ជាតិ
បទយកការណ៍ / បទសម្ភាសន៍
×![]()
នៅពេលដែលកូនអ្នកមានទ្រព្យសម្បត្តិអាចទទួលបានសម្ភារៈប្រើប្រាស់ទំនើបៗគ្រប់ប្រភេទ តាមរយៈលើកដៃសុំឪពុកម្តាយរបស់ពួកគេនោះ កូនអ្នកក្រីក្រត្រូវប្រើពេលសន្សំសំចៃរយៈពេលយូរ ដើម្បីទទួលបានសម្ភារៈដែលពួកគេចង់បាន។ ជីវិតបែបនេះហើយដែលកូនអ្នកក្រីក្របានយល់ដឹងអំពីតម្លៃនៃការសន្សំសំចៃ និងការចេះដឹងទុក្ខធុរៈឪពុកម្តាយ។ ខុសពី កូនអ្នកមានមួយចំនួនដែលគ្រាន់តែដឹងថា ឪពុកម្តាយរបស់ពួកគេ គឺជាអ្នកមានទ្រព្យសម្បត្តិ។
កំពុងអង្គុយជុំគ្នានៅកន្លែងលក់ប្រហិតចៀនប្រមាណ៥ទៅ៦នាក់នៅជិតផ្សារទឹកថ្លា យុវជនមួយក្រុមវ័យក្រោម២០ឆ្នាំ ខ្លះមានសម្បុរស្រអែម និងខ្លះទៀតសម្បុរស ពួកគេបាននាំគ្នានិយាយអំពីម៉ាកផលិតផលនានា ដែលទើបនាំចូលមកកាន់ទីផ្សារប្រទេសកម្ពុជា។ តាមរយៈការស្លៀកពាក់ ការតែងខ្លួនរបស់ពួកគេ គេអាចយល់បានថាយុវជនមួយក្រុមនេះ សុទ្ធតែជាកូនអ្នកមានទ្រព្យសម្បត្តិ។ មានសម្បុរស ស្លៀកខោខោប៊យ ពាក់អាវយឺតដៃវែង ប្រើទូរសព្ទ ម៉ាក IPhone5 យុវជន វណ្ណ សំបូរ និយាយថា រាល់ពេលដែលមានផលិតផលទំនើបៗ ទាន់ សម័យ ដែលនាំចូលមកកាន់ប្រទេសកម្ពុជា រូបគេគឺតែងតែទិញយកមកប្រើប្រាស់ មិនថាជាទូរសព្ទ ម៉ូតូនោះទេ។ យុវជនរាងខ្ពស់សង្ហារូបនេះថា រូបគេអាចទិញបានដោយមិនប្រើពេលវេលាយូទេ ព្រោះថាពេលដែលគេចង់បាន គឺគេអាចសុំប្រាក់ពីឪពុក ម្ដាយរបស់គេ ឬក៏អាចសន្សំប្រាក់ដែលម្ដាយឪពុកគេឲ្យចាយប្រចាំថ្ងៃ យកទៅទិញរបស់ទាំងនោះក៏បាន។
យុវជនសង្ហានេះបន្តយ៉ាងដូច្នេះថា៖«រាល់ពេលខ្ញុំសុំប៉ាម៉ាក់ខ្ញុំ ចង់ទិញទូរសព្ទថ្មី ឬចង់ដូរម៉ូតូ គាត់តែងតែឲ្យទិញអោយខ្ញុំ។ ប៉ាម៉ាក់មានលុយ គាត់មិនរិះថាំជាមួយខ្ញុំទេ។ បើពេលណាមិនឲ្យប្រាក់ខ្ញុំ ខ្ញុំក៏អាចសន្សំប្រាក់ទិញបានដែរ ព្រោះគាត់ឲ្យលុយខ្ញុំចាយ១៥ដុល្លារ ឬលើសពីនេះក្នុងមួយថ្ងៃ»។
