World Cup៖ អារ៉ាប៊ីសាអូឌីត ធ្លាប់ឡើងដល់វគ្គ១/៨នៅឆ្នាំ១៩៩៤

កីឡាអន្តរជាតិ

អន្តរជាតិ

World Cup៖ អារ៉ាប៊ីសាអូឌីត ធ្លាប់ឡើងដល់វគ្គ១/៨នៅឆ្នាំ១៩៩៤

20, Mar 2018 , 8:39 am

រូបភាព

ខ្សែប្រយុទ្ធ Mohammad Al-Sahlawi អបអរគ្រាប់បាល់បញ្ចូលទីរបស់ខ្លួន

ដោយ: ទេព ពិទូរ្យ

ក្រុមកីឡាបាល់ទាត់ជម្រើសជាតិអារ៉ាប៊ីសាអូឌីតដែលបានកៅអីទៅរុស្ស៊ីសម្រាប់ការប្រកួតពានរង្វាន់ World Cup ឆ្នាំ២០១៨ ស្ថិតនៅពូល A ត្រូវប៉ះជាមួយម្ចាស់ផ្ទះរុស្ស៊ី អេហ្ស៊ីប និងអ៊ុយរូហ្គាយ។ សម្រាប់ក្រុមមកពីតំបន់អាស៊ីមួយនេះ វាគឺជាការបង្ហាញវត្តមានជាលើកទី៥ ចាប់តាំងពីចូលរួមលើកដំបូងឆ្នាំ ១៩៩៤ មក។

គ្រូបង្វឹក៖ លោក Juan Antonio Pizzi (អាហ្សង់ទីន)
លោក Juan Antonio Pizzi បានឡើងកាន់កាប់អារ៉ាប៊ីសាអូឌីតនៅថ្ងៃទី២៨ ខែវិច្ឆិកាឆ្នាំ ២០១៧ បន្ទាប់ពីពេលវេលារបស់លោកដែលទទួលបន្ទុកដឹកនាំស៊ីបានបញ្ចប់។

អ្នកចាត់ការសញ្ជាតិអេស្ប៉ាញ-អាហ្សង់ទីន វ័យ៤៩ឆ្នាំរូបនេះ បានជួយស៊ីលីឈ្នះពានរង្វាន់ Copa America ឆ្នាំ២០១៦ ប៉ុន្តែមិនបាននាំក្រុមនៅអាមេរិកឡាទីនមួយនេះបានកៅអីទៅ World Cup នៅរុស្ស៊ីឆ្នាំក្រោយឡើយ។

Pizzi ក៏ជាអតីតសមាជិកក្រុមជម្រើសជាតិអេស្ប៉ាញក្នុងព្រឹត្តិការណ៍ UEFA EURO ឆ្នាំ ១៩៩៦ និង World Cup ឆ្នាំ ១៩៩៨ផងដែរ។

កីឡាករឆ្នើម៖ ខ្សែប្រយុទ្ធ Mohammad Al-Sahlawi
ខ្សែប្រយុទ្ធដ៏មានថាមពល និងភាពស្វាហាប់របស់អារ៉ាប៊ីសាអូឌីតបានបង្ហាញទម្រង់លេងដ៏អស្ចារ្យក្នុងវគ្គជម្រុះតាមពូលប្រចាំទ្វីបអាស៊ីដើម្បីឈានទៅរុស្ស៊ីឆ្នាំក្រោយ។ Al-Sahlawi កីឡាករដែលមានល្បឿនលឿន វ័យ៣០ឆ្នាំរូបនេះ ក៏ជាអ្នករកគ្រាប់បាល់បានច្រើនក្នុងព្រឹត្តិការណ៍នេះដែរ ដោយស៊ុតបញ្ចូលទីបាន ១៦គ្រាប់។

ប្រវត្តិក្នុង World Cup៖
នេះជាវត្តមានលើកទី ៥ សម្រាប់ក្រុមដែលបានកៅអីមកពីតំបន់អាស៊ី ក្រោយចូលរួម៤លើករួចមកហើយក្នុងឆ្នាំ ១៩៩៤, ១៩៩៨, ២០០២ និង ២០០៦។ ការបង្ហាញខ្លួនល្អជាងគេគឺនៅឆ្នាំ ១៩៩៤ ដែលអាចឈានដល់វគ្គ ១/៨ ផ្តាច់ព្រ័ត្រ។

ជំនួបសំខាន់៖
អារ៉ាប៊ីសាអូឌីត បានយកឈ្នះជប៉ុន ១-០ ទទួលបាន៣ពិន្ទុបន្ថែមដើម្បីធានាកៅអីទៅ World Cup ដោយសុវត្ថិភាព ដែលស៊ុតបញ្ចូលទីដ៏អស្ចារ្យដោយកីឡាករ Fahad Al Muwallad។

កម្មវិធីប្រកួត៖
-១៤ មិថុនា៖ រុស្ស៊ី vs អារ៉ាប៊ីសាអូឌីត (ម៉ោង១០យប់)
-២០ មិថុនា៖ អ៊ុយរូហ្គាយ vs អារ៉ាប៊ីសាអូឌីត (ម៉ោង១០យប់)
-២៥ មិថុនា៖ អារ៉ាប៊ីសាអូឌីត vs អេហ្ស៊ីប (ម៉ោង៩យប់)