ជាតិ
ជប៉ុនផ្តល់ថវិកាជាង១០ម៉ឺនដុល្លារសាងសង់មជ្ឈមណ្ឌលសិល្បៈក្បាច់គុណបុរាណកម្ពុជា-ជប៉ុន
×
រដ្ឋាភិបាលជប៉ុន នឹងផ្តល់ថវិកាចំនួន១០២,៧៨០ដុល្លារ ដល់សមាគមអៃគីដូកម្ពុជា សម្រាប់សាងសង់មជ្ឈមណ្ឌលសិល្បៈក្បាច់គុណបុរាណកម្ពុជា-ជប៉ុននៅភ្នំពេញ។ នេះបើយោងតាមសេចក្តី ប្រកាសព័ត៌មានរបស់ស្ថាតទូតជប៉ុនប្រចាំនៅកម្ពុជា។
សេចក្តីប្រកាសព័ត៌មានដដែលបន្តថា កិច្ចសន្យាផ្តល់ជំនួយនឹងត្រូវចុះហត្ថលេខា នៅថ្ងៃទី៧មីនា ដោយលោក យូជិ គូម៉ាម៉ារុ ឯកអគ្គរាជទូតជប៉ុនប្រចាំកម្ពុជា និងលោក ណាំង រ៉ាវុធ ប្រធានសមាគមអៃគីដូកម្ពុជា នៅមជ្ឈមណ្ឌល សហប្រតិបត្តិការកម្ពុជា-ជប៉ុនCJCC។
សូមបញ្ជាក់ថា ចាប់ពីឆ្នាំ១៩៩១មក ជប៉ុនបានផ្តល់ថវិកាជាង៥០លានដុល្លារដល់អាជ្ញាធរមូលដ្ឋាល និងអង្គការក្រៅ រដ្ឋាភិបាលដើម្បីអនុវត្តន៍គម្រោងជាង៥០០ នៅទូទាំងប្រទេសកម្ពុជា៕
© រក្សាសិទ្ធិដោយ thmeythmey.com