ជាតិ
តំណាងរាស្ត្របក្សប្រឆាំងស្នើពន្ធដារបន្តត្រួតពិនិត្យយានយន្តខ.ម ន.ប និងរដ្ឋ
លោក អ៊ុំ សំអាន តំណាងរាស្ត្របក្សសង្គ្រោះជាតិប្រចាំខេត្តសៀមរាប
×![]()
ដោយ: ខន ចំប៉ា
តំណាងរាស្ត្ររបស់គណបក្សសង្គ្រោះជាតិ មណ្ឌលសៀមរាប លោក អ៊ុំ សំអាន បានសរសេរលិខិតមួយទៅកាន់ អគ្គនាយកដ្ឋានពន្ធដារ ដោយស្នើឲ្យស្ថាប័នមួយនេះ បន្តឃាត់យានយន្តដែលពាក់ស្លាកលេខខេមរភូមិន្ទ(ខ.ម) នគរបាល(ន.ប) និងរដ្ឋ ដើម្បីពិនិត្យប្រមូលពន្ធចូលថវិកាជាតិ។ 
លិខិតចុះថ្ងៃទី ១៣កុម្ភៈ ដែលចុះហត្ថលេខាដោយ សមាជិកគណៈកម្មការទី៦នៃរដ្ឋសភាខាងលើ បានសរសរថា រថយន្តដែលពាក់ស្លាកលេខខេមរភូមិន្ទ នគរបាល និងរដ្ឋមានចំនួនច្រើន ហើយភាគច្រើនជាកម្មសិទ្ធិឯកជន មិនមែនជារបស់រដ្ឋ ឬអង្គភាពណាមួយឡើយ។
លិខិតដដែលបន្តថា រថយន្តទំនើបៗពាក់ស្លាកលេខ ខេមរភូមិន្ទ នគរបាល និងរដ្ឋ មួយចំនួនគេចវេស មិនបង់ពន្ធនាំចូល មិនបង់ពន្ធលើមធ្យោបាយដឹកជញ្ជូន ដែលនាំឲ្យរដ្ឋខាតថវិកាអស់ជាច្រើនក្នុងមួយឆ្នាំៗ ។
«រថយន្តពាក់ស្លាកលេខខេមរភូមិន្ទ និងនគរបាលខ្លះ ត្រូវបានគេយកទៅប្រើជាមធ្យោបាយប្រព្រឹត្តបទល្មើស ដូចជាដឹកឈើប្រណិតខុសច្បាប់ជាដើម និងខ្លះទៀតមិនគោរពច្បាប់ចរាចរណ៍ បង្កគ្រោះថ្នាក់ដល់អ្នកដទៃ ហើយប្រើអំណាចលើជនរងគ្រោះថែមទៀត» ។ នេះបើតាមខ្លឹមសារនៃលិខិតដដែលនោះ។
សូមរំលឹកថាកាលពីថ្ងៃទី ៦ខែកុម្ភៈកន្លងទៅ លោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានសរសេរលិខិតមួយផ្ញើទៅកាន់ អគ្គនាយកដ្ឋានពន្ធដារដែរ ដោយបានស្នើសុំឲ្យកម្លាំងចម្រុះរបស់អគ្គនាយកដ្ឋានពន្ធដារ ដែលមានភារកិច្ចចុះត្រួតពិនិត្យការប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ២០១៤ផ្អាកការត្រួតពិនិត្យ និងផ្អាកការឃាត់ទុកយានយន្តដែលពាក់ស្លាកលេខខេមរភូមិន្ទ (ខ.ម) ជាបណ្តោះអាសន្នក្នុងរយៈពេលខ្លី។
លិខិតដដែល បន្តថាក្នុងរយៈពេលផ្អាកយានយន្តដែលពាក់ស្លាកលេខ ខ.មនេះ សាមីក្រសួងទាំង២ នឹងសហការសម្របសម្រួលគ្នា ដើម្បីអនុញាតឲ្យបានសមស្របទៅតាមច្បាប់ដែលបានកំណត់។
កន្លងទៅនេះ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានប្រកាសថា ចាប់ពីថ្ងៃទី១មករាឆ្នាំ២០១៥ ខ្លួននឹងចុះពិនិត្យ និងផាកពិន័យចំពោះម្ចាស់យានយន្ត និងមធ្យោបាយធ្វើដំណើរទាំងអស់ដែលមិនបានបង់ពន្ធនៅឆ្នាំ២០១៤កន្លងមក។ រដ្ឋបាលសារពើពន្ធនឹងពិន័យទ្វេរដងដល់ម្ចាស់យានជំនិះដែលមិនទាន់បង់ពន្ធលើមធ្យោបាយធ្វើដំណើរសម្រាប់ឆ្នាំ២០១៤ ។ អគ្គនាយកដ្ឋានពន្ធដារបានបន្ថែមថា ខ្លួននឹងសហការជាមួយសមត្ថកិច្ចចម្រុះក្នុងការចុះត្រួតពិនិត្យ និងផាកពិន័យចំពោះយាន្តយន្ត ដែលគ្មានប័ណ្ណបង់ពន្ធផ្លូវ ដើម្បីប្រមូលចូលថវិកាជាតិ៕
លិខិតចុះថ្ងៃទី ១៣កុម្ភៈ ដែលចុះហត្ថលេខាដោយ សមាជិកគណៈកម្មការទី៦នៃរដ្ឋសភាខាងលើ បានសរសរថា រថយន្តដែលពាក់ស្លាកលេខខេមរភូមិន្ទ នគរបាល និងរដ្ឋមានចំនួនច្រើន ហើយភាគច្រើនជាកម្មសិទ្ធិឯកជន មិនមែនជារបស់រដ្ឋ ឬអង្គភាពណាមួយឡើយ។
លិខិតដដែលបន្តថា រថយន្តទំនើបៗពាក់ស្លាកលេខ ខេមរភូមិន្ទ នគរបាល និងរដ្ឋ មួយចំនួនគេចវេស មិនបង់ពន្ធនាំចូល មិនបង់ពន្ធលើមធ្យោបាយដឹកជញ្ជូន ដែលនាំឲ្យរដ្ឋខាតថវិកាអស់ជាច្រើនក្នុងមួយឆ្នាំៗ ។
«រថយន្តពាក់ស្លាកលេខខេមរភូមិន្ទ និងនគរបាលខ្លះ ត្រូវបានគេយកទៅប្រើជាមធ្យោបាយប្រព្រឹត្តបទល្មើស ដូចជាដឹកឈើប្រណិតខុសច្បាប់ជាដើម និងខ្លះទៀតមិនគោរពច្បាប់ចរាចរណ៍ បង្កគ្រោះថ្នាក់ដល់អ្នកដទៃ ហើយប្រើអំណាចលើជនរងគ្រោះថែមទៀត» ។ នេះបើតាមខ្លឹមសារនៃលិខិតដដែលនោះ។
សូមរំលឹកថាកាលពីថ្ងៃទី ៦ខែកុម្ភៈកន្លងទៅ លោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានសរសេរលិខិតមួយផ្ញើទៅកាន់ អគ្គនាយកដ្ឋានពន្ធដារដែរ ដោយបានស្នើសុំឲ្យកម្លាំងចម្រុះរបស់អគ្គនាយកដ្ឋានពន្ធដារ ដែលមានភារកិច្ចចុះត្រួតពិនិត្យការប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ២០១៤ផ្អាកការត្រួតពិនិត្យ និងផ្អាកការឃាត់ទុកយានយន្តដែលពាក់ស្លាកលេខខេមរភូមិន្ទ (ខ.ម) ជាបណ្តោះអាសន្នក្នុងរយៈពេលខ្លី។
លិខិតដដែល បន្តថាក្នុងរយៈពេលផ្អាកយានយន្តដែលពាក់ស្លាកលេខ ខ.មនេះ សាមីក្រសួងទាំង២ នឹងសហការសម្របសម្រួលគ្នា ដើម្បីអនុញាតឲ្យបានសមស្របទៅតាមច្បាប់ដែលបានកំណត់។
កន្លងទៅនេះ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានប្រកាសថា ចាប់ពីថ្ងៃទី១មករាឆ្នាំ២០១៥ ខ្លួននឹងចុះពិនិត្យ និងផាកពិន័យចំពោះម្ចាស់យានយន្ត និងមធ្យោបាយធ្វើដំណើរទាំងអស់ដែលមិនបានបង់ពន្ធនៅឆ្នាំ២០១៤កន្លងមក។ រដ្ឋបាលសារពើពន្ធនឹងពិន័យទ្វេរដងដល់ម្ចាស់យានជំនិះដែលមិនទាន់បង់ពន្ធលើមធ្យោបាយធ្វើដំណើរសម្រាប់ឆ្នាំ២០១៤ ។ អគ្គនាយកដ្ឋានពន្ធដារបានបន្ថែមថា ខ្លួននឹងសហការជាមួយសមត្ថកិច្ចចម្រុះក្នុងការចុះត្រួតពិនិត្យ និងផាកពិន័យចំពោះយាន្តយន្ត ដែលគ្មានប័ណ្ណបង់ពន្ធផ្លូវ ដើម្បីប្រមូលចូលថវិកាជាតិ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
