កីឡាអន្តរជាតិ
អន្តរជាតិ
Man Utd ឡើងឈរលេខ២ ក្នុងនាមក្លិបកីឡាថ្លៃជាងគេលើលោក ខណៈក្លិបបាល់អោបអាមេរិករក្សាលេខ១ដដែល
× Manchester United នៅតែរក្សាតំណែងចំណាត់ថ្នាក់លេខ១ក្នុងនាមក្លិបកីឡាបាល់ទាត់មានតម្លៃថ្លៃជាងគេបំផុតលើលោក បើទោះពួកគេបានត្រឹមចំណាត់ថ្នាក់ទី២នៅ Premier League និងមិនទទួលបានពានអ្វីសោះនៅរដូវកាលចាស់ ២០១៧-២០១៨។ មិនតែប៉ុណ្ណោះ ក្លិបរហស្សនាមបិសាចក្រហមនេះអាចដណ្តើមកៅអីលេខរៀង២ក្នុងតារាងក្លិបកីឡាថ្លៃជាងគេលើលោកពីក្លិបកីឡាប៊េសប៊ល (Baseball) New York Yankees ទៀតផង ដោយតាមពីក្រោយក្លិបកីឡាបាល់អោប Dallas Cowboys របស់អាមេរិកដដែល។
ទស្សនាវដ្តី Forbes បានសិក្សាស្រាវជ្រាវចុងក្រោយបំផុត ដោយបង្ហាញពីតម្លៃកើនឡើងរបស់ក្លិប Man Utd រហូតដល់ ៤១២៣លានដុល្លារអាមេរិកនៅឆ្នាំ២០១៨នេះ។ រីឯក្លិបកីឡាបាល់អោប Dallas Cowboys របស់អាមេរិកបានកើនទៅដល់ ៤៨០០លានដុល្លារ។
ទស្សនាវដ្តីល្បីឈ្មោះលំដាប់ពិភពលោកមួយនេះ ក៏បានបង្ហាញពីតម្លៃក្លិបកីឡាចំនួន៨ផ្សេងទៀត ដែលក្នុងនោះមានក្លិបកីឡាបាល់ទាត់ពីរទៀតរួមមាន Real Madrid និង Barcelona ផងដែរ។
ខាងក្រោមនេះ Forbes នឹងបង្ហាញពីតម្លៃរបស់ក្លិបកីឡាទាំង១០ដែលមានតម្លៃថ្លៃជាងគេលើលោក៖
១. ក្លិបកីឡាបាល់អោប Dallas Cowboys មានតម្លៃ ៤៨០០លានដុល្លារ ដែលមានម្ចាស់ជាអ្នកជំនួញអាមេរិក លោក Jerry Jones។
២. ក្លិបបាល់ទាត់ Manchester United មានតម្លៃ ៤១២៣ពាន់លានដុល្លារ ដែលគ្រួសាររបស់ត្រកូល Glazer ជាអ្នកកាន់កាប់។
៣. ក្លិបបាល់ទាត់ Real Mardrid មានតម្លៃ ៤០០៨លានដុល្លារ កាន់កាន់ដោយម្ចាស់ភាគហ៊ុនច្រើន។
៤. ក្លិបបាល់ទាត់ Barcelona មានតម្លៃ ៤០៦៤លានដុល្លារ កាន់កាន់ដោយម្ចាស់ភាគហ៊ុនច្រើន។
៥. ក្លិបកីឡាប៊េសប៊ល (Baseball) New York Yankees មានតម្លៃ ៤០០០លានដុល្លារ ដែលកាន់កាប់ដោយគ្រួសាររបស់អ្នកជំនួញ Steinbrenner។
៦. ក្លិបបាល់អោប New England Patriots មានតម្លៃ ៣៧០០លានដុល្លារ ដែលមានម្ចាស់ជាអ្នកជំនួញអាមេរិកលោក Robert Kraft
៧. ក្លិបបាល់បោះ New York Knicks នៃក្របខណ្ឌ NBA មានតម្លៃ ៣៥៩០លានដុល្លារ ដែលកាន់កាប់ដោយក្រុមហ៊ុនរបស់អាមេរិក Madison Square Garden Company ដែលមានមូលដ្ឋាននៅទីក្រុងញូវយ៉ក។
៨. ក្លិបបាល់បោះ Los Angeles Lakers នៃក្របខណ្ឌ NBA មានតម្លៃ ៣២៩០លានដុល្លារ ដែលកាន់កាប់ដោយលោក Philip Anschutz អ្នកជំនួញជនជាតិអាមេរិក និងគ្រួសារ Jerry Buss៕
៨. ក្លិបកីឡាបាល់អោប New York Giants មានតម្លៃ ៣២៩០លានដុល្លារ កាន់កាប់ដោយអ្នកជំនួញអាមេរិកពីររូបគឺលោក Steven Tisch និង John Mara។
១០. ក្លិបកីឡាបាល់បោះ Golden State មានតម្លៃ ៣១០០លានដុល្លារ ដែលមានអ្នកជំនួញជនជាតិអាមេរិកលោក Joe Lacobជាម្ចាស់៕
Tag:
បាល់ទាត់
Forbes
Manchester United
© រក្សាសិទ្ធិដោយ thmeythmey.com