អង្គុយលើម៉ូតូម៉ាកឌ្រីមសេរ៊ី២០១៥ ដែលទើបទទួលបានថ្មីៗពីឪពុកម្ដាយ យុវជន ថៃ សំណាង និយាយថា នៅពេលដែលគេចង់បានសម្ភារៈថ្មីៗទំនើបទាន់សម័យ គឺគេអាចសុំពីឪពុកម្ដាយរបស់គេបាន។ បើតាមយុវជនរាងធាត់ ទាបបន្ដិច មុខមាត់ជាកូនអ្នកមានធូរធារូបនេះ នៅពេលដែលគេចង់សុំអ្វីមួយពីឪពុកម្តាយ គឺរូបគេ តែងតែធ្វើខ្លួនជាកូនល្អ កាត់បន្ថយពេលវេលាដើរលេងមួយរយៈ និយាយពាក្យផ្អែមល្អែម (និយាយបញ្ជោរ) ជាមួយឪពុកម្ដាយ កុំរឹងរូសជាមួយពួកគាត់ជាដើម។
យុវជនធាត់រូបនេះនិយាយលាយនឹងសំណើចថា៖«ពេលសុំគឺត្រូវនិយាយផ្អែមលួងលោមប៉ាម៉ាក់ទៅបានហើយ។ ហើយនៅមុនពេលមិនទាន់បាន គឺត្រូវធ្វើខ្លួនជាកូនល្អត្រឹមត្រូវមួយរយៈពេលសិន ដើម្បីឲ្យគាត់ទុកចិត្តខ្ញុំ ចាំពេលបានអ្វីដែលខ្ញុំត្រូវការចាំគិតគូរតាមក្រោយទៀត»។
ជាអ្នកប្រើសម្ភារៈនិយម និងក៏ជាកូនអ្នកជំនួញមួយរូប យុវតី ឈិត គីមឡា និយាយថា នៅពេលរូបគេឃើញមិត្តភក្តិ ឬអ្នកដទៃប្រើប្រាស់សម្ភារៈទំនើបទាន់សម័យ គឺយុវតីរូបនេះតែងតែសុំឪពុកម្ដាយទិញដូចគេដែរ។ បើតាមយុវតីសម្បុរស រាងស្ដើង សក់វែងពណ៌ក្រហមព្រឿងៗរូបនេះ រាល់ពេលដែលរូបគេសុំរបស់អ្វីមួយពីឪពុកម្តាយ គេតែងតែទទួលបានសម្ភារៈថ្មីទំនើបនោះ ព្រោះថាឪពុកម្ដាយគីមឡា ស្រលាញ់រូបគេ និងតែងតែបំពេញតាមតម្រូវការជានិច្ច។
យុវតី គីមឡា រៀបរាប់ថា៖«ខ្ញុំសុំទិញអ្វីមួយគាត់មិនដែរជំទាស់ទេ គ្រាន់តែគាត់សួរខ្ញុំថាម៉េច បានជាចង់បានថ្មី ខ្ញុំគ្រាន់តែប្រាប់គាត់ថា សម្ភារៈចាស់ខូច (ទូរសព្ទ ឬម៉ូតូ) ពិបាកប្រើ ប្រើការមិនបាន គាត់ក៏ដូរថ្មីឲ្យខ្ញុំ»។
មិនមែនត្រឹមតែការទិញសម្ភារៈទំនើបទាន់សម័យនោះទេ សូម្បីតែការរស់នៅរបស់ពួកគេ ក៏ សុខស្រួលដែរ។ ពួកគេម្នាក់ៗសុទ្ធតែអះអាងដូចគ្នាថា មិនមានការលំបាកអ្វីនោះទេ ទាំងការបរិភោគឆ្ងាញ់ ការរស់នៅសុខស្រួល និងរាល់តម្រូវការដែលពួកគេចង់បាននោះ។ លើសពីនេះ ពួកគេក៏បានបញ្ជាក់ទៀតថា ការចាយប្រាក់របស់ពួកគេក្នុងមួយខែៗ មិនក្រោម៣០០ដុល្លារនោះទេ។ ការប្រើប្រាស់សម្ភារៈទំនើបៗទាន់សម័យ និងការរស់នៅសុខស្រួលសម្រាប់កូនអ្នកមាន គឺជារឿងសាមញ្ញរបស់ពួកគេ តែសម្រាប់កូនអ្នកក្រវិញការប្រើប្រាស់សម្ភារៈនិយមនេះ គឺជាការលំបាកមួយ ហើយពេលខ្លះក៏មិនអាចទៅរួចដែរ។
