អត្ថបទពាណិជ្ជកម្ម
SpeedAccount – កម្មវិធីបន្ថែមលើQuickBooksកំពុងអភិវឌ្ឍន៍បន្ត
× ហេតុអ្វីបានជាយើងត្រូវការប្រព័ន្ធគណនេយ្យ? បើសួរសំណួរនេះទៅគណនេយ្យករម្នាក់គឺដូចជាសួរកសិករថាហេតុអ្វីបានជាយើងត្រូវការភ្លៀង? យើងត្រូវការប្រព័ន្ធគណនេយ្យពីព្រោះវាជាមធ្យោបាយតែមួយគត់សម្រាប់គ្រប់គ្រងអាជីវកម្មអោយបានល្អ និងរីកចម្រើន។ ប្រព័ន្ធគណនេយ្យគឺជាឆ្អឹងកងខ្នងសំរាប់គ្រប់គ្រងហិរញ្ញវត្ថុ។
កន្លងមកSpeedAccount បានចេញនិងផ្តល់ជូនដោយមិនគិតថ្លៃ នូវកម្មវិធីបន្ថែមទៅលើប្រព័ន្ធគណនេយ្យQuickBooks ដើម្បីជួយសម្រួលដល់កិច្ចការការិយាល័យ ក៏ដូចជាបង្កើនប្រសិទ្ធភាពការងារ និងមុខងារដែលប្រើប្រាស់សំរាប់បង្កើតនិងរក្សាទុកទិន្នន័យQuickBooksជាភាសាខ្មែរ។
កម្មវិធីបន្ថែមនេះ ត្រូវបានបង្កើតឡើងដោយគោរពតាមការណែនាំរបស់ QuickBooks និងមិនប៉ះពាល់ដល់មុខងារស្នូលរបស់ QuickBooksឡើយ។ អ្នកប្រើប្រាស់ អាចឈប់ប្រើប្រាស់កម្មវិធី SpeedAccount នៅពេលណាក៏បាន ហើយនឹងមិនមានផលប៉ះពាល់ដល់ទិន្នន័យនោះទេ។
អ្នកគ្រប់គ្រងការបង្កើតកម្មវិធីនេះឡើង បានអោយដឹងថា៖ យើងគឺជាក្រុមហ៊ុនមួយដែលបានប្រើប្រាស់កម្មវិធីQuickBooks។ ពីមុនយើងជ្រើសរើសប្រើប្រាស់វា គឺដោយសារ វាងាយស្រួល មានអ្នកចេះប្រើប្រាស់ច្រើន ងាយរកបុគ្គលិក។ ប៉ុន្តែយើងជួបបញ្ហាប្រឈមមួយចំនួន ជាពិសេសគឺអក្សរខ្មែរ។ ដោយសារមិនអាចចេញវិក្កយបត្រជាភាសារខ្មែរ យើងប្រើExcelជំនួស។ អញ្ចឹងវាពិបាកគ្រប់គ្រង ទិន្នន័យខ្លះនៅក្នុងQuickBooks និងទិន្នន័យខ្លះនៅក្នុងExcel។ វាមានបញ្ហាខ្លះៗទៀតដែលយើងគិតថាមិនចាំបាច់រៀបរាប់ទេ។
យើងបានសិក្សាលើជំរើសខ្លះដូចជាការផ្លាស់ប្តូរប្រើប្រព័ន្ធផ្សេង ប៉ុន្តែយើងឃើញថាមានការលំបាកខ្លះដោយសារយើងត្រូវធ្វើការផ្លាស់ប្តូរទិន្នន័យ (Data Migration) និងត្រូវបង្រៀនបុគ្គលិកយើង។
ដោយសារយើងមានក្រុមអ្នកបង្កើតកម្មវិធី ដូច្នេះដើម្បីសំរួលបញ្ហាទាំងនោះ យើងបានស្រាវជ្រាវរក វិធីបង្កើតកម្មវិធីបន្ថែមនេះឡើង។
យើងក៏បានដឹងថាកម្មវិធីQuickBooksនេះមានការប្រើប្រាស់ជាច្រើននៅក្នុងសហគ្រាសធនតូចនិងមធ្យមនៅក្នុងប្រទេសយើង ហើយយើងជឿជាក់ថាសហគ្រាសទាំងនោះប្រហែលជាជួបរឿងលំបាកដូចយើងដែរ។ យើងគិតថាកម្មវិធីបន្ថែមនេះនឹងជួយផ្តល់ការងាយស្រួលដល់សហគ្រាសទាំងនោះ ហើយយើងក៏រំពឹងថានឹងទទួលបានការគាំទ្រនិងយោបល់បន្ថែមដែលអាចអោយយើងធ្វើជាទុនសំរាប់អភិវឌ្ឍន៍កម្មវិធីបន្ថែមនេះអោយកាន់តែល្អថែមទៀត ហើយវាក៏អាចជួយផ្តល់ប្រសិទ្ធភាពបន្ថែមដល់ការគ្រប់គ្រងប្រតិបត្តិការណ៍អាជីវកម្មផ្ទាល់របស់យើងខ្ញុំ។
កម្មវិធីនេះ ពេលប្រើហើយ បើចង់ឈប់ ស្រួលណាស់ Uninstallចោលទៅរួចហើយ។ វាមិនប៉ះពាល់ដល់ទិន្នន័យទេ ព្រោះរាល់ទិន្នន័យទាំងអស់របស់QuickBooks គឺមិនមានប៉ះពាល់ឡើយ។
យើងកំពុងធ្វើការអភិវឌ្ឍន៍បន្ថែមលើកម្មវិធីនេះជាមួយអ្នកជំនាញគណនីដែលចង់ចូលរួមចែករំលែកជាមួយយើង។ ការបន្ថែមនោះកំពុងតែប្រើប្រាស់សាកល្បង ហើយយើងនិងដាក់ចូលទៅក្នុងវេបសាយយើងក្នុងពេលឆាប់ៗខាងមុខនេះ។ មុខងារបន្ថែមនោះមានដូចជា អាចបន្ថែមឬដកក្រុមហ៊ុនចេញ និងមុខងារផ្សេងៗទៀតដែលអាចប្រើប្រាស់ជាអក្សរខ្មែរបាន។
SpeedAccount ឬកម្មវិធីបន្ថែមលើQuickBooksនេះនឹងបន្តជូនប្រើប្រាស់ដោយមិនគិតថ្លៃជារៀងរហូត ប៉ុន្តែលោកក៏កំពុងរៀបចំអោយមានជាកម្រៃខ្លះទៅលើសហគ្រាសដែលមានចំនួនប្រតិបត្តិការច្រើននិងត្រូវការមុខងារបន្ថែម។ កម្រៃនេះគឺសំរាប់ទ្រទ្រង់ដល់ការអភិវឌ្ឍន៍បន្ថែមនូវកម្មវិធីថ្មីៗបន្ថែមទៀត។
សូមបញ្ជាក់ថា SpeedAccount គឺជាកម្មវិធីបន្ថែម QuickBooks ដែលអាចអោយយើងរៀបចំរបាយការណ៍ជាភាសាខ្មែរបានយ៉ាងងាយស្រួល ឆាប់រហ័ស និងអាចចេញវិក្កយបត្រនិងបង្កាន់ដៃទទួលប្រាក់ជាច្រើនទម្រង់ទៅតាមតំរូវការ៖ វិក្កយបត្រពន្ធ, ងាយស្រួលដាក់ឬដក ផ្លាកសញ្ញា និងឈ្មោះក្រុមហ៊ុន។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com