ជាតិ
រូបភាព៖ ស្នងការដ្ឋាននគរបាលខេត្ដសៀមរាប
×![]()
ដោយ: ថ្មីៗ
សៀមរាប៖ ផ្ទះប្រជាពលរដ្ឋចំនួន ៨៣ខ្នងរងការខូចខាត ដោយសារខ្យល់កន្ដ្រាក់ លាយឡំនិងរន្ទះ កាលពីថ្ងៃទី២០ ឧសភា។ ទីតាំងដែលរងការខូចខាតខ្លាំង ដោយសារឥទ្ធិពលខ្យល់កន្ដ្រាក់ គឺស្ថិតនៅសង្កាត់ទឹកវិល ក្រុងសៀមរាប ដែលបណ្តាលឲ្យផ្ទះ៤១ខ្នង ដួលរំលំ និងរបើកដំបូល។
យោងតាមរបាយការណ៍ពីស្នងការដ្ឋាននគរបាលខេត្តសៀមរាប ហេតុការណ៍ខាងលើបានកើតឡើងអំឡុងម៉ោងជាង៤រសៀល ដែលប៉ះពាល់ដល់សង្កាត់ និងស្រុកចំនួន៣ក្នុងខេត្តសៀមរាប។ តំបន់ដែលរងឥទ្ធិពលខ្យល់កន្ដ្រាក់ និងរន្ទះនេះ រួមមាន សង្កាត់ទឹកវិល ប៉ះពាល់ដល់ភូមិចំនួន៤ មានភូមិជ្រៃ ភូមិទឹកវិល ភូមិសណ្ដាន់ និងភូមិទឹកថ្លា ដែលរបាយការណ៍មានផ្ទះដែលភាគច្រើនមានទំហំតូចៗចំនួន ៤១ខ្នង ត្រូវបានរំលំ និងរបើកដំបូល។
ចំណែកនៅស្រុកពួកវិញ ក៏មានផ្ទះចំនួន៣៧ខ្នង រងការខូចខាត និងដួលរំលំ ដោយសារខ្យល់កន្ដ្រាក់ ធ្វើឲ្យប៉ះពាល់ដល់ឃុំចំនួន៣ រួមមានឃុំខ្នាត ឃុំពួក និងឃុំសសរស្តម្ភ ។ នេះជាការបញ្ជាក់របស់អធិការស្រុកលោក ទេព ពុំសែន ដែលបានប្រាប់សារព័ត៌មានថ្មីៗថា នេះជាលើកទី៥ហើយដែលស្រុករបស់លោក បានរងឥទ្ធិពលនៃខ្យល់កន្ដ្រាក់ ក្នុងរដូវវស្សាឆ្នាំនេះ។
ដោយឡែកនៅស្រុកប្រាសាទបាគងនោះវិញ រងការខូចខាតតិចជាងគេ ក្នុងនោះផ្ទះប្រជាពលរដ្ឋចំនួន៥ខ្នង ត្រូវបានរាយការណ៍ថាបានរងផលប៉ះពាល់។ យ៉ាងណាគេសង្កេតឃើញថា នៅតាមផ្ទះក្នុងភូមិសាស្ត្រស្រុកនេះ ផ្ទាំងផ្សព្វផ្សាយ និងបដាជាច្រើន ត្រូវបានបំផ្លាញដោយសារឥទ្ធិពលខ្យល់ដ៏ខ្លាំងកាលពីម្សិលមិញនេះ។
គួរបបញ្ជាក់ថា ក្រៅពីផ្ទះសំបែង ខ្យល់កន្ដ្រាក់ម្សិលមិញក៏បានបំផ្លាញនូវរោងម៉ាស៊ីនកិនស្រូវ បង្គោលភ្លើង ខូចខាតម៉ូតូ កង់ ងាប់គោមួយក្បាល រួមទាំងរបួសមនុស្សម្នាក់ផងដែរ៕
យោងតាមរបាយការណ៍ពីស្នងការដ្ឋាននគរបាលខេត្តសៀមរាប ហេតុការណ៍ខាងលើបានកើតឡើងអំឡុងម៉ោងជាង៤រសៀល ដែលប៉ះពាល់ដល់សង្កាត់ និងស្រុកចំនួន៣ក្នុងខេត្តសៀមរាប។ តំបន់ដែលរងឥទ្ធិពលខ្យល់កន្ដ្រាក់ និងរន្ទះនេះ រួមមាន សង្កាត់ទឹកវិល ប៉ះពាល់ដល់ភូមិចំនួន៤ មានភូមិជ្រៃ ភូមិទឹកវិល ភូមិសណ្ដាន់ និងភូមិទឹកថ្លា ដែលរបាយការណ៍មានផ្ទះដែលភាគច្រើនមានទំហំតូចៗចំនួន ៤១ខ្នង ត្រូវបានរំលំ និងរបើកដំបូល។
ចំណែកនៅស្រុកពួកវិញ ក៏មានផ្ទះចំនួន៣៧ខ្នង រងការខូចខាត និងដួលរំលំ ដោយសារខ្យល់កន្ដ្រាក់ ធ្វើឲ្យប៉ះពាល់ដល់ឃុំចំនួន៣ រួមមានឃុំខ្នាត ឃុំពួក និងឃុំសសរស្តម្ភ ។ នេះជាការបញ្ជាក់របស់អធិការស្រុកលោក ទេព ពុំសែន ដែលបានប្រាប់សារព័ត៌មានថ្មីៗថា នេះជាលើកទី៥ហើយដែលស្រុករបស់លោក បានរងឥទ្ធិពលនៃខ្យល់កន្ដ្រាក់ ក្នុងរដូវវស្សាឆ្នាំនេះ។
ដោយឡែកនៅស្រុកប្រាសាទបាគងនោះវិញ រងការខូចខាតតិចជាងគេ ក្នុងនោះផ្ទះប្រជាពលរដ្ឋចំនួន៥ខ្នង ត្រូវបានរាយការណ៍ថាបានរងផលប៉ះពាល់។ យ៉ាងណាគេសង្កេតឃើញថា នៅតាមផ្ទះក្នុងភូមិសាស្ត្រស្រុកនេះ ផ្ទាំងផ្សព្វផ្សាយ និងបដាជាច្រើន ត្រូវបានបំផ្លាញដោយសារឥទ្ធិពលខ្យល់ដ៏ខ្លាំងកាលពីម្សិលមិញនេះ។
គួរបបញ្ជាក់ថា ក្រៅពីផ្ទះសំបែង ខ្យល់កន្ដ្រាក់ម្សិលមិញក៏បានបំផ្លាញនូវរោងម៉ាស៊ីនកិនស្រូវ បង្គោលភ្លើង ខូចខាតម៉ូតូ កង់ ងាប់គោមួយក្បាល រួមទាំងរបួសមនុស្សម្នាក់ផងដែរ៕
Tag:
ខ្យល់កន្ត្រាក់
អាកាសធាតុ
© រក្សាសិទ្ធិដោយ thmeythmey.com