ជាកូនអ្នកប្រកបរបររត់ម៉ូតូឌុប ស្លៀកខោក្រណាត់ជើងវែង អាវយឺតដៃខ្លី យុវជន ភិន ដារ៉ូ ជាបុគ្គលិកផ្នែកលក់ក្រុមហ៊ុនឯកជនមួយ និយាយថា រាល់ពេលគេចង់បានសម្ភារៈអ្វីមួយ គឺគេត្រូវការចំណាយពេលយូ ព្រោះត្រូវសន្សំប្រាក់សិន ទើបអាចទិញបាន។ បើតាមយុវជនមុខតូច រាងស្គមរូបនេះ ការសន្សំប្រាក់នោះគឺគេត្រូវចាយត្បិតត្បៀតពីប្រាក់ខែដែលខ្លួនមាន ព្រោះថាឪពុកម្ដាយដារ៉ូ មិនមានលទ្ធភាពទិញសម្ភារៈទំនើបៗបានដូចគេនោះទេ។
យុវជន ភិន ដារ៉ូ រៀបរាប់ថា៖«មានលុយច្រើនពីណាដូចកូនគេអ្នកមាន បើប្រាក់ខែជាង១០០ដុល្លារ ឲ្យឪពុកម្ដាយពាក់កណ្ដាល ទុកចាយខ្លួនឯងខ្លះ ដូចនេះបើចង់ទិញអ្វីមួយត្រូវសន្សំប្រាក់ បើមិនសន្សំមិនមានលុយពីណាទិញបាន»។
«កុំថាឡើយទិញម៉ូតូថ្មី សូម្បីតែទូរសព្ទទំនើបដូចគេក៏មិនអាចទិញមកប្រើបានដែរ»។ នេះជាសម្ដីរបស់យុវជន ចាន់ សំណាង ដែលជានិស្សិតផង និងជាបុគ្គលិកបំរើការងារឯកជនផង។ យុវជនដែលមានមាឌតូចល្អិត សក់រួញរូបនេះ និយាយថា ការទិញសម្ភារៈទំនើប គឺជាការលំបាកមួយសម្រាប់រូបគេ ព្រោះថាគ្រួសារសំណាងមិនមានប្រាក់ធូរធា និងមិនមានអ្នករកចំណូលបានច្រើនដូចគ្រួសារគេនោះទេ។ សំណាងពន្យល់ថា៖«គ្រួសារខ្ញុំរកប្រាក់ចំណូលបានតិចតួច គ្រាន់តែសម្រាប់ចំណាយក្នុងគ្រួសារ។ ហើយប្រាក់ខែខ្ញុំក៏មិនច្រើនដែរ នៅពេលចង់ទិញអ្វីមួយម្ដងៗ គឺតែងតែគិតមុនសិន។ ហើយប្រសិនជាចង់ទិញនោះ គឺត្រូវអត់ប្រាក់ចាយ២ទៅ៣ខែ»។
