ជាតិ
រូបពីវេបសាយរបស់ក្រសួងការបរទេសចិន៖ លោកស្រី Hau Chunying អ្នកនាំពាក្យក្រសួងការបរទេសចិន
×![]()
ភ្នំពេញ៖ កម្ពុជា ជាប្រទេសខ្លាំងមួយ នៅក្នុងក្រសែភ្នែកចិន។ ភាពខ្លាំងរបស់កម្ពុជា ដែលចិនឲ្យតម្លៃខ្ពស់នោះ គឺជំហររឹងមាំប្រឆាំងនឹងការដាក់សម្ពាធពីបរទេស។
«ទោះបីកម្ពុជា ជាប្រទេសតូចក្ដី ប៉ុន្តែកម្ពុជាបានបង្ហាញចិត្តរឹងមាំដូចដែក មានះតទល់ជាមួយសម្ពាធ និងឥទ្ធិពលអំណាចនយោបាយនានាលើខ្លួន» ។ នេះគឺជាការសរសើរពីចិន ចំពោះជំហរកម្ពុជា នៅក្នុងសន្និសីទកាសែតមួយ របស់ក្រសួងការបរទេសចិន កាលពីថ្ងៃទី១៩ កក្កដា ជុំវិញទំនាក់ទំនងរវាងប្រទេសទាំងពីរ រយៈពេល៦០ឆ្នាំមកនេះ។
ក្នុងសារលិខិតផ្ញើមកកម្ពុជា រដ្ឋមន្ត្រីការបរទេសចិន លោក វ៉ាង យី បានបញ្ជាក់ថា ចិនប្រកាន់ជំហររឺងមាំ ឈរជាមួយប្រជាជនកម្ពុជា ក្នុងការគាំទ្ររដ្ឋាភិបាលកម្ពុជា ដែលការពារអធិបតេយ្យ និងផលប្រយោជន៍នៃសិទ្ធិស្របច្បាប់របស់ខ្លួន។ នេះជាការបញ្ជាក់របស់អ្នកនាំពាក្យក្រសួងការបរទេសចិន លោក Hau Chunying ដែលបានស្រង់សំដីរបស់លោក វ៉ាង យី បកស្រាយចំពោះអ្នកកាសែត។
ឆ្លើយសំនួរអ្នកកាសែតជុំវិញទំនាក់ទំនងចិន-កម្ពុជា លោកស្រី Hau Chunying បានបន្ថែមថា ថ្នាក់ដឹកនាំចិនទាំងអស់ ប្ដេជ្ញារក្សាទំនាក់ទំនងនិងធ្វើការរួមគ្នា ជាមួយកម្ពុជាឲ្យកាន់ខ្លាំងក្លា ប្រៀបដូចជាផ្ការីកគ្រប់រដូវ។
កាលពីពេលថ្មីៗនេះ ចិន-កម្ពុជា ទើបតែរៀបចំរម្លឹកខួប៦០ឆ្នាំ នៃទំនាក់ទំនងភាគីទាំងពីរ។ មិនខុសពីចិនឡើយ មេដឹកនាំកម្ពុជា ក៏អះអាងពីការប្ដេជ្ញាចិត្តរក្សាមិត្តភាព និងគាំទ្រដល់គោលនយោបាយចិនតែមួយផងដែរ។ អ្វីដែលកម្ពុជា ពេញចិត្តចំពោះទង្វើរបស់ចិននោះ គឺការមិនលូកដៃចូលកិច្ចការផ្ទៃក្នុងកម្ពុជា ដូចប្រទេសដទៃ ដែលប៉ះពាល់ដល់សិទ្ធិកម្ពុជាឡើយ។
ទំនាក់ទំនងរវាងចិន-កម្ពុជា កំពុងស្អិតល្មួតខ្លាំង តាមទិសដៅគោលនយោបាយការបរទេសរបស់ប្រទេសទាំងពីរ។ ចិនត្រូវការកម្ពុជា ដើម្បីពង្រឹងអំណាចខ្លួនក្នុងតំបន់អាស៊ី ឯកម្ពុជាវិញ ក៏ត្រូវការចិន ដើម្បីជួយដំណើរការអភិវឌ្ឍប្រទេស៕
