អន្តរជាតិ
លោក ពូទីន ឈ្នះឆ្នោតភ្លូកទឹកភ្លូកដីធ្វើជាប្រធានាធិបតីរុស្ស៊ី៦ឆ្នាំទៀត
លោក វ៉្លាឌីមៀ ពូទីន បន្តដឹកនាំរុស្ស៊ីរយៈពេល៦ឆ្នាំទៀត (រូបភាព៖ AFP)
×![]()
ដោយ: តន ចាន់រិទ្ធារ៉ា
លទ្ធផលបឋមនៃការបោះឆ្នោតជ្រើសរើសប្រធានាធិបតីរុស្ស៊ីបង្ហាញថា លោក វ្ល៉ាឌីមៀ ពូទីន បានទទួលសំឡេងគាំទ្រច្រើនលើសលប់ និងភាគរយខ្ពស់ក្នុងការបន្តកាន់កាប់តំណែងប្រធានាធិបតីរយៈពេល៦ឆ្នាំទៀត។ ក្នុងការបោះឆ្នោតដែលអវត្តមានគូប្រជែងដ៏សំខាន់ លោក ពូទីន ទទួលបានសំឡេងគាំទ្រជាង៧៦ភាគរយក្នុងចំណោមសន្លឹកឆ្នោតដែលរាប់រួចរាល់។ នេះជាអាណត្តិទីបួនហើយដែលលោក ពូទីន ដឹកនាំរុស្ស៊ី។
ប្រជាជនរុស្ស៊ីប្រមាណ១០៧លាននាក់ បានចេញទៅបោះឆ្នោតជ្រើសរើសប្រធានាធិបតីរុស្ស៊ីនៅថ្ងៃទី១៨ ខែមីនា។ នេះជាកំណត់ត្រាថ្មីក្នុងការបោះឆ្នោតនៅរុស្ស៊ីដែលមានអ្នកទៅបោះឆ្នោតច្រើនច្រើនបែបនេះ។ បើតាមទីភ្នាក់ងារព័ត៌មាន AFP សន្លឹកឆ្នោតប្រហែល៩០ភាគរយត្រូវបានរាប់ ហើយលទ្ធផលដំបូងបង្ហាញថា លោក វ្ល៉ាឌីមៀ ពូទីន បានឈ្នះភ្លូកទឹកភ្លូកដី ដោយទទួលបានការគាំទ្រចំនួនជាង៧៦ភាគរយឯណោះ។
បេក្ខជនលំដាប់ទីពីរ គឺលោក Pavel Grudinin ទទួលបានការគាំទ្រចំនួន១២ភាគរយ ឯលោក Vladimir Zhirinovsky ទទួលបានសំឡេងចំនួនប្រមាណ៦ភាគរយ ស្ថិតនៅលំដាប់ទីបី និងលំដាប់ទីបួនបានទៅអតីតពិធីករទូរទស្សន៍ Ksenia Sobchak ដែលទទួលបានសំឡេង១.៥ភាគរយប៉ុណ្ណោះ។ ដោយឡែក បេក្ខជនប្រធានាធិបតីបីនាក់ផ្សេងទៀត ទទួលសំឡេងគាំទ្រមិនដល់មួយភាគរយផងក្នុងការបោះឆ្នោតលើកនេះ។
ក្រោយជ័យជម្នះនេះ លោក ពូទីន បានជួបជាមួយអ្នកគាំទ្ររាប់ពាន់នាក់នៅឯទីលាន Manezhnaya ក្បែរវិមានក្រេមឡាំង។ លោកបានអរគុណពួកគេ និងចាត់ទុកលទ្ធផលនេះជាទទួលស្គាល់សមិទ្ធផលដែលលោកកសាងក្នុងឆ្នាំមុនៗ។ ជោគជ័យរបស់់លោក ពូទីន គឺដូចការរំពឹងនៅមុនការបោះឆ្នោតដែរ ព្រោះតែអវត្តមានលោក Alexei Navalny ដែលជាគូប្រជែងសំខាន់ និងជាអ្នករិះគន់ប្រធានាធិបតីរូបកប់ៗមាត់។
ជាមួយនឹងការទទួលសំឡេងលើសលប់បែបនេះ លោក ពូទីន នឹងបន្តដឹកនាំរុស្ស៊ីរហូតដល់ឆ្នាំ២០២៤ ។ ប៉ុន្តែលោកមិនអាចចូលរួមការបោះឆ្នោតនៅឆ្នាំ២០២៤ឡើយ ព្រោះរដ្ឋធម្មនុញ្ញរុស្ស៊ីហាមបុគ្គលម្នាក់ធ្វើប្រធាធិបតីពីរអាណត្តិជាប់គ្នា។ យ៉ាងណាមិញ លោក ពូទីន អាចឈរឈ្មោះធ្វើប្រធានាធិបតីម្ដងទៀតនៅឆ្នាំ២០៣០ ដែលនោះលោកនឹងមានអាយុ៧៨ឆ្នាំ។ លោកមិនទាន់ច្បាស់ថា នឹងឈរឈ្មោះម្ដងទៀតឬយ៉ាងណាឡើយ។