សម្រាប់យុវតី ឃិន សុភី បើទោះជាមិនមានលទ្ធភាព អាចទិញសម្ភារៈទំនើបប្រើប្រាស់ បានដូចគេអ្នកមានក៏ដោយ ក៏សុភីមិនដែលចេះជ្រួលជ្រើមចង់បានដូចគេនោះដែរ។ បើតាមយុវតីសម្បុរស្រអែមរូបនេះ បើមានប្រាក់ទិញសម្ភារៈទំនើបក៏សុភីមិនហ៊ានទិញដែរ ដោយសារវាមានតំលៃថ្លៃ។ តែអ្វីដែលរូបគេចង់បាននោះ គឺការរស់នៅប្រកបដោយសេចក្ដីសុខនៅក្នុងគ្រួសារ។ យុវតីសុភីនិយាយថា៖« ធ្វើយ៉ាងម៉េចបើយើងមិនមានប្រាក់ដូចគេ តែបើមានប្រាក់ក៏ខ្ញុំមិនទិញដែរ ព្រោះថ្លៃពេក និយាយឲ្យត្រង់គឺខ្ញុំចង់បានសម្ភារៈទំនើបដែរ ប៉ុន្ដែពេលទិញមានអារម្មណ៏ថាស្ដាយលុយ»។
សម្រាប់ការរស់នៅរបស់កូនអ្នកក្រីក្រទាំងនេះ ពួកគេនិយាយដូចៗគ្នាថា ការរស់នៅរបស់ពួកគេត្រូវសម្លឹងទៅមុខជានិច្ច ពោលគឺបានន័យថា រស់នៅដោយខិតខំប្រឹងប្រែងជួយរកចំណូលជាមួយឪពុកនិងម្ដាយ ដើម្បីជួយទ្រទ្រង់គ្រួសារ។
ជាការពិតណាស់ ធម្មតាគ្រួសារអ្នកមានទ្រព្យសម្បត្តិ តែងតែផ្គត់ផ្គង់ និងផ្ដល់គ្រប់យ៉ាងតាមតម្រូវ ដល់កូនៗរបស់ពួកគេ។ ហើយការផ្គត់ផ្គង់នោះគឺគេមិនប្រើពេលវេលាយូនិងមិនចំណាយពេលពិបាកដូចអ្នកគ្មានទ្រព្យនោះទេ។ ប៉ុន្ដែមិនមែនមានន័យថាគ្រួសារអ្នកមិនសូវមានទ្រព្យសម្បត្តិ មិនអាចផ្ដល់ការផ្គត់ផ្គង់ដល់កួនៗរបស់ពួកគេទេ។ ពួកគេក៏អាចផ្ដល់បានដូចគ្នាដែរ តែគ្រាន់ការផ្គត់ផ្គង់នោះ គឺធ្វើតាមលទ្ធភាពរបស់ពួកគេ។ ហើយការសប្បាយ ក៏មានទ្រង់ទ្រាយ ផ្សេងគ្នាដែរ៕
កំពុងអង្គុយជុំគ្នានៅកន្លែងលក់ប្រហិតចៀនប្រមាណ៥ទៅ៦នាក់នៅជិតផ្សារទឹកថ្លា យុវជនមួយក្រុមវ័យក្រោម២០ឆ្នាំ ខ្លះមានសម្បុរស្រអែម និងខ្លះទៀតសម្បុរស ពួកគេបាននាំគ្នានិយាយអំពីម៉ាកផលិតផលនានា ដែលទើបនាំចូលមកកាន់ទីផ្សារប្រទេសកម្ពុជា។ តាមរយៈការស្លៀកពាក់ ការតែងខ្លួនរបស់ពួកគេ គេអាចយល់បានថាយុវជនមួយក្រុមនេះ សុទ្ធតែជាកូនអ្នកមានទ្រព្យសម្បត្តិ។ មានសម្បុរស ស្លៀកខោខោប៊យ ពាក់អាវយឺតដៃវែង ប្រើទូរសព្ទ ម៉ាក IPhone5 យុវជន វណ្ណ សំបូរ និយាយថា រាល់ពេលដែលមានផលិតផលទំនើបៗ ទាន់ សម័យ ដែលនាំចូលមកកាន់ប្រទេសកម្ពុជា រូបគេគឺតែងតែទិញយកមកប្រើប្រាស់ មិនថាជាទូរសព្ទ ម៉ូតូនោះទេ។ យុវជនរាងខ្ពស់សង្ហារូបនេះថា រូបគេអាចទិញបានដោយមិនប្រើពេលវេលាយូទេ ព្រោះថាពេលដែលគេចង់បាន គឺគេអាចសុំប្រាក់ពីឪពុក ម្ដាយរបស់គេ ឬក៏អាចសន្សំប្រាក់ដែលម្ដាយឪពុកគេឲ្យចាយប្រចាំថ្ងៃ យកទៅទិញរបស់ទាំងនោះក៏បាន។