«ទោះបីកម្ពុជា ជាប្រទេសតូចក្ដី ប៉ុន្តែកម្ពុជាបានបង្ហាញចិត្តរឹងមាំដូចដែក មានះតទល់ជាមួយសម្ពាធ និងឥទ្ធិពលអំណាចនយោបាយនានាលើខ្លួន» ។ នេះគឺជាការសរសើរពីចិន ចំពោះជំហរកម្ពុជា នៅក្នុងសន្និសីទកាសែតមួយ របស់ក្រសួងការបរទេសចិន កាលពីថ្ងៃទី១៩ កក្កដា ជុំវិញទំនាក់ទំនងរវាងប្រទេសទាំងពីរ រយៈពេល៦០ឆ្នាំមកនេះ។
ក្នុងសារលិខិតផ្ញើមកកម្ពុជា រដ្ឋមន្ត្រីការបរទេសចិន លោក វ៉ាង យី បានបញ្ជាក់ថា ចិនប្រកាន់ជំហររឺងមាំ ឈរជាមួយប្រជាជនកម្ពុជា ក្នុងការគាំទ្ររដ្ឋាភិបាលកម្ពុជា ដែលការពារអធិបតេយ្យ និងផលប្រយោជន៍នៃសិទ្ធិស្របច្បាប់របស់ខ្លួន។ នេះជាការបញ្ជាក់របស់អ្នកនាំពាក្យក្រសួងការបរទេសចិន លោក Hau Chunying ដែលបានស្រង់សំដីរបស់លោក វ៉ាង យី បកស្រាយចំពោះអ្នកកាសែត។
ឆ្លើយសំនួរអ្នកកាសែតជុំវិញទំនាក់ទំនងចិន-កម្ពុជា លោកស្រី Hau Chunying បានបន្ថែមថា ថ្នាក់ដឹកនាំចិនទាំងអស់ ប្ដេជ្ញារក្សាទំនាក់ទំនងនិងធ្វើការរួមគ្នា ជាមួយកម្ពុជាឲ្យកាន់ខ្លាំងក្លា ប្រៀបដូចជាផ្ការីកគ្រប់រដូវ។
កាលពីពេលថ្មីៗនេះ ចិន-កម្ពុជា ទើបតែរៀបចំរម្លឹកខួប៦០ឆ្នាំ នៃទំនាក់ទំនងភាគីទាំងពីរ។ មិនខុសពីចិនឡើយ មេដឹកនាំកម្ពុជា ក៏អះអាងពីការប្ដេជ្ញាចិត្តរក្សាមិត្តភាព និងគាំទ្រដល់គោលនយោបាយចិនតែមួយផងដែរ។ អ្វីដែលកម្ពុជា ពេញចិត្តចំពោះទង្វើរបស់ចិននោះ គឺការមិនលូកដៃចូលកិច្ចការផ្ទៃក្នុងកម្ពុជា ដូចប្រទេសដទៃ ដែលប៉ះពាល់ដល់សិទ្ធិកម្ពុជាឡើយ។
ទំនាក់ទំនងរវាងចិន-កម្ពុជា កំពុងស្អិតល្មួតខ្លាំង តាមទិសដៅគោលនយោបាយការបរទេសរបស់ប្រទេសទាំងពីរ។ ចិនត្រូវការកម្ពុជា ដើម្បីពង្រឹងអំណាចខ្លួនក្នុងតំបន់អាស៊ី ឯកម្ពុជាវិញ ក៏ត្រូវការចិន ដើម្បីជួយដំណើរការអភិវឌ្ឍប្រទេស៕
Tag:
វ៉ាង យី
ហ៊ុន សែន
Hau Chunying
ចិន
កម្ពុជា
© រក្សាសិទ្ធិដោយ thmeythmey.com
