សង្គមអន្តរជាតិ
អន្តរជាតិ
×![]()
មនុស្សយ៉ាងហោចណាស់ ៤០នាក់បានស្លាប់បាត់បង់ជីវិតនៅក្នុងករណីវាយប្រហារអត្តឃាតមួយដែលរៀបចំឡើងដោយក្រុមភេរវជនរដ្ឋឥស្លាមនៅតំបន់ភាគខាងកើតប្រទេសលីប៊ី។ ការវាយប្រហាររបស់ក្រុមរដ្ឋឥស្លាមសម្លាប់មនុស្សអស់ច្រើនសន្ធឹកនេះ ទំនងជាការសងសឹកការវាយប្រហារដោយយន្តហោះរបស់រដ្ឋាភិបាលអេហ្ស៊ីបដែលកើតមានឡើងកន្លងមកនេះ។
លោក ជាវ សំណាង លម្អិតព័ត៌មាននេះ
សំឡេង
ករណីវាយប្រហារអត្តឃាតដ៏សាហាវមួយបានកើតឡើងនៅក្នុងតំបន់ភាគខាងកើតប្រទេសលីប៊ី ដែលបានសម្លាប់មនុស្សយ៉ាងហោចណាស់៤០នាក់។ ការវាយប្រហារនេះត្រូវបានគេសន្និដ្ឋានថា រៀបចំឡើងដោយក្រុមភេរវជនរដ្ឋឥស្លាមដែលស្ថិតក្នុងប្រទេសលីប៊ី ដោយសារក្រុមនេះខឹងសម្បារនឹងរដ្ឋាភិបាលអេហ្ស៊ីបដែលបញ្ជាអោយមានការទម្លាក់គ្រាប់បែកប្រឆាំងខ្លួនឥតឈប់ឈរ។
ករណីវាយប្រហារនេះកើតឡើងក្នុងទីក្រុង Quba ដែលនៅភាគខាងកើតប្រទេសលីប៊ីកាលពីថ្ងៃសុក្រម្សិលមិញនេះ បានសម្លាប់មនុស្សជាង ៤០នាក់ ក្នុងនោះមានជនជាតិអេហ្ស៊ីបច្រើននាក់ផងដែរ។បើតាមការអោយដឹងពីមន្ត្រីប៉ូលីសលីប៊ី ទីក្រុង Quba នៅស្ថិតមិនឆ្ងាយប៉ុន្មានពីទីក្រុង បេនកាស៊ី ហើយការវាយប្រហារកើតឡើងរហូតដល់ទៅពីរដងឯណោះ។ ប៉ុន្តែបើតាមការលើកឡើងរបស់រដ្ឋាភិបាលលីប៊ីការវាយប្រហារដែលបណ្តាលអោយមនុស្សស្លាប់ជាច្រើននាក់នោះមានរហូតដល់បីដងឯណោះ។
បើតាមអ្នកនាំពាក្យរបស់ក្រុមយោធា ករណីវាយប្រហារនេះកើតឡើងដោយក្រុមភេរវជនបានប្រើប្រាស់រថយន្តសង្គ្រោះដែលផ្ទុះទៅដោយគ្រឿងផ្ទុះ បើកសំដៅទៅស្ថានីយ៍ចាក់ប្រេងដែលមានម៉ូតូកំពុងកកកុញចាំចាក់ប្រេង។ ក្រោយបំផ្ទុះរថយន្ត គេឃើញជនរងគ្រោះដេកក្នុងថ្លុកឈាមរណូករណែល រាងកាយខ្លះបែកខ្ទេចខ្ទីមើលមិនស្គាល់។ ដោយឡែក ករណីបំផ្ទុះគ្រាប់បែកពីរកន្លែងទៀតបានកើតឡើងក្បែរផ្ទះប្រធានសភា ដែលស្ថិតនៅមិនឆ្ងាយប៉ុន្មានពីទីបញ្ជាការកណ្តាលសន្តិសុខ ប៉ុន្តែមិនមានរបាយការណ៍បញ្ជាក់ពីអ្នករបួសឬស្លាប់ឡើយ។