យុវជនសង្ហានេះបន្តយ៉ាងដូច្នេះថា៖«រាល់ពេលខ្ញុំសុំប៉ាម៉ាក់ខ្ញុំ ចង់ទិញទូរសព្ទថ្មី ឬចង់ដូរម៉ូតូ គាត់តែងតែឲ្យទិញអោយខ្ញុំ។ ប៉ាម៉ាក់មានលុយ គាត់មិនរិះថាំជាមួយខ្ញុំទេ។ បើពេលណាមិនឲ្យប្រាក់ខ្ញុំ ខ្ញុំក៏អាចសន្សំប្រាក់ទិញបានដែរ ព្រោះគាត់ឲ្យលុយខ្ញុំចាយ១៥ដុល្លារ ឬលើសពីនេះក្នុងមួយថ្ងៃ»។
អង្គុយលើម៉ូតូម៉ាកឌ្រីមសេរ៊ី២០១៥ ដែលទើបទទួលបានថ្មីៗពីឪពុកម្ដាយ យុវជន ថៃ សំណាង និយាយថា នៅពេលដែលគេចង់បានសម្ភារៈថ្មីៗទំនើបទាន់សម័យ គឺគេអាចសុំពីឪពុកម្ដាយរបស់គេបាន។ បើតាមយុវជនរាងធាត់ ទាបបន្ដិច មុខមាត់ជាកូនអ្នកមានធូរធារូបនេះ នៅពេលដែលគេចង់សុំអ្វីមួយពីឪពុកម្តាយ គឺរូបគេ តែងតែធ្វើខ្លួនជាកូនល្អ កាត់បន្ថយពេលវេលាដើរលេងមួយរយៈ និយាយពាក្យផ្អែមល្អែម (និយាយបញ្ជោរ) ជាមួយឪពុកម្ដាយ កុំរឹងរូសជាមួយពួកគាត់ជាដើម។
យុវជនធាត់រូបនេះនិយាយលាយនឹងសំណើចថា៖«ពេលសុំគឺត្រូវនិយាយផ្អែមលួងលោមប៉ាម៉ាក់ទៅបានហើយ។ ហើយនៅមុនពេលមិនទាន់បាន គឺត្រូវធ្វើខ្លួនជាកូនល្អត្រឹមត្រូវមួយរយៈពេលសិន ដើម្បីឲ្យគាត់ទុកចិត្តខ្ញុំ ចាំពេលបានអ្វីដែលខ្ញុំត្រូវការចាំគិតគូរតាមក្រោយទៀត»។
ជាអ្នកប្រើសម្ភារៈនិយម និងក៏ជាកូនអ្នកជំនួញមួយរូប យុវតី ឈិត គីមឡា និយាយថា នៅពេលរូបគេឃើញមិត្តភក្តិ ឬអ្នកដទៃប្រើប្រាស់សម្ភារៈទំនើបទាន់សម័យ គឺយុវតីរូបនេះតែងតែសុំឪពុកម្ដាយទិញដូចគេដែរ។ បើតាមយុវតីសម្បុរស រាងស្ដើង សក់វែងពណ៌ក្រហមព្រឿងៗរូបនេះ រាល់ពេលដែលរូបគេសុំរបស់អ្វីមួយពីឪពុកម្តាយ គេតែងតែទទួលបានសម្ភារៈថ្មីទំនើបនោះ ព្រោះថាឪពុកម្ដាយគីមឡា ស្រលាញ់រូបគេ និងតែងតែបំពេញតាមតម្រូវការជានិច្ច។
យុវតី គីមឡា រៀបរាប់ថា៖«ខ្ញុំសុំទិញអ្វីមួយគាត់មិនដែរជំទាស់ទេ គ្រាន់តែគាត់សួរខ្ញុំថាម៉េច បានជាចង់បានថ្មី ខ្ញុំគ្រាន់តែប្រាប់គាត់ថា សម្ភារៈចាស់ខូច (ទូរសព្ទ ឬម៉ូតូ) ពិបាកប្រើ ប្រើការមិនបាន គាត់ក៏ដូរថ្មីឲ្យខ្ញុំ»។
មិនមែនត្រឹមតែការទិញសម្ភារៈទំនើបទាន់សម័យនោះទេ សូម្បីតែការរស់នៅរបស់ពួកគេ ក៏ សុខស្រួលដែរ។ ពួកគេម្នាក់ៗសុទ្ធតែអះអាងដូចគ្នាថា មិនមានការលំបាកអ្វីនោះទេ ទាំងការបរិភោគឆ្ងាញ់ ការរស់នៅសុខស្រួល និងរាល់តម្រូវការដែលពួកគេចង់បាននោះ។ លើសពីនេះ ពួកគេក៏បានបញ្ជាក់ទៀតថា ការចាយប្រាក់របស់ពួកគេក្នុងមួយខែៗ មិនក្រោម៣០០ដុល្លារនោះទេ។ ការប្រើប្រាស់សម្ភារៈទំនើបៗទាន់សម័យ និងការរស់នៅសុខស្រួលសម្រាប់កូនអ្នកមាន គឺជារឿងសាមញ្ញរបស់ពួកគេ តែសម្រាប់កូនអ្នកក្រវិញការប្រើប្រាស់សម្ភារៈនិយមនេះ គឺជាការលំបាកមួយ ហើយពេលខ្លះក៏មិនអាចទៅរួចដែរ។
ជាកូនអ្នកប្រកបរបររត់ម៉ូតូឌុប ស្លៀកខោក្រណាត់ជើងវែង អាវយឺតដៃខ្លី យុវជន ភិន ដារ៉ូ ជាបុគ្គលិកផ្នែកលក់ក្រុមហ៊ុនឯកជនមួយ និយាយថា រាល់ពេលគេចង់បានសម្ភារៈអ្វីមួយ គឺគេត្រូវការចំណាយពេលយូ ព្រោះត្រូវសន្សំប្រាក់សិន ទើបអាចទិញបាន។ បើតាមយុវជនមុខតូច រាងស្គមរូបនេះ ការសន្សំប្រាក់នោះគឺគេត្រូវចាយត្បិតត្បៀតពីប្រាក់ខែដែលខ្លួនមាន ព្រោះថាឪពុកម្ដាយដារ៉ូ មិនមានលទ្ធភាពទិញសម្ភារៈទំនើបៗបានដូចគេនោះទេ។
យុវជន ភិន ដារ៉ូ រៀបរាប់ថា៖«មានលុយច្រើនពីណាដូចកូនគេអ្នកមាន បើប្រាក់ខែជាង១០០ដុល្លារ ឲ្យឪពុកម្ដាយពាក់កណ្ដាល ទុកចាយខ្លួនឯងខ្លះ ដូចនេះបើចង់ទិញអ្វីមួយត្រូវសន្សំប្រាក់ បើមិនសន្សំមិនមានលុយពីណាទិញបាន»។
