តាមការស្ទង់មតិនេះ មាន៩៥ភាគរយ បានឯកភាពថា ប្រព័ន្ធផ្សព្វផ្សាយសំបូរបែបនៅកម្ពុជា នាពេលបច្ចុប្បន្ន គឺជាការចូលរួមលើកម្ពស់សេរីភាពសារព័ត៌មាន។ ជាមួយគ្នានេះ មានអ្នកសារព័ត៌មាន៨១,២ភារយ រកឃើញថា អ្នកសារព័ត៌មាន មានតួនាទីសំខាន់ខ្លាំង ក្នុងការទប់ស្កាត់ព័ត៌មានក្លែងក្លាយ។ ចំណែក ៩២,១ ភាគរយ គាំទ្រឱ្យក្រសួងអនុវត្តតាមនីតិវិធីច្បាប់ លើអ្នកសារព័ត៌មាន ដែលប្រព្រឹត្តខុសក្រមសីលធម៌ និងវិជ្ជាជីវៈសារព័ត៌មាន។ 

 

យ៉ាងណាក៏ដោយ តាមការស្ទង់មតិ អ្នកសារព័ត៌មានជាង៣០០នាក់ខាងលើ មាន៩៩,៤ភាគរយហើយ គាំទ្រឱ្យមានការបណ្ដុះណ្ដាលបន្ថែម ដើម្បីបង្កើនគុណភាពព័ត៌មាននៅកម្ពុជា។

ទន្ទឹមនឹងនេះ ក្រសួងរកឃើញដែរថា ក្នុងចំណោម អ្នកសារព័ត៌មាន៣៤១ មានត្រឹមតែ២ភាគរយប៉ុណ្ណោះ បានរៀនជំនាញវិជ្ជាជីវៈសារព័ត៌មាន នៅមហាវិទ្យាល័យ។ 

 

របាយការណ៍ស្ថានភាពសេរីភាពសារព័ត៌មាននៅកម្ពុជា ដែលក្រសួងបានចេញក្នុងខែមេសា ឆ្នាំ២០២៤នេះ គឺប្រើវិធីជ្រើសរើសអ្នកសារព័ត៌មានដោយចៃដន្យ (Random Sampling) ក្នុងចំណោម២៥រាជធានី-ខេត្ត។ នេះបើតាមរដ្ឋមន្ត្រីក្រសួងព័ត៌មាន ថ្លែងក្នុងសន្និសីទសារព័ត៌មាន ដែលផ្សព្វផ្សាយរបាយការណ៍ខាងលើ។