដាក់ទណ្ឌកម្មសេដ្ឋកិច្ចលើកម្ពុជាឡើយ ព្រោះស្ថានការណ៍កម្ពុជា មិនទាន់ស្ថិតនៅក្នុងសភាពធ្ងន់ធ្ងរ ដែលត្រូវទទួលរងសម្ពាធទាំងនោះទេ។
កាលពីថ្ងៃទី២៦ កុម្ភៈ ក្រុមប្រឹក្សាសហភាពអឺរ៉ុប បានបើកកិច្ចប្រជុំដែលមានរដ្ឋ២៨ជាសមាជិក បានពិភាក្សាពីស្ថានភាពនយោបាយកម្ពុជា ដូចជាការចាប់ខ្លួនលោក កឹម សុខា អតីតមេដឹកនាំគណបក្សប្រឆាំង ការបិទ និងការព្យួរអង្គការក្រៅរដ្ឋាភិបាល និងសារព័ត៌មានមួយចំនួន រួមទាំងការរំលាយគណបក្សសង្គ្រោះជាតិ និងការដកសិទ្ធិនយោបាយរបស់មន្ត្រី CNRP ១១៨នាក់ ។ បញ្ហាទាំងនេះគឺជាកង្វល់ដ៏ធំមួយ របស់ស្ថាប័នសហភាពអឺរ៉ុប ដែលបានទាមទារឲ្យរដ្ឋាភិបាលបញ្ឈប់ការប្រើប្រាស់ប្រព័ន្ធយុត្តិធម៌ ជាឧបករណ៍នយោបាយ។
ក្រុមប្រឹក្សាសហភាពអឺរ៉ុប បានអំពាវនាវដល់ស្ថាប័នកំពូលរបស់អឺរ៉ុប តាមដានដោយយកចិត្តទុកដាក់លើការវិវត្តនយោបាយនៅកម្ពុជា ដើម្បីធានាឲ្យបាននូវគោលការណ៍ប្រជាធិបតេយ្យ ការគោរពសិទ្ធិមនុស្ស និងនីតិរដ្ឋ ព្រមទាំងរំលឹកផងដែរថា អឺរ៉ុបគឺជាទីផ្សាដ៏ធំបំផុតរបស់កម្ពុជា។ «ប្រសិនបើស្ថានភាពមិនមានលក្ខណៈល្អប្រសើរទេនោះ ក្រុមប្រឹក្សាសហភាពអឺរ៉ុប នឹងចាត់វិធានការជាក់លាក់មកលើកម្ពុជា»។ នេះបើតាមខ្លឹមសារក្នុងចំណុចទី៩ នៃសេចក្តីសម្រេចនាថ្ងៃទី២៦ ខែកុម្ភៈ។
ទាក់ទងនឹងការលើកឡើងរបស់ក្រុមប្រឹក្សាសហភាពអឺរ៉ុបនេះ អ្នកនាំពាក្យគណបក្សប្រជាជនកម្ពុជាលោក សុខ ឥសាន ចាត់ទុកថា ជាការសន្និដ្ឋានដោយភាពលំអៀង មកលើសភាពការណ៍នយោបាយនៅកម្ពុជា។ លោក សុខ ឥសាន បដិសេធថា កម្ពុជាគ្មានបញ្ហានយោបាយ និងសិទ្ធិមនុស្ស ដែលគួរឲ្យព្រួយបារម្ភ ហើយធ្លាក់ចុះប្រជាធិបតេយ្យ ដូចការវាយតម្លៃរបស់ក្រុមប្រឹក្សាសហភាពអឺរ៉ុបនោះទេ។