«កុំថាឡើយទិញម៉ូតូថ្មី សូម្បីតែទូរសព្ទទំនើបដូចគេក៏មិនអាចទិញមកប្រើបានដែរ»។ នេះជាសម្ដីរបស់យុវជន ចាន់ សំណាង ដែលជានិស្សិតផង និងជាបុគ្គលិកបំរើការងារឯកជនផង។ យុវជនដែលមានមាឌតូចល្អិត សក់រួញរូបនេះ និយាយថា ការទិញសម្ភារៈទំនើប គឺជាការលំបាកមួយសម្រាប់រូបគេ ព្រោះថាគ្រួសារសំណាងមិនមានប្រាក់ធូរធា និងមិនមានអ្នករកចំណូលបានច្រើនដូចគ្រួសារគេនោះទេ។ សំណាងពន្យល់ថា៖«គ្រួសារខ្ញុំរកប្រាក់ចំណូលបានតិចតួច គ្រាន់តែសម្រាប់ចំណាយក្នុងគ្រួសារ។ ហើយប្រាក់ខែខ្ញុំក៏មិនច្រើនដែរ នៅពេលចង់ទិញអ្វីមួយម្ដងៗ គឺតែងតែគិតមុនសិន។ ហើយប្រសិនជាចង់ទិញនោះ គឺត្រូវអត់ប្រាក់ចាយ២ទៅ៣ខែ»។
សម្រាប់យុវតី ឃិន សុភី បើទោះជាមិនមានលទ្ធភាព អាចទិញសម្ភារៈទំនើបប្រើប្រាស់ បានដូចគេអ្នកមានក៏ដោយ ក៏សុភីមិនដែលចេះជ្រួលជ្រើមចង់បានដូចគេនោះដែរ។ បើតាមយុវតីសម្បុរស្រអែមរូបនេះ បើមានប្រាក់ទិញសម្ភារៈទំនើបក៏សុភីមិនហ៊ានទិញដែរ ដោយសារវាមានតំលៃថ្លៃ។ តែអ្វីដែលរូបគេចង់បាននោះ គឺការរស់នៅប្រកបដោយសេចក្ដីសុខនៅក្នុងគ្រួសារ។ យុវតីសុភីនិយាយថា៖« ធ្វើយ៉ាងម៉េចបើយើងមិនមានប្រាក់ដូចគេ តែបើមានប្រាក់ក៏ខ្ញុំមិនទិញដែរ ព្រោះថ្លៃពេក និយាយឲ្យត្រង់គឺខ្ញុំចង់បានសម្ភារៈទំនើបដែរ ប៉ុន្ដែពេលទិញមានអារម្មណ៏ថាស្ដាយលុយ»។
សម្រាប់ការរស់នៅរបស់កូនអ្នកក្រីក្រទាំងនេះ ពួកគេនិយាយដូចៗគ្នាថា ការរស់នៅរបស់ពួកគេត្រូវសម្លឹងទៅមុខជានិច្ច ពោលគឺបានន័យថា រស់នៅដោយខិតខំប្រឹងប្រែងជួយរកចំណូលជាមួយឪពុកនិងម្ដាយ ដើម្បីជួយទ្រទ្រង់គ្រួសារ។
ជាការពិតណាស់ ធម្មតាគ្រួសារអ្នកមានទ្រព្យសម្បត្តិ តែងតែផ្គត់ផ្គង់ និងផ្ដល់គ្រប់យ៉ាងតាមតម្រូវ ដល់កូនៗរបស់ពួកគេ។ ហើយការផ្គត់ផ្គង់នោះគឺគេមិនប្រើពេលវេលាយូនិងមិនចំណាយពេលពិបាកដូចអ្នកគ្មានទ្រព្យនោះទេ។ ប៉ុន្ដែមិនមែនមានន័យថាគ្រួសារអ្នកមិនសូវមានទ្រព្យសម្បត្តិ មិនអាចផ្ដល់ការផ្គត់ផ្គង់ដល់កួនៗរបស់ពួកគេទេ។ ពួកគេក៏អាចផ្ដល់បានដូចគ្នាដែរ តែគ្រាន់ការផ្គត់ផ្គង់នោះ គឺធ្វើតាមលទ្ធភាពរបស់ពួកគេ។ ហើយការសប្បាយ ក៏មានទ្រង់ទ្រាយ ផ្សេងគ្នាដែរ៕
© រក្សាសិទ្ធិដោយ thmeythmey.com