ទាក់ទិននឹងការវាយប្រហារប្រឆាំងជនស៊ីវិលនេះ គេមិនបានទទួលព័ត៌មានច្បាស់លាស់ពីអាជ្ញាធរក្នុងតំបន់នោះឡើយ ប៉ុន្តែក្រោយវាយប្រហារក្រុមភេរវជនរដ្ឋឥស្លាមបានចេញមុខទទួលខុសត្រូវគ្រោះថ្នាក់នេះ។ មុននឹងមានការវាយប្រហារ កាលពីថ្ងៃអាទិត្យសប្តាហ៍មុន ក្រុមភេរវជនរដ្ឋឥស្លាមនេះ បានបង្ហោះវីដេអូមួយដែលបង្ហាញពីការកាត់កប្រជាជនអេហ្ស៊ីបដែលជាអ្នកកាន់សាសនាគ្រិស្តចំនួន ២១នាក់ ដែលត្រូវបានក្រុមនេះចាប់ជម្រិតកន្លងមក។ ការសម្លាប់ជនជាតិអេហ្ស៊ីបយ៉ាងសាហាវឃោរឃៅនេះ បានធ្វើអោយរដ្ឋាភិបាលក្រុង Cairo ខឹងសម្បារជាខ្លាំង ហើយបានបញ្ជាអោយមានការទម្លាក់គ្រាប់បែកដើម្បីសងសឹកក្រុមរដ្ឋឥស្លាមនៅលីប៊ីភា្លម។
ការវាយប្រហារតាមផ្លូវអាកាសរបស់កងទ័ពអេហ្ស៊ីបធ្វើឡើងនៅទីក្រុង Derna ដែលមានចម្ងាយប្រហែល ៣០គីឡូម៉ែត្រ ពីទីក្រុងដែលរងការវាយប្រហារដោយក្រុមភេរវជន។ ប៉ុន្តែទីក្រុងមួយចំនួនរបស់លីប៊ីបច្ចុប្បន្នរួមទាំងទីក្រុងដែលអេហ្ស៊ីបកំពុងទម្លាក់គ្រាប់បែកផងនោះស្ថិតក្រោមការគ្រប់គ្រងរបស់ក្រុមសកម្មប្រយុទ្ធរដ្ឋឥស្លាម ដែលវាជារឿងមួយគួរអោយព្រួយបារម្ភ។ ក្រុមនេះអាចនឹងពង្រីកទឹកដីដែលខ្លួនកាន់កាប់ និងប្រកាសបង្កើតរដ្ឋឥស្លាមដូចនៅស៊ីរី និងអ៊ីរ៉ាក់ផងដែរ៕
លោក ជាវ សំណាង លម្អិតព័ត៌មាននេះ
សំឡេង
ករណីវាយប្រហារអត្តឃាតដ៏សាហាវមួយបានកើតឡើងនៅក្នុងតំបន់ភាគខាងកើតប្រទេសលីប៊ី ដែលបានសម្លាប់មនុស្សយ៉ាងហោចណាស់៤០នាក់។ ការវាយប្រហារនេះត្រូវបានគេសន្និដ្ឋានថា រៀបចំឡើងដោយក្រុមភេរវជនរដ្ឋឥស្លាមដែលស្ថិតក្នុងប្រទេសលីប៊ី ដោយសារក្រុមនេះខឹងសម្បារនឹងរដ្ឋាភិបាលអេហ្ស៊ីបដែលបញ្ជាអោយមានការទម្លាក់គ្រាប់បែកប្រឆាំងខ្លួនឥតឈប់ឈរ។
ករណីវាយប្រហារនេះកើតឡើងក្នុងទីក្រុង Quba ដែលនៅភាគខាងកើតប្រទេសលីប៊ីកាលពីថ្ងៃសុក្រម្សិលមិញនេះ បានសម្លាប់មនុស្សជាង ៤០នាក់ ក្នុងនោះមានជនជាតិអេហ្ស៊ីបច្រើននាក់ផងដែរ។បើតាមការអោយដឹងពីមន្ត្រីប៉ូលីសលីប៊ី ទីក្រុង Quba នៅស្ថិតមិនឆ្ងាយប៉ុន្មានពីទីក្រុង បេនកាស៊ី ហើយការវាយប្រហារកើតឡើងរហូតដល់ទៅពីរដងឯណោះ។ ប៉ុន្តែបើតាមការលើកឡើងរបស់រដ្ឋាភិបាលលីប៊ីការវាយប្រហារដែលបណ្តាលអោយមនុស្សស្លាប់ជាច្រើននាក់នោះមានរហូតដល់បីដងឯណោះ។