អ្នកនាំពាក្យគណបក្សប្រជាជនរូបនេះ បានសរសេរនៅលើបណ្ដាញសង្គមTelegram យ៉ាងដូច្នេះថា៖«ការអនុវត្តច្បាប់ ដើម្បីពង្រឹងនីតិរដ្ឋនៅកម្ពុជា គឺជាសិទ្ធិនិងភារកិច្ចរបស់រាជរដ្ឋាភិបាលនៃគណបក្សឈ្នះឆ្នោតនៅកម្ពុជា ប្រកបដោយឯករាជ្យ និងមានអធិបតេយ្យរបស់កម្ពុជា ។ ការទាមទារ(ក្រុមប្រឹក្សាសហភាពអឺរ៉ុប)កុំឲ្យយកប្រព័ន្ធយុត្តិធម៌មកប្រើ ក៏មិនអាចទៅរួចដែរ កម្ពុជាមិនបោះបង់ចោលការដោះស្រាយតាមផ្លូវច្បាប់ចំពោះជនល្មើសច្បាប់បានជាដាច់ខាត ។ កម្ពុជាមិនយកតាមគំរូតាម ហ៊ីត្លែរ និងប៉ុល ពត មកដោះស្រាយបញ្ហាឡើយ ។ដូច្នេះ ការសម្រេចយ៉ាងណារបស់ក្រុមប្រឹក្សាសហគមន៏អឺរ៉ុបនោះ គឺជាសិទ្ធិរបស់ពួកគេ តែមិនអាចមានឥទ្ធិពលអ្វីមកលើឯករាជ្យ និងអធិបតេយ្យភាព ព្រមទាំងសិទ្ធិសម្រេចរបស់កម្ពុជាបានឡើយ»។
សម្រាប់អ្នកវិភាគសេដ្ឋកិច្ចវិញ ការព្រមានរបស់សហភាពអឺរ៉ុបនេះ គឺជាចំណោទបញ្ហាមួយ ដែលតម្រូវឲ្យរដ្ឋាភិបាលកម្ពុជាពិចារណាឡើងវិញ ដើម្បីកុំឲ្យប៉ះពាល់ដល់សេដ្ឋកិច្ចកម្ពុជា ដែលទទួលបានការអនុគ្រោះពន្ធ(Everything But Arm) ពីទីផ្សារសហភាពអឺរ៉ុប ជាង៦០០លានដុល្លារក្នុងមួយឆ្នាំ។
តែយ៉ាងណាសម្ដេចនាយករដ្ឋមន្ត្រី ហ៊ុន សែន ធ្លាប់បាននិយាយថា កម្ពុជាមិនចុះញ៉ម ឬខ្លាចការកៀបសង្កត់របស់បរទេសតាមរយៈការផ្ដាច់ជំនួយទេ ប៉ុន្តែក្រុមបរទេសទាំងនោះវិញទេ ដែលកំពុងបរាជ័យក្នុងការដាក់សម្ពាធមកលើកម្ពុជា៕
អ្នកនាំពាក្យក្រសួងការបរទេស លោក ជុំ សុន្ទរី បាននិយាយថា កម្ពុជាប្រកាន់ខ្ជាប់នូវគោលនយោបាយការបរទេស ដោយគោរពឯករាជ្យភាព និងអធិបតេយ្យភាពប្រទេសដទៃ ហើយប្រទេសដទៃក៏ត្រូវគោរពកម្ពុជាវិញដែរ។ ក្នុងន័យនេះលោក ជុំ សុន្ទរី ចង់សំដៅលើក្រុមប្រឹក្សាសហភាពអឺរ៉ុប ដែលបានព្រមានចាត់វិធានការជាក់លាក់លើកម្ពុជា ដោយផ្សារភ្ជាប់បញ្ហានយោបាយ និងសិទ្ធិមនុស្ស។ លោក សង្ឃឹមថា សហភាពអឺរ៉ុប នឹងគោរពទំនាក់ទំនងរវាងកម្ពុជា-សហភាពអឺរ៉ុប មុននឹងមានការសម្រេចចិត្តធ្វើអ្វីមួយមកលើកម្ពុជា។
