អន្តរជាតិ
ប្រទេសបួន ជិតរួចផុតពីបញ្ជីចំណាត់ថ្នាក់ប្រទេសក្រីក្រនិងទន់ខ្សោយបំផុតរបស់ UN
លោក José Antonio Ocampo (កណ្ដាល) ក្នុងសន្និសីទសារព័ត៌មាន (រូបភាព៖ UN News Center)
×![]()
ភ្នាក់ងារជំនាញអង្គការសហប្រជាជាតិ បានចេញសេចក្តីប្រកាសមួយស្តីពីលទ្ធភាព នៃការអាចរួចផុតពីបញ្ជីប្រទេសក្រីក្របំផុតរបស់ពិភពលោករបស់បណ្តាប្រទេសចំនួនបួននៅក្នុងតំបន់អាហ្វ្រិក អាស៊ីប៉ាស៊ីហ្វិក និងអាមេរិកឡាទីន ។ ការមើលឃើញពីលទ្ធភាពនេះ ផ្នែកទៅលើទំហំ និងកំណើនសេដ្ឋកិច្ច ក៏ដូចជា ភាពលូតលាស់នៃសុខមាលសង្គមផងដែរ ។
ប្រធានគណៈកម្មាធិការជំនាញសម្រាប់គោលនយោបាយអភិវឌ្ឍរបស់អង្គការសហប្រជាជាតិលោក Jose Antonio Ocampo នាចុងសប្តាហ៍មុន បានចេញរបាយការណ៍មួយស្តីពីប្រទេសមានការអភិវឌ្ឍតិចតួច ឬក្រីក្របំផុតរបស់ពិភពលោក ។ តាមរបាយការណ៍នោះ ប្រទេសបួនរួមមាន ប៊ូតង់, គីរីបាទី, សៅតូម៉េ និងប្រាំងស៊ីប និងកោះសូឡូមន អាចនឹងរួចផុតពីបញ្ជីប្រទេសក្រីក្របំផុតរបស់ពិភពលោកបាននាពេលខាងមុខដ៏ខ្លី ។
តាមរបាយការណ៍ដដែលនោះ ការណ៍ ដែលធ្វើឲ្យប្រទេសទាំងបួន អាចនឹងចាកចេញពីប្រទេសក្រោមបន្ទាត់ក្រីក្របាន ដ្បិត ប្រទេសទាំងនេះ មានកំណើនសេដ្ឋកិច្ច និងពិសេសនោះ មានការវិវត្តល្អប្រសើរលើវិស័យថែទាំសុខភាព និងការអប់រំជាដើម ។
អ្វីដែលគួរកត់សម្គាល់ តាមការលើកឡើងរបស់ប្រធានគណៈកម្មាធិការ Jose Antonio Ocampo នេះ គឺជាឱកាសប្រវត្តិសាស្ត្រមួយហើយ ដែលមានប្រទេសបួន អាចរួចផុតពីបញ្ជីនៃប្រទេសក្រីក្របំផុតរបស់ពិភពលោក នៃអង្គការសហប្រជាជាតិ គិតចាប់តាំងពីការបង្កើតគណៈកម្មាធិការវាយតម្លៃប្រទេសក្រីក្របំផុត នៅឆ្នាំ១៩៧១នោះ ។
គួរជម្រាបផងដែរថា គិតត្រឹមថ្ងៃ១៥ មីនា ឆ្នាំ២០១៨ អង្គការសហប្រជាជាតិ បានដាក់ប្រទេសចំនួន ៤៧ ក្នុងបញ្ជីប្រទេសមានការអភិវឌ្ឍតិចតួច ឬក្រីក្របំផុតរបស់ពិភពលោក ដែលក្នុងនោះ មានប្រទេសតំបន់អាហ្វ្រិក ៣៣, អាស៊ីប៉ាស៊ីហ្វិក ចំនួន ១៣ និង អាមេរិកឡាទីន ចំនួន ០១ ។ កម្ពុជា ក៏ស្ថិតនៅក្នុងចំណោមបញ្ជីនៃបណ្តាប្រទេសទាំងនោះផងដែរ ៕
ប្រធានគណៈកម្មាធិការជំនាញសម្រាប់គោលនយោបាយអភិវឌ្ឍរបស់អង្គការសហប្រជាជាតិលោក Jose Antonio Ocampo នាចុងសប្តាហ៍មុន បានចេញរបាយការណ៍មួយស្តីពីប្រទេសមានការអភិវឌ្ឍតិចតួច ឬក្រីក្របំផុតរបស់ពិភពលោក ។ តាមរបាយការណ៍នោះ ប្រទេសបួនរួមមាន ប៊ូតង់, គីរីបាទី, សៅតូម៉េ និងប្រាំងស៊ីប និងកោះសូឡូមន អាចនឹងរួចផុតពីបញ្ជីប្រទេសក្រីក្របំផុតរបស់ពិភពលោកបាននាពេលខាងមុខដ៏ខ្លី ។
តាមរបាយការណ៍ដដែលនោះ ការណ៍ ដែលធ្វើឲ្យប្រទេសទាំងបួន អាចនឹងចាកចេញពីប្រទេសក្រោមបន្ទាត់ក្រីក្របាន ដ្បិត ប្រទេសទាំងនេះ មានកំណើនសេដ្ឋកិច្ច និងពិសេសនោះ មានការវិវត្តល្អប្រសើរលើវិស័យថែទាំសុខភាព និងការអប់រំជាដើម ។
អ្វីដែលគួរកត់សម្គាល់ តាមការលើកឡើងរបស់ប្រធានគណៈកម្មាធិការ Jose Antonio Ocampo នេះ គឺជាឱកាសប្រវត្តិសាស្ត្រមួយហើយ ដែលមានប្រទេសបួន អាចរួចផុតពីបញ្ជីនៃប្រទេសក្រីក្របំផុតរបស់ពិភពលោក នៃអង្គការសហប្រជាជាតិ គិតចាប់តាំងពីការបង្កើតគណៈកម្មាធិការវាយតម្លៃប្រទេសក្រីក្របំផុត នៅឆ្នាំ១៩៧១នោះ ។
គួរជម្រាបផងដែរថា គិតត្រឹមថ្ងៃ១៥ មីនា ឆ្នាំ២០១៨ អង្គការសហប្រជាជាតិ បានដាក់ប្រទេសចំនួន ៤៧ ក្នុងបញ្ជីប្រទេសមានការអភិវឌ្ឍតិចតួច ឬក្រីក្របំផុតរបស់ពិភពលោក ដែលក្នុងនោះ មានប្រទេសតំបន់អាហ្វ្រិក ៣៣, អាស៊ីប៉ាស៊ីហ្វិក ចំនួន ១៣ និង អាមេរិកឡាទីន ចំនួន ០១ ។ កម្ពុជា ក៏ស្ថិតនៅក្នុងចំណោមបញ្ជីនៃបណ្តាប្រទេសទាំងនោះផងដែរ ៕
Tag:
UN
ចំណេះដឹងពិភពលោក
© រក្សាសិទ្ធិដោយ thmeythmey.com
