អន្តរជាតិ
រដ្ឋមន្ត្រីព័ត៌មានម៉ាឡេស៊ីថ្មីសន្យាលុបចោលច្បាប់ប្រឆាំងព័ត៌មានក្លែងក្លាយឲ្យបានឆាប់
រដ្ឋមន្ត្រីក្រសួងព័ត៌មានម៉ាឡេស៊ី Gobind Singh Deo (រូបភាព AFP)
×![]()
រដ្ឋមន្ត្រីទំនាក់ទំនងនិងប្រព័ន្ធផ្សព្វផ្សាយថ្មីរបស់ម៉ាឡេស៊ីលោក Gobind Singh Deo ក្រោយស្បថចូលកាន់តំណែងនៅថ្ងៃចន្ទទី ២១ ខែឧសភា បានប្រកាសថា ច្បាប់ប្រឆាំងព័ត៌មានក្លែងក្លាយដ៏ចម្រូងចម្រាសនោះនឹងត្រូវលុបចោលឆាប់ៗ។ លោកបានបន្ថែមថា ការធានាសេរីភាពសារព័ត៌មានជារឿងអាទិភាពសម្រាប់រដ្ឋាភិបាលថ្មីដែរ។
ច្បាប់ប្រឆាំងព័ត៌មានក្លែងក្លាយដែលត្រូវទើបចូលជាធរមានកាលពីខែមេសាកន្លងទៅនេះនឹងត្រូវនិរាករណ៍នៅពេលឆាប់ៗខាងមុខ។ នេះជាការបញ្ជាក់របស់លោក Gobind Singh Deo ទៅកាន់អ្នកសារព័ត៌មានបន្ទាប់ពីលោកស្បថចូលកាន់តំណែង។
បើតាមការចុះផ្សាយទីភ្នាក់ងារព័ត៌មានរដ្ឋម៉ាឡេស៊ី Bernama រដ្ឋមន្ត្រីព័ត៌មានថ្មីវ័យ ៤៥ ឆ្នាំរូបនេះបានបង្ហើបថា សំណើសុំលុបចោលច្បាប់ដ៏ចម្រូងចម្រាសនេះនឹងត្រូវបញ្ជូនទៅកាន់នាយករដ្ឋមន្ត្រីមហាធៀ មហាម៉ាត់ ហើយការលុបចោលនឹងចាប់ផ្តើមភ្លាមក្រោយនាយករដ្ឋមន្ត្រីឯកភាព។
លោកបាននិយាយដូច្នេះ៖«ខ្ញុំមានបញ្ជីឯកសារពាក់ព័ន្ធដែលយើងត្រូវសិក្សា។ យើងនឹងធ្វើសន្និសីទព័ត៌មាននៅថ្ងៃអង្គារនេះដើម្បីបង្ហាញឲ្យសាធារណជនបានដឹងច្បាស់។ យើងមានច្បាប់ប្រឆាំងព័ត៌មានក្លែងក្លាយ។ ដូចបានបញ្ជាក់ក្នុងគោលនយោបាយបក្ស Pakatan Harapan ដូច្នេះ យើងនឹងនិរាករណ៍ច្បាប់នោះចោល។
លោកបន្ថែមថា កាលបរិច្ឆេទនឹងត្រូវកំណត់ឲ្យច្បាស់ ប៉ុន្តែការសន្យានេះនឹងត្រូវសម្រេចឲ្យបានក្នុងរយៈពេល ១០០ថ្ងៃក្រោយពេលរដ្ឋាភិបាលថ្មីត្រូវបានបង្កើតឡើងជាផ្លូវការ។
តាមពិតទៅច្បាប់ប្រឆាំងព័ត៌មានក្លែងក្លាយជាច្បាប់មួយដែលចម្រូងចម្រាសខ្លាំង និងរងការរិះគន់ខ្លាំងពីក្រុមសកម្មជនសិទ្ធិមនុស្ស និងសហគមន៍អ្នកសារព័ត៌មាន។ ច្បាប់នេះចែងមិនច្បាស់លាស់ ហើយវាក៏មានផលប៉ះពាល់ខ្លាំងដល់សេរីភាពសារព័ត៌មាននិងការបញ្ចេញមតិដែរ។
ដោយឡែក រដ្ឋមន្ត្រីថ្មីខាងលើបានសន្យាផងដែរថា សេរីភាពសារព័ត៌មានដែលកំពុងចុះដុនដាបនៅក្នុងតំបន់ និងក្នុងពិភពលោកទាំងមូលនោះនឹងត្រូវបានស្តារ និងការពារ។ លោកសង្កត់ធ្ងន់ថា ការធានាសេរីភាពនេះជារឿងអាទិភាពសម្រាប់លោកតែម្តង ហើយក្រសួងលោកនឹងចាប់ផ្តើមបង្កើតក្រុមការងារដែលមានអ្នកច្បាប់សិក្សាស្រាវជ្រាវ និងកែលម្អចំណុចចន្លោះប្រហោងក្នុងច្បាប់ ឬលិខិតបទដ្ឋាននានាដែលពាក់ព័ន្ធសេរីភាពប្រព័ន្ធផ្សព្វផ្សាយនៅម៉ាឡេស៊ីផងដែរ៕
ច្បាប់ប្រឆាំងព័ត៌មានក្លែងក្លាយដែលត្រូវទើបចូលជាធរមានកាលពីខែមេសាកន្លងទៅនេះនឹងត្រូវនិរាករណ៍នៅពេលឆាប់ៗខាងមុខ។ នេះជាការបញ្ជាក់របស់លោក Gobind Singh Deo ទៅកាន់អ្នកសារព័ត៌មានបន្ទាប់ពីលោកស្បថចូលកាន់តំណែង។
បើតាមការចុះផ្សាយទីភ្នាក់ងារព័ត៌មានរដ្ឋម៉ាឡេស៊ី Bernama រដ្ឋមន្ត្រីព័ត៌មានថ្មីវ័យ ៤៥ ឆ្នាំរូបនេះបានបង្ហើបថា សំណើសុំលុបចោលច្បាប់ដ៏ចម្រូងចម្រាសនេះនឹងត្រូវបញ្ជូនទៅកាន់នាយករដ្ឋមន្ត្រីមហាធៀ មហាម៉ាត់ ហើយការលុបចោលនឹងចាប់ផ្តើមភ្លាមក្រោយនាយករដ្ឋមន្ត្រីឯកភាព។
លោកបាននិយាយដូច្នេះ៖«ខ្ញុំមានបញ្ជីឯកសារពាក់ព័ន្ធដែលយើងត្រូវសិក្សា។ យើងនឹងធ្វើសន្និសីទព័ត៌មាននៅថ្ងៃអង្គារនេះដើម្បីបង្ហាញឲ្យសាធារណជនបានដឹងច្បាស់។ យើងមានច្បាប់ប្រឆាំងព័ត៌មានក្លែងក្លាយ។ ដូចបានបញ្ជាក់ក្នុងគោលនយោបាយបក្ស Pakatan Harapan ដូច្នេះ យើងនឹងនិរាករណ៍ច្បាប់នោះចោល។
លោកបន្ថែមថា កាលបរិច្ឆេទនឹងត្រូវកំណត់ឲ្យច្បាស់ ប៉ុន្តែការសន្យានេះនឹងត្រូវសម្រេចឲ្យបានក្នុងរយៈពេល ១០០ថ្ងៃក្រោយពេលរដ្ឋាភិបាលថ្មីត្រូវបានបង្កើតឡើងជាផ្លូវការ។
តាមពិតទៅច្បាប់ប្រឆាំងព័ត៌មានក្លែងក្លាយជាច្បាប់មួយដែលចម្រូងចម្រាសខ្លាំង និងរងការរិះគន់ខ្លាំងពីក្រុមសកម្មជនសិទ្ធិមនុស្ស និងសហគមន៍អ្នកសារព័ត៌មាន។ ច្បាប់នេះចែងមិនច្បាស់លាស់ ហើយវាក៏មានផលប៉ះពាល់ខ្លាំងដល់សេរីភាពសារព័ត៌មាននិងការបញ្ចេញមតិដែរ។
ដោយឡែក រដ្ឋមន្ត្រីថ្មីខាងលើបានសន្យាផងដែរថា សេរីភាពសារព័ត៌មានដែលកំពុងចុះដុនដាបនៅក្នុងតំបន់ និងក្នុងពិភពលោកទាំងមូលនោះនឹងត្រូវបានស្តារ និងការពារ។ លោកសង្កត់ធ្ងន់ថា ការធានាសេរីភាពនេះជារឿងអាទិភាពសម្រាប់លោកតែម្តង ហើយក្រសួងលោកនឹងចាប់ផ្តើមបង្កើតក្រុមការងារដែលមានអ្នកច្បាប់សិក្សាស្រាវជ្រាវ និងកែលម្អចំណុចចន្លោះប្រហោងក្នុងច្បាប់ ឬលិខិតបទដ្ឋាននានាដែលពាក់ព័ន្ធសេរីភាពប្រព័ន្ធផ្សព្វផ្សាយនៅម៉ាឡេស៊ីផងដែរ៕
Tag:
ម៉ាឡេស៊ី
Gobind Singh Deo
ច្បាប់ប្រឆាំងព័ត៌មានក្លែងក្លាយ
© រក្សាសិទ្ធិដោយ thmeythmey.com