អ្វីគួរឲ្យចាប់អារម្មណ៍នោះ អ្នកសារព័ត៌មានរុស្ស៊ីម្នាក់បានសួរទាក់ទងរឿងនេះក្រោយការចេញផ្សាយលទ្ធផលបឋម តែលោកបែរជាផ្ទុះសំណើចទៅវិញ។ លោក ពូទីន ដែលក្លាយមេដឹកនាំរុស្ស៊ីកាន់អំណាចយូរជាងគេក្រោយសម័យលោក ចូសេហ្វ ស្តាលីន ឆ្លើយវិញថា៖ «សំណួររបស់អ្នកពិតជាគួរឲ្យអស់សំណើចមែន។ តើខ្ញុំនឹងធ្វើជាប្រធានាធិបតីដល់អាយុ១០០ឆ្នាំមែនឬ? ទេ! ហើយខ្ញុំក៏មិនមានគម្រោងកែរដ្ឋធម្មនុញ្ញឥឡូវនេះដែរ»៕
ប្រជាជនរុស្ស៊ីប្រមាណ១០៧លាននាក់ បានចេញទៅបោះឆ្នោតជ្រើសរើសប្រធានាធិបតីរុស្ស៊ីនៅថ្ងៃទី១៨ ខែមីនា។ នេះជាកំណត់ត្រាថ្មីក្នុងការបោះឆ្នោតនៅរុស្ស៊ីដែលមានអ្នកទៅបោះឆ្នោតច្រើនច្រើនបែបនេះ។ បើតាមទីភ្នាក់ងារព័ត៌មាន AFP សន្លឹកឆ្នោតប្រហែល៩០ភាគរយត្រូវបានរាប់ ហើយលទ្ធផលដំបូងបង្ហាញថា លោក វ្ល៉ាឌីមៀ ពូទីន បានឈ្នះភ្លូកទឹកភ្លូកដី ដោយទទួលបានការគាំទ្រចំនួនជាង៧៦ភាគរយឯណោះ។
បេក្ខជនលំដាប់ទីពីរ គឺលោក Pavel Grudinin ទទួលបានការគាំទ្រចំនួន១២ភាគរយ ឯលោក Vladimir Zhirinovsky ទទួលបានសំឡេងចំនួនប្រមាណ៦ភាគរយ ស្ថិតនៅលំដាប់ទីបី និងលំដាប់ទីបួនបានទៅអតីតពិធីករទូរទស្សន៍ Ksenia Sobchak ដែលទទួលបានសំឡេង១.៥ភាគរយប៉ុណ្ណោះ។ ដោយឡែក បេក្ខជនប្រធានាធិបតីបីនាក់ផ្សេងទៀត ទទួលសំឡេងគាំទ្រមិនដល់មួយភាគរយផងក្នុងការបោះឆ្នោតលើកនេះ។
ក្រោយជ័យជម្នះនេះ លោក ពូទីន បានជួបជាមួយអ្នកគាំទ្ររាប់ពាន់នាក់នៅឯទីលាន Manezhnaya ក្បែរវិមានក្រេមឡាំង។ លោកបានអរគុណពួកគេ និងចាត់ទុកលទ្ធផលនេះជាទទួលស្គាល់សមិទ្ធផលដែលលោកកសាងក្នុងឆ្នាំមុនៗ។ ជោគជ័យរបស់់លោក ពូទីន គឺដូចការរំពឹងនៅមុនការបោះឆ្នោតដែរ ព្រោះតែអវត្តមានលោក Alexei Navalny ដែលជាគូប្រជែងសំខាន់ និងជាអ្នករិះគន់ប្រធានាធិបតីរូបកប់ៗមាត់។
ជាមួយនឹងការទទួលសំឡេងលើសលប់បែបនេះ លោក ពូទីន នឹងបន្តដឹកនាំរុស្ស៊ីរហូតដល់ឆ្នាំ២០២៤ ។ ប៉ុន្តែលោកមិនអាចចូលរួមការបោះឆ្នោតនៅឆ្នាំ២០២៤ឡើយ ព្រោះរដ្ឋធម្មនុញ្ញរុស្ស៊ីហាមបុគ្គលម្នាក់ធ្វើប្រធាធិបតីពីរអាណត្តិជាប់គ្នា។ យ៉ាងណាមិញ លោក ពូទីន អាចឈរឈ្មោះធ្វើប្រធានាធិបតីម្ដងទៀតនៅឆ្នាំ២០៣០ ដែលនោះលោកនឹងមានអាយុ៧៨ឆ្នាំ។ លោកមិនទាន់ច្បាស់ថា នឹងឈរឈ្មោះម្ដងទៀតឬយ៉ាងណាឡើយ។
អ្វីគួរឲ្យចាប់អារម្មណ៍នោះ អ្នកសារព័ត៌មានរុស្ស៊ីម្នាក់បានសួរទាក់ទងរឿងនេះក្រោយការចេញផ្សាយលទ្ធផលបឋម តែលោកបែរជាផ្ទុះសំណើចទៅវិញ។ លោក ពូទីន ដែលក្លាយមេដឹកនាំរុស្ស៊ីកាន់អំណាចយូរជាងគេក្រោយសម័យលោក ចូសេហ្វ ស្តាលីន ឆ្លើយវិញថា៖ «សំណួររបស់អ្នកពិតជាគួរឲ្យអស់សំណើចមែន។ តើខ្ញុំនឹងធ្វើជាប្រធានាធិបតីដល់អាយុ១០០ឆ្នាំមែនឬ? ទេ! ហើយខ្ញុំក៏មិនមានគម្រោងកែរដ្ឋធម្មនុញ្ញឥឡូវនេះដែរ»៕
Tag:
រុស្ស៊ី
វ្ល៉ាឌីមៀ ពូទីន
បោះឆ្នោតប្រធានាធិបតីរុស្ស៊ី
© រក្សាសិទ្ធិដោយ thmeythmey.com
