សង្គមអន្តរជាតិ
អន្តរជាតិ
បុរសអាយុវែងជាងគេលើលោក ធ្លាប់ឆ្លងកាត់ព្រឹត្តិការណ៍ប្រវត្តិសាស្ត្រធំៗ ១៥ លើក
×![]()
បុរសជនជាតិជប៉ុន លោក SakariMomoi ដែលត្រូវបានគេទទួលស្គាល់ថា ជាមនុស្សប្រុសដែលមានអាយុវែងជាងគេបំផុត ក្នុងពិភពលោក ហើយកាលពីថ្ងៃទី៥ ខែកុម្ភៈ កន្លងទៅនេះ លោកបានប្រារព្ធបុណ្យខូបកំណើតគម្រប់ ១១២ ឆ្នាំរបស់គាត់។
យោងតាមកាសែត telegraphលោក Sakari បានកើតនៅថ្ងៃទី៥ ខែកុម្ភៈ ឆ្នាំ១៩០៣ គឺក្នុងឆ្នាំដែលបងប្អូនប្រុសត្រកូល Wright បានផលិតយន្តហោះដែលអាចហោះហើរបានជាលើកដំបូង នៅលើពិភពលោក។ លោក Sakari គឺជាអតីតគ្រូបង្រៀនម្នាក់ នៅក្នុងខេត្តហ្វូគូស៊ីម៉ា ហើយត្រូវបានជាប់ក្នុងសៀវភៅកំណត់ត្រាពិភពលោក ជាបុរសដែលមានអាយុវែងជាងគេបំផុតក្នុងពិភពលោក បន្ទាប់ពីបុរសជនជាតិជាតិអាមេរិក លោក Alexander Imich បានស្លាប់ កាលពីខែមិថុនា ឆ្នាំ២០១៤ ក្នុងវ័យ ១១១ ឆ្នាំ និង ១២៤ ថ្ងៃ។
លោកMomoiបានរៀបការនិងមានកូនប្រាំនាក់ហើយឥឡូវនេះរស់នៅក្នុងមន្ទីរពេទ្យមួយ ក្នុងទីក្រុងតូក្យូនិងហើយលោកត្រូវបានគេរាយការណ៍ថា ចូលចិត្តអានកំណាព្យចិនជាខ្លាំង។
សូមបញ្ជាក់ថា គាត់មានអាយុ៤២ឆ្នាំនៅពេលដែលសង្គ្រាមលោកលើកទីពីរបានបញ្ចប់និងអាយុ៦៦ឆ្នាំនៅពេលដែលអវកាសយានិក លោក Neil Armstrong បានដើរលើភពព្រះចន្ទមុនគេបង្អស់។
ខាងក្រោមនេះគឺជាព្រឹត្តិការណ៍សំខាន់ៗ ក្នុងប្រវត្តិសាស្ត្រពិភពលោក ដែលលោក Momoi បានឆ្លងកាត់ ក្នុងរយៈពេល ១១២ ឆ្នាំមកនេះ ៖
ឆ្នាំ ១៩១២ លិចនាវាទីតានិច
ឆ្នាំ ១៩១៤-១៩១៨ សង្គ្រាមលោកលើកទី១
ឆ្នាំ ១៩២៩ វិបត្តិសេដ្ឋកិច្ចពិភពលោក ដែលធ្វើឲ្យរលំផ្សារហ៊ុនអាមេរិក Wall Street
ឆ្នាំ ១៩៣៦ ការដាក់រាជ្យរបស់ស្ដេចអង់គ្លេសEdward VIII
ឆ្នាំ ១០៣៩-១៩៤៥ សង្គ្រាមលោកលើកទី២
ឆ្នាំ ១៩៤៥ ការទម្លាក់គ្រាប់បែកបរមាណូនៅទីក្រុងហ៊ីរ៉ូស៊ីម៉ានិងណាហ្គាសាគី
ឆ្នាំ ១៩៥៣ លោក Everest ឡើងដល់កំពូលភ្នំខ្ពស់បំផុតក្នុងលោកមុនគេបង្អស់
ឆ្នាំ ១៩៦៧ អ្នកវិទ្យាសាស្ត្រអាចប្តូរបេះដូងមនុស្សជាលើកដំបូង
ឆ្នាំ ១៩៦៩ លោក Neil Armstrongក្លាយជាមនុស្សដំបូងដែលបានដើរលើភពព្រះចន្ទ
ឆ្នាំ ១៩៧៣ ទូរសព្ទចល័តត្រូវបានគេហៅចេញជាលើកដំបូង
ឆ្នាំ ១៩៧៧ មរណភាពរបស់ស្ដេចចម្រៀងរ៉ុកអែនរ៉ូលអាមេរិក លោក Elvis Presley
ឆ្នាំ ១៩៨៩ ការដួលរលំនៃជញ្ជាំងប៊ែកឡាំង
ឆ្នាំ ១៩៤៧-១៩៩១ សង្គ្រាមត្រជាក់
ឆ្នាំ ១៩៩៩ ចាប់ផ្ដើមបង្កើតតំបន់ចាយប្រាក់អឺរ៉ូតែមួយ
ឆ្នាំ ២០០១ ការវាយប្រហារភេវរកម្មអគារភ្លោះក្នុងទីក្រុងញូវយ៉ក៕
© រក្សាសិទ្ធិដោយ thmeythmey.com
