អន្តរជាតិ
ន័រវែសដកតំណែងប្រធានគណៈកម្មាធិការពានរង្វាន់ណូបែលដើម្បីផ្គាប់ចិត្តចិន?
×![]()
ដោយ: ថ្មីៗ
កាលពីថ្ងៃអង្គារ ន័រវែសបានដកលោកThorbjørn Jagland (ថរបិន យ៉ាក្លង់) ចេញពីតំណែងប្រធានគណៈកម្មាធិការពានរង្វាន់ណូបែល ដោយអោយលោកនៅត្រឹមជាសមាជិកធម្មតាក្នុងគណៈកម្មាធិការវិញ។ តាំងពីឆ្នាំ១៩០១ ក្រោយមានការបង្កើតពានរង្វាន់ណូបែល មក នេះជាលើកទី១ហើយ ក្នុងប្រវត្តិសាស្ត្រ ដែលគេដកតំណែងប្រធានគណៈកម្មាធិការណូបែល។ ណរវែសប្រហែលចង់ផ្គាប់ចិត្តចិន ព្រោះគណៈកម្មាធិការណូបែលធ្លាប់ប្រគល់ពានរង្វាន់អោយសកម្មជនប្រឆាំងចិន Liu Xiaobo ក្នុងឆ្នាំ ២០១០ ធ្វើអោយទំនាក់ទំនងន័រវែសនិងចិនធ្លាក់ដុនដាបខ្លាំង។ 
សូមស្តាប់ការបកស្រាយរបស់ ព្រំសឿន សូលីណា ជុំវិញបញ្ហានេះ៖
តំណែងជាប្រធានគណៈកម្មាធិការណូបែលថ្មី ត្រូវបានប្រគល់អោយលោកស្រីKaci Kullmann Five ជាអនុប្រធានគណៈកម្មាធិការ។ លោកស្រីជាសមាជិកគណៈកម្មាធិការតាំងពីឆ្នាំ២០០៣មក ហើយក៏ធ្លាប់ធ្វើជាមេដឹកនាំរបស់បក្សកាន់អំណាចអភិរក្សនិយមសព្វថ្ងៃនេះដែរ។ លោកស្រីបានបដិសេធប្រាប់ពីមូលហេតុនៃការដកតំណែងលោកThorbjørn Jagland ចេញពីប្រធានគណៈកម្មាធិការណូបែលឡើយ។
ប៉ុន្តែ ទាំងអ្នកជំនាញផ្នែកណូបែល ទាំងកាសែតក្នុងស្រុកន័រវែស បូករួមនឹងអ្នកនយោបាយន័រវែសមួយចំនួន ការទម្លាក់ឋានៈលោកThorbjørn