បើតាមអ្នកនាំពាក្យរបស់ក្រុមយោធា ករណីវាយប្រហារនេះកើតឡើងដោយក្រុមភេរវជនបានប្រើប្រាស់រថយន្តសង្គ្រោះដែលផ្ទុះទៅដោយគ្រឿងផ្ទុះ បើកសំដៅទៅស្ថានីយ៍ចាក់ប្រេងដែលមានម៉ូតូកំពុងកកកុញចាំចាក់ប្រេង។ ក្រោយបំផ្ទុះរថយន្ត គេឃើញជនរងគ្រោះដេកក្នុងថ្លុកឈាមរណូករណែល រាងកាយខ្លះបែកខ្ទេចខ្ទីមើលមិនស្គាល់។ ដោយឡែក ករណីបំផ្ទុះគ្រាប់បែកពីរកន្លែងទៀតបានកើតឡើងក្បែរផ្ទះប្រធានសភា ដែលស្ថិតនៅមិនឆ្ងាយប៉ុន្មានពីទីបញ្ជាការកណ្តាលសន្តិសុខ ប៉ុន្តែមិនមានរបាយការណ៍បញ្ជាក់ពីអ្នករបួសឬស្លាប់ឡើយ។
ទាក់ទិននឹងការវាយប្រហារប្រឆាំងជនស៊ីវិលនេះ គេមិនបានទទួលព័ត៌មានច្បាស់លាស់ពីអាជ្ញាធរក្នុងតំបន់នោះឡើយ ប៉ុន្តែក្រោយវាយប្រហារក្រុមភេរវជនរដ្ឋឥស្លាមបានចេញមុខទទួលខុសត្រូវគ្រោះថ្នាក់នេះ។ មុននឹងមានការវាយប្រហារ កាលពីថ្ងៃអាទិត្យសប្តាហ៍មុន ក្រុមភេរវជនរដ្ឋឥស្លាមនេះ បានបង្ហោះវីដេអូមួយដែលបង្ហាញពីការកាត់កប្រជាជនអេហ្ស៊ីបដែលជាអ្នកកាន់សាសនាគ្រិស្តចំនួន ២១នាក់ ដែលត្រូវបានក្រុមនេះចាប់ជម្រិតកន្លងមក។ ការសម្លាប់ជនជាតិអេហ្ស៊ីបយ៉ាងសាហាវឃោរឃៅនេះ បានធ្វើអោយរដ្ឋាភិបាលក្រុង Cairo ខឹងសម្បារជាខ្លាំង ហើយបានបញ្ជាអោយមានការទម្លាក់គ្រាប់បែកដើម្បីសងសឹកក្រុមរដ្ឋឥស្លាមនៅលីប៊ីភា្លម។
ការវាយប្រហារតាមផ្លូវអាកាសរបស់កងទ័ពអេហ្ស៊ីបធ្វើឡើងនៅទីក្រុង Derna ដែលមានចម្ងាយប្រហែល ៣០គីឡូម៉ែត្រ ពីទីក្រុងដែលរងការវាយប្រហារដោយក្រុមភេរវជន។ ប៉ុន្តែទីក្រុងមួយចំនួនរបស់លីប៊ីបច្ចុប្បន្នរួមទាំងទីក្រុងដែលអេហ្ស៊ីបកំពុងទម្លាក់គ្រាប់បែកផងនោះស្ថិតក្រោមការគ្រប់គ្រងរបស់ក្រុមសកម្មប្រយុទ្ធរដ្ឋឥស្លាម ដែលវាជារឿងមួយគួរអោយព្រួយបារម្ភ។ ក្រុមនេះអាចនឹងពង្រីកទឹកដីដែលខ្លួនកាន់កាប់ និងប្រកាសបង្កើតរដ្ឋឥស្លាមដូចនៅស៊ីរី និងអ៊ីរ៉ាក់ផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
