ជាតិ
ពីនេះ ពីនោះ
×![]()
ដោយ: ថ្មីៗ
នៅក្នុងប្រទេសរំដួល មានរឿងរ៉ាវពិបាកយល់ជាច្រើនបានកើតឡើង កំពុងកើតឡើង នឹងកើតឡើងជាបន្តបន្ទាប់។ នៅក្នុងប្រទេសរំដួលដដែល អ្វីដែលត្រូវកើតឡើង មិនអាចកើតឡើង។ តែអ្វីដែលមិនត្រូវកើតឡើង វាកើតឡើងទៅវិញ។
ឧទាហរណ៍ជាក់ស្តែងតូចមួយទាក់ទងទៅនឹងការរិះគន់, នៅក្នុងប្រទេសរំដួល សម្បូរណាស់អ្នករិះគន់រដ្ឋាភិបាលនៃប្រទេសមួយនេះ។ អ្នករិះគន់ រិះគន់ថា ថ្នាក់ដឹកនេះផ្តាច់ការ ពុករលួយ បក្សពួកនិយម ក្រាញអំណាច។ល។ ពាក្យទាំងអស់នេះ ត្រូវបានគេលឺស្ទើរគ្រប់ទីកន្លែង។
អ្នករិះគន់ ពូកែរិះគន់ចំៗ ទាំងក្រៅផ្លូវការ និងផ្លូវការ។ តែបើថ្ងៃណាមួយ រដ្ឋាភិបាលនៃប្រទេសរំដួលផ្តល់អំណាច ឬផ្តល់ផលប្រយោជន៍អោយវិញ អ្នករិះគន់ទាំងនោះ ស្ថិតនៅស្ងៀម ឈប់មាត់អ្វីទាំងអស់។ ក្រោយទទួលបានអំណាច ឬប្រយោជន៍ហើយ អ្នករិះគន់សុខចិត្តគិតថា រដ្ឋាភិបាលនៃប្រទេសរំដួលធ្វើអ្វីក៏ត្រូវដែរ។ នេះហើយ គឺជានយោបាយរិះគន់ដើម្បីផលប្រយោជន៍ និងអំណាចបុណ្យស័ក្តិនៅក្នុងប្រទេសរំដួល៕
លោក សូ ភាសិត
© រក្សាសិទ្ធិដោយ thmeythmey.com
