ជាតិ
សិល្បះ
រឿងខ្លីកម្ពុជា៦រឿង ត្រូវបានជ្រើសរើសសម្រាប់ SeaShorts Film Festival 2018
× ភ្នំពេញ៖ កម្មវិធី SeaShorts Film Festival 2018 បានជ្រើសរើសភាពយន្តខ្លី៦រឿង ដែលផលិតដោយយុវជនខ្មែរសម្រាប់កម្មវិធីរបស់ខ្លួន ដើម្បីយកទៅចាក់បញ្ចាំងរួមគ្នា ជាមួយរឿងមកប្រទេសក្នុងតំបន់អាស៊ី។ គោលបំណងនៃកម្មវិធីនេះ គឺឆ្លុះបញ្ចាំងយ៉ាងជ្រៅទៅក្នុងការអភិវឌ្ឍវិស័យភាពយន្តនៃប្រទេសនីមួយៗ ។
ភាពយន្តខ្មែរចំនួន៦រឿងថតដោយផលិតករខ្មែរវ័យក្មេង ប្រកបដោយទេពកោសល្យនេះ នឹងត្រូវបញ្ចាំង ចាប់ពីថ្ងៃទី១ដល់៥ ខែសីហាឆ្នាំ២០១៨ នៅប្រទេសម៉ាឡេស៊ី។ ភាពយន្តខ្លីទាំងនោះ នឹងដាក់បញ្ចាំងនៅលើអេក្រង់ធំ ដែលអាចឱ្យមនុស្សទូទាំងពិភពលោក អាចមើលឃើញពីស្នាដៃផលិតករខ្មែរផងដែរ។ ភាពយន្តដែលត្រូវយកមកចាក់បញ្ចាំងជាមួយកម្ពុជារួមមាន ឥណ្ឌូណេស៊ី ឡាវ មីយ៉ាន់ម៉ា ម៉ាឡេស៊ី ហ្វីលីពីន សិង្ហបុរី ថៃ និង វៀតណាម។
ភាពយន្តខ្លីរបស់កម្ពុជាទាំង៦រឿងនោះរួមមាន៖ ១ ខេមា ដោយ ហង្ស សុខារ៉ូ ៖ និយាយពីក្ដីសុបិនដែលចង់បង្ហាញពីភាពស្រស់ស្អាតនៃរបាំប្រពៃណីខ្មែរ។
២ មេត្រពាំង ដោយ ជឺន ជឺហេង ៖ និយាយពីទេពកោសល្យពីធម្មជាតិរបស់ស្ត្រី ដើម្បីស្វែងរកយុត្តិធម៌ក្នុងកាលៈទេសៈដែលមិនមានយុត្តិធម៌។
៣ មេឡានកូលី ដោយ ចាង សៀងហៃ៖ និយាយពីការស្វែងយល់ពីខ្លួនឯង និងការរកឃើញម្ដងទៀតនូវភាពសាមញ្ញនៃការប្រកាន់ពូជសាសន៍។
៤ លុយ ដោយ លីម ហេង៖ និយាយពីការស្វែងរកកំហុសពីការបណ្ដេញចេញ ដោយការសន្មត់បែបវិទ្យាសាស្ត្រ និងទីក្រុងភ្នំពេញនាពេលអនាគត។
៥ ហ្គង់ក្រហម ដោយ គីមាន់ សុផាស័ក៖ បង្ហាញឱ្យឃើញពីញើសឈាមក្នុងចំណោមអ្នកប្រដាល់នៅកម្ពុជា។
៦ វាលស្រែវាលស្រូវ ដោយ គង់ សិវណ្ណស្រីឈូក៖ បង្ហាញពីការរម្លឹកឡើងវិញ នូវរឿងអតីតកាលអំពីស្នេហារបស់យុវជននៅក្នុងសម័យខ្មែរក្រហម។
សូមបញ្ជាក់ថាកម្មវិធី SeaShorts Film Festival បានបង្កើតឡើងកាលពីឆ្នាំមុន ក្នុងគោលបំណងផ្តល់កិត្តិយសដល់ផលិតករភាពយន្តដែលមានស្នាដៃ និងការបង្ហាញពីវប្បធម៌របស់ខ្លួន។ កម្មវិធីនេះឆ្លុះបញ្ចាំងយ៉ាងជ្រៅទៅក្នុងការអភិវឌ្ឍវិស័យភាពយន្តនៃប្រទេសនីមួយៗ ៕
© រក្សាសិទ្ធិដោយ thmeythmey.com