កីឡាជាតិ
×![]()
លោក ឈួន ឡេង អគ្គលេខាធិការសហព័ន្ធកីឡាសីប៉ាក់តាក្រកម្ពុជា ៣ អាណត្តិនិងជាអនុប្រធាននាយកដ្ឋានសិស្ស និងនិស្សិត ព្រមទាំងជាសមាជិកប្រតិបត្តិនៃគណៈកម្មាធិការជាតិអូឡាំពិកកម្ពុជា និងជានាយករដ្ឋបាល បានទទួលមរណភាពដោយរោគាពាធ នៅវេលាម៉ោង ១២:១៥ នាទីយប់ថ្ងៃទី ៤ ខែ មីនា ឆ្នាំ ២០១៥ នេះនៅមន្ទីរពេទ្យកាល់ម៉ែត្រ។ 
ក្នុងវ័យ ៦៦ ឆ្នាំ លោក ឈួន ឡេង បានចូលសម្រាកព្យាបាលតាំងពីខែ មករា ដើមឆ្នាំមកម្ល៉េះ ដោយកាលនោះពេទ្យប្រាប់ថាលោកមានជំងឺថ្លើម និងក្រួសក្នុងប្រមាត់។ លោក ឈួន ឡេង ជាព្រឹទ្ធាចារ្យកីឡាមួយរូប ដែលមានឆន្ទៈខ្ពស់ និងបានលះបង់ទាំងកម្លាំងកាយ និងកម្លាំងចិត្ត លើកស្ទួយវិស័យកីឡាកម្ពុជា ឲ្យមានការរីកចម្រើនផងដែរ ។
កាលពីក្នុងទសវត្សរ៍ទី ៦០ លោកក៏ជាកីឡាករបាល់ទាត់ឆ្នើមមួយរូបផងដែរ ដោយលេងនៅជាខ្សែបម្រើឆ្វេង។ ក្រោយមកនៅអំឡុងទសវត្សរ៍ទី ៨០ លោកបានចេញទៅទៅរៀនវគ្គគ្រូបង្វឹកនៅប្រទេសវៀតណាម និងប្រទេសប៊ុលហ្គារី រួមទាំងបម្រើការងារនៅរដ្ឋលេខាធិការដ្ឋានអូឡាំពិកកម្ពុជា ។
ចំពោះសហព័ន្ធកីឡាសីប៉ាក់តាក្រកម្ពុជា ក្នុង ដំណែងជាអគ្គលេខាធិការនោះ លោកបានដឹកនាំឲ្យកម្ពុជាដណ្ដើមបានមេដាយចំនួន៨មកជូនជាតិមាតុភូមិរបស់ ខ្លួនពីព្រឹត្តិការណ៍អន្តរជាតិ ថ្នាក់តំបន់អាស៊ាន ស៊ីហ្គេម កាលពីឆ្នាំ២០១៣ នៅប្រទេសមីយ៉ាន់ម៉ា ដោយមេដាយ៨វិញ្ញាសានោះ ស្មើនឹង៦៣គ្រឿង រួមទាំងមេដាយពីព្រឹត្តិការណ៍អន្តរជាតិក្រៅផ្លូវការមួយចំនួនផ្សេងទៀត។
អ្នកស្រី ញ៉ែម ប៉ព្រាង ត្រូវជាភរិយា ព្រមទាំងក្រុមគ្រួសារ បានតម្កល់សពនៅវត្តថ្វាយដង្គុំ (ម្ដុំទូរទស្សន៍ប៉ុស្ដិ៍លេខ៣ ចាស់) ក្នុងរាជធានីភ្នំពេញ៕
ក្នុងវ័យ ៦៦ ឆ្នាំ លោក ឈួន ឡេង បានចូលសម្រាកព្យាបាលតាំងពីខែ មករា ដើមឆ្នាំមកម្ល៉េះ ដោយកាលនោះពេទ្យប្រាប់ថាលោកមានជំងឺថ្លើម និងក្រួសក្នុងប្រមាត់។ លោក ឈួន ឡេង ជាព្រឹទ្ធាចារ្យកីឡាមួយរូប ដែលមានឆន្ទៈខ្ពស់ និងបានលះបង់ទាំងកម្លាំងកាយ និងកម្លាំងចិត្ត លើកស្ទួយវិស័យកីឡាកម្ពុជា ឲ្យមានការរីកចម្រើនផងដែរ ។
កាលពីក្នុងទសវត្សរ៍ទី ៦០ លោកក៏ជាកីឡាករបាល់ទាត់ឆ្នើមមួយរូបផងដែរ ដោយលេងនៅជាខ្សែបម្រើឆ្វេង។ ក្រោយមកនៅអំឡុងទសវត្សរ៍ទី ៨០ លោកបានចេញទៅទៅរៀនវគ្គគ្រូបង្វឹកនៅប្រទេសវៀតណាម និងប្រទេសប៊ុលហ្គារី រួមទាំងបម្រើការងារនៅរដ្ឋលេខាធិការដ្ឋានអូឡាំពិកកម្ពុជា ។
ចំពោះសហព័ន្ធកីឡាសីប៉ាក់តាក្រកម្ពុជា ក្នុង ដំណែងជាអគ្គលេខាធិការនោះ លោកបានដឹកនាំឲ្យកម្ពុជាដណ្ដើមបានមេដាយចំនួន៨មកជូនជាតិមាតុភូមិរបស់ ខ្លួនពីព្រឹត្តិការណ៍អន្តរជាតិ ថ្នាក់តំបន់អាស៊ាន ស៊ីហ្គេម កាលពីឆ្នាំ២០១៣ នៅប្រទេសមីយ៉ាន់ម៉ា ដោយមេដាយ៨វិញ្ញាសានោះ ស្មើនឹង៦៣គ្រឿង រួមទាំងមេដាយពីព្រឹត្តិការណ៍អន្តរជាតិក្រៅផ្លូវការមួយចំនួនផ្សេងទៀត។
អ្នកស្រី ញ៉ែម ប៉ព្រាង ត្រូវជាភរិយា ព្រមទាំងក្រុមគ្រួសារ បានតម្កល់សពនៅវត្តថ្វាយដង្គុំ (ម្ដុំទូរទស្សន៍ប៉ុស្ដិ៍លេខ៣ ចាស់) ក្នុងរាជធានីភ្នំពេញ៕
© រក្សាសិទ្ធិដោយ thmeythmey.com
