កីឡាអន្តរជាតិ
អន្តរជាតិ
លោក Deschamps បុគ្គលទី៣ដែលឈ្នះ World Cup ទាំងក្នុងនាមគ្រូបង្វឹក និងកីឡាករ
×![]()
ដោយ: ថ្មីៗ
លោក Deschamps បុគ្គលទី៣ដែលឈ្នះ World Cup ទាំងក្នុងនាមគ្រូបង្វឹក និងកីឡាករកាលពីឆ្នាំ១៩៩៨ លោក Didier Deschamps ជាប្រធានក្រុមជម្រើសជាតិបារាំង ដែលបានឈ្នះពាន World Cup ជាលើកដំបូងបំផុត។ ២០ឆ្នាំក្រោយមក លោកបានឈ្នះម្តងទៀត ក្នុងនាមលោកជាគ្រូបង្វឹករបស់ក្រុមមាន់គក។ ជោគជ័យដ៏ធំធេងនេះ នាំឲ្យលោក Deschamps ក្លាយជាបុគ្គលទី៣ដែលឈ្នះពានរង្វាន់កីឡាបាល់ទាត់ពិភពលោកក្នុងពិភពលោក។
នៅក្នុងកំណត់ត្រា លោក Mario Zagallo បច្ចុប្បន្នអាយុ៨៦ឆ្នាំ ជាបុគ្គលដំបូងដែលបានឈ្នះពាន World Cup ជាមួយប្រេស៊ីល ក្នុងនាមជាកីឡាករនៅឆ្នាំ១៩៥៨ និងឆ្នាំ១៩៦២។ ៨ឆ្នាំក្រោយមក ពោលគឺនៅឆ្នាំ១៩៧០ លោកបានលើកពាន World Cup ជាលើកទីបី ក្នុងនាមលោកជាគ្រូបង្វឹករបស់ប្រេស៊ីល។
លោក Mario Zagallo វីរបុរសប្រេស៊ីល។ រូបថត AFP
បន្ទាប់មក លោក Franz Beckenbauer បានក្លាយជាបុគ្គលទីពីរដែលឈ្នះពាន World Cup ទាំងក្នុងតួនាទីជាកីឡាករ និងគ្រូបង្វឹក។ នៅឆ្នាំ១៩៧៤ លោកជាសមាជិកក្រុមដែលជួយឲ្យអាល្លឺម៉ង់ខាងលិចឈ្នះពាន ហើយឈានដល់ឆ្នាំ១៩៩០ លោកបានដឹកនាំបង្វឹកក្រុមជម្រើសជាតិដដែលនេះ ឈ្នះពានម្តងទៀត។
លោក Franz Beckenbauer វីរបុរសអាល្លឺម៉ង់ខាងលិច។ រូបថត AFP
ជោគជ័យរបស់ក្រុមជម្រើសជាតិបារាំងនៅពេលនេះ បានធ្វើឲ្យឈ្មោះរបស់លោក Didier Deschamps ត្រូវបានដាក់បញ្ចូលក្នុងកំណត់ត្រា។ ទោះបីជាយ៉ាងណាក៏ដោយ បុរសវ័យ៤៩ឆ្នាំ ដែលធ្វើជាប្រធានក្រុមជម្រើសជាតិបារាំងកាលពី២០ឆ្នាំមុននោះ លើកឡើងថា៖ «ជ័យជម្នះមិនស្ថិតនៅលើខ្ញុំនោះឡើយ។ ទាំងអស់នេះ គឺកើតឡើងដោយសារកីឡាករទាំងអស់»។
ក្រុមកីឡាករបារាំងអបអរជាមួយលោក Deschamps។ រូបថត FIFA
តាមការផ្សាយរបស់កាសែតបាល់ទាត់បារាំង Football.fr លោក Deschamps បានបញ្ជាក់ពីអនាគតរបស់ខ្លួនថា កិច្ចសន្យារបស់លោកមានរយៈពេលរហូតដល់ឆ្នាំ២០២០ ដូច្នេះលោកមិនចង់និយាយអ្វីពីការចាកចេញរបស់ខ្លួននោះឡើយ។
