លីកសិង្ហបុរីរៀបយុទ្ធសាស្ត្រទាក់ទាញអ្នកគាំទ្រក្នុងស្រុកដែលនិយមមើលតែលីកក្រៅស្រុក

កីឡាអន្តរជាតិ

អន្តរជាតិ

លីកសិង្ហបុរីរៀបយុទ្ធសាស្ត្រទាក់ទាញអ្នកគាំទ្រក្នុងស្រុកដែលនិយមមើលតែលីកក្រៅស្រុក

23, Mar 2018 , 7:19 pm

រូបភាព

ដោយ: ទេព ពិទូរ្យ

ក្របខណ្ឌ S.League ជាលីកកីឡាបាល់ទាត់កំពូលរបស់សិង្ហបុរី នឹងត្រូវប្តូរឈ្មោះទៅជា Singapore Premier League នៅរដូវកាលឆ្នាំ២០១៨ ដើម្បីទាក់ទាញអ្នកទស្សនាឲ្យបានច្រើន ខណៈបច្ចុប្បន្នកំពុងមានវិបត្តិ ត្បិតអ្នកគាំទ្រពេញនិយមមើលតែការប្រកួតក្រៅស្រុក។

២២ឆ្នាំបន្ទាប់ពីការបង្កើតលីកកីឡាបាល់ទាត់អាជីពរបស់សិង្ហបុរី S.League ឥឡូវនេះសហព័ន្ធកីឡាបាល់ទាត់សិង្ហបុរី (FAS) កំពុងផ្លាស់ប្តូរឈ្មោះថ្មីវិញដើម្បីជាផ្នែកមួយនៃកិច្ចខិតខំប្រឹងប្រែងក្នុងការស្តារវិបត្តិអ្នកគាំទ្រទស្សនារបស់ខ្លួនឡើងវិញ។

FAS បានលើកឡើង ថា ប្រេន S.League នឹងត្រូវប្តូរឈ្មោះទៅជាប្រេន Singapore Premier League (SPL) វិញនៅឆ្នាំ២០១៨នេះ។ នេះបើតាមការផ្សាយរបស់ ChannelNewsAsia។
លោក Lim Kia Tong ប្រធាន FAS បានថ្លែងនៅក្នុងសន្និសិទកាសែតនៅមជ្ឈមណ្ឌលកីឡាសិង្ហបុរីថា៖« SPL នឹងនាំមកនូវបរិបទក្នុងស្រុកដោយលោកសង្កត់ធ្ងន់ថាលីកគឺសម្រាប់ប្រជាជនសិង្ហបុរី។ ក្នុងនាមជាលីកកីឡាអាជីពតែមួយគត់នៅសិង្ហបុរី SPL នឹងទទួលខុសត្រូវក្នុងការកំណត់ស្តង់ដារ និងជាផលិតផលដែលទទួលស្គាល់ពីទំហំនៃជំហររបស់ខ្លួននៅក្នុងប្រទេសសឹង្ហបុរី»។

ក្រៅពីកូតាដែលបានប្រកាសកាលពីលើកមុនសម្រាប់ក្រុមនៅក្នុងស្រុករបស់ខ្លួនក្នុងរដូវកាលនេះ SPL មានគោលបំណងនាំអ្នកគាំទ្រកាន់តែច្រើនឡើងទៅកាន់ទីលានវិញ។ មួយវិញវិញទៀតក្លិបនៃក្របខណ្ឌកំពូលសិង្ហបុរីនេះនឹងបង្កើនហេដ្ឋារចនាសម្ព័ន្ធមួយចំនួនបន្ថែមទៀតទៅលើកីឡដ្ខានរបស់ពួកគេផងដែរ៕