ថ្លែងក្រោយពីចុះហត្ថលេខារវាងរដ្ឋាភិបាលនិងប្រធានមជ្ឈមណ្ឌលកម្ចាត់មីនអាស៊ាននៅព្រឹកថ្ងៃទី២៧ កុម្ភៈ អ្នកនាំពាក្យក្រសួងការបរទេសរូបនេះ បានបញ្ជាក់ដូច្នេះថា៖«នយោបាយការបរទេសរបស់កម្ពុជា គឺយើងរក្សាទំនាក់ទំនង និងកិច្ចសហប្រតិបត្តិការជាមួយបណ្ដាប្រទេសទាំងអស់នៅលើសកលលោក រួមទាំងសហភាពអឺរ៉ុបផង គោរពគ្នាទៅវិញទៅមក មានផលប្រយោជន៍ទៅវិញទៅមក…។ នេះជាគោលការណ៍គ្រឹះនៃនយោបាយការបរទេសរបស់កម្ពុជា។ ហើយកម្ពុជានឹងបន្តរក្សាទំនាក់ទំនងជាមួយសហភាពអឺរ៉ុបមូលដ្ឋាននេះ ហើយយើងសង្ឃឹមថា សហភាពអឺរ៉ុបក៏នឹងធ្វើដូចកម្ពុជាដែរ»។
បន្ថែមពីនេះលោក ជុំ សុន្ទរី ជឿជាក់ថា សហភាពអឺរ៉ុប ក៏មិនមានវិធានការអ្វីមកដាក់ទណ្ឌកម្មសេដ្ឋកិច្ចលើកម្ពុជាឡើយ ព្រោះស្ថានការណ៍កម្ពុជា មិនទាន់ស្ថិតនៅក្នុងសភាពធ្ងន់ធ្ងរ ដែលត្រូវទទួលរងសម្ពាធទាំងនោះទេ។
កាលពីថ្ងៃទី២៦ កុម្ភៈ ក្រុមប្រឹក្សាសហភាពអឺរ៉ុប បានបើកកិច្ចប្រជុំដែលមានរដ្ឋ២៨ជាសមាជិក បានពិភាក្សាពីស្ថានភាពនយោបាយកម្ពុជា ដូចជាការចាប់ខ្លួនលោក កឹម សុខា អតីតមេដឹកនាំគណបក្សប្រឆាំង ការបិទ និងការព្យួរអង្គការក្រៅរដ្ឋាភិបាល និងសារព័ត៌មានមួយចំនួន រួមទាំងការរំលាយគណបក្សសង្គ្រោះជាតិ និងការដកសិទ្ធិនយោបាយរបស់មន្ត្រី CNRP ១១៨នាក់ ។ បញ្ហាទាំងនេះគឺជាកង្វល់ដ៏ធំមួយ របស់ស្ថាប័នសហភាពអឺរ៉ុប ដែលបានទាមទារឲ្យរដ្ឋាភិបាលបញ្ឈប់ការប្រើប្រាស់ប្រព័ន្ធយុត្តិធម៌ ជាឧបករណ៍នយោបាយ។
អត្ថបទទាក់ទង
ក្រុមប្រឹក្សាសហភាពអឺរ៉ុប បានអំពាវនាវដល់ស្ថាប័នកំពូលរបស់អឺរ៉ុប តាមដានដោយយកចិត្តទុកដាក់លើការវិវត្តនយោបាយនៅកម្ពុជា ដើម្បីធានាឲ្យបាននូវគោលការណ៍ប្រជាធិបតេយ្យ ការគោរពសិទ្ធិមនុស្ស និងនីតិរដ្ឋ ព្រមទាំងរំលឹកផងដែរថា អឺរ៉ុបគឺជាទីផ្សាដ៏ធំបំផុតរបស់កម្ពុជា។ «ប្រសិនបើស្ថានភាពមិនមានលក្ខណៈល្អប្រសើរទេនោះ ក្រុមប្រឹក្សាសហភាពអឺរ៉ុប នឹងចាត់វិធានការជាក់លាក់មកលើកម្ពុជា»។ នេះបើតាមខ្លឹមសារក្នុងចំណុចទី៩ នៃសេចក្តីសម្រេចនាថ្ងៃទី២៦ ខែកុម្ភៈ។
ទាក់ទងនឹងការលើកឡើងរបស់ក្រុមប្រឹក្សាសហភាពអឺរ៉ុបនេះ អ្នកនាំពាក្យគណបក្សប្រជាជនកម្ពុជាលោក សុខ ឥសាន ចាត់ទុកថា ជាការសន្និដ្ឋានដោយភាពលំអៀង មកលើសភាពការណ៍នយោបាយនៅកម្ពុជា។ លោក សុខ ឥសាន បដិសេធថា កម្ពុជាគ្មានបញ្ហានយោបាយ និងសិទ្ធិមនុស្ស ដែលគួរឲ្យព្រួយបារម្ភ ហើយធ្លាក់ចុះប្រជាធិបតេយ្យ ដូចការវាយតម្លៃរបស់ក្រុមប្រឹក្សាសហភាពអឺរ៉ុបនោះទេ។
អ្នកនាំពាក្យគណបក្សប្រជាជនរូបនេះ បានសរសេរនៅលើបណ្ដាញសង្គមTelegram យ៉ាងដូច្នេះថា៖«ការអនុវត្តច្បាប់ ដើម្បីពង្រឹងនីតិរដ្ឋនៅកម្ពុជា គឺជាសិទ្ធិនិងភារកិច្ចរបស់រាជរដ្ឋាភិបាលនៃគណបក្សឈ្នះឆ្នោតនៅកម្ពុជា ប្រកបដោយឯករាជ្យ និងមានអធិបតេយ្យរបស់កម្ពុជា ។ ការទាមទារ(ក្រុមប្រឹក្សាសហភាពអឺរ៉ុប)កុំឲ្យយកប្រព័ន្ធយុត្តិធម៌មកប្រើ ក៏មិនអាចទៅរួចដែរ កម្ពុជាមិនបោះបង់ចោលការដោះស្រាយតាមផ្លូវច្បាប់ចំពោះជនល្មើសច្បាប់បានជាដាច់ខាត ។ កម្ពុជាមិនយកតាមគំរូតាម ហ៊ីត្លែរ និងប៉ុល ពត មកដោះស្រាយបញ្ហាឡើយ ។ដូច្នេះ ការសម្រេចយ៉ាងណារបស់ក្រុមប្រឹក្សាសហគមន៏អឺរ៉ុបនោះ គឺជាសិទ្ធិរបស់ពួកគេ តែមិនអាចមានឥទ្ធិពលអ្វីមកលើឯករាជ្យ និងអធិបតេយ្យភាព ព្រមទាំងសិទ្ធិសម្រេចរបស់កម្ពុជាបានឡើយ»។
សម្រាប់អ្នកវិភាគសេដ្ឋកិច្ចវិញ ការព្រមានរបស់សហភាពអឺរ៉ុបនេះ គឺជាចំណោទបញ្ហាមួយ ដែលតម្រូវឲ្យរដ្ឋាភិបាលកម្ពុជាពិចារណាឡើងវិញ ដើម្បីកុំឲ្យប៉ះពាល់ដល់សេដ្ឋកិច្ចកម្ពុជា ដែលទទួលបានការអនុគ្រោះពន្ធ(Everything But Arm) ពីទីផ្សារសហភាពអឺរ៉ុប ជាង៦០០លានដុល្លារក្នុងមួយឆ្នាំ។
តែយ៉ាងណាសម្ដេចនាយករដ្ឋមន្ត្រី ហ៊ុន សែន ធ្លាប់បាននិយាយថា កម្ពុជាមិនចុះញ៉ម ឬខ្លាចការកៀបសង្កត់របស់បរទេសតាមរយៈការផ្ដាច់ជំនួយទេ ប៉ុន្តែក្រុមបរទេសទាំងនោះវិញទេ ដែលកំពុងបរាជ័យក្នុងការដាក់សម្ពាធមកលើកម្ពុជា៕
Tag:
ជុំ សុន្ទរី
EU
ក្រសួងការបរទេស
© រក្សាសិទ្ធិដោយ thmeythmey.com