«ខ្ញុំនឹងមិនធ្វើដូចលោក Aimé Jacquet អតីតគ្រូបង្វឹកជាទីស្រឡាញ់របស់ខ្ញុំនៅឆ្នាំ១៩៩៨នោះឡើយ។ ខ្ញុំនៅមានកិច្ចសន្យាដែលត្រូវបន្ត ដូច្នេះខ្ញុំនឹងបន្តនៅជាមួយក្រុមជម្រើសជាតិបារាំង»។ នេះជាការបញ្ជាក់របស់លោក Deschamps៕
អត្ថបទទាក់ទង
នៅក្នុងកំណត់ត្រា លោក Mario Zagallo បច្ចុប្បន្នអាយុ៨៦ឆ្នាំ ជាបុគ្គលដំបូងដែលបានឈ្នះពាន World Cup ជាមួយប្រេស៊ីល ក្នុងនាមជាកីឡាករនៅឆ្នាំ១៩៥៨ និងឆ្នាំ១៩៦២។ ៨ឆ្នាំក្រោយមក ពោលគឺនៅឆ្នាំ១៩៧០ លោកបានលើកពាន World Cup ជាលើកទីបី ក្នុងនាមលោកជាគ្រូបង្វឹករបស់ប្រេស៊ីល។
លោក Mario Zagallo វីរបុរសប្រេស៊ីល។ រូបថត AFP
បន្ទាប់មក លោក Franz Beckenbauer បានក្លាយជាបុគ្គលទីពីរដែលឈ្នះពាន World Cup ទាំងក្នុងតួនាទីជាកីឡាករ និងគ្រូបង្វឹក។ នៅឆ្នាំ១៩៧៤ លោកជាសមាជិកក្រុមដែលជួយឲ្យអាល្លឺម៉ង់ខាងលិចឈ្នះពាន ហើយឈានដល់ឆ្នាំ១៩៩០ លោកបានដឹកនាំបង្វឹកក្រុមជម្រើសជាតិដដែលនេះ ឈ្នះពានម្តងទៀត។
លោក Franz Beckenbauer វីរបុរសអាល្លឺម៉ង់ខាងលិច។ រូបថត AFP
ជោគជ័យរបស់ក្រុមជម្រើសជាតិបារាំងនៅពេលនេះ បានធ្វើឲ្យឈ្មោះរបស់លោក Didier Deschamps ត្រូវបានដាក់បញ្ចូលក្នុងកំណត់ត្រា។ ទោះបីជាយ៉ាងណាក៏ដោយ បុរសវ័យ៤៩ឆ្នាំ ដែលធ្វើជាប្រធានក្រុមជម្រើសជាតិបារាំងកាលពី២០ឆ្នាំមុននោះ លើកឡើងថា៖ «ជ័យជម្នះមិនស្ថិតនៅលើខ្ញុំនោះឡើយ។ ទាំងអស់នេះ គឺកើតឡើងដោយសារកីឡាករទាំងអស់»។
ក្រុមកីឡាករបារាំងអបអរជាមួយលោក Deschamps។ រូបថត FIFA
តាមការផ្សាយរបស់កាសែតបាល់ទាត់បារាំង Football.fr លោក Deschamps បានបញ្ជាក់ពីអនាគតរបស់ខ្លួនថា កិច្ចសន្យារបស់លោកមានរយៈពេលរហូតដល់ឆ្នាំ២០២០ ដូច្នេះលោកមិនចង់និយាយអ្វីពីការចាកចេញរបស់ខ្លួននោះឡើយ។
«ខ្ញុំនឹងមិនធ្វើដូចលោក Aimé Jacquet អតីតគ្រូបង្វឹកជាទីស្រឡាញ់របស់ខ្ញុំនៅឆ្នាំ១៩៩៨នោះឡើយ។ ខ្ញុំនៅមានកិច្ចសន្យាដែលត្រូវបន្ត ដូច្នេះខ្ញុំនឹងបន្តនៅជាមួយក្រុមជម្រើសជាតិបារាំង»។ នេះជាការបញ្ជាក់របស់លោក Deschamps៕
Tag:
FIFA World Cup
© រក្សាសិទ្ធិដោយ thmeythmey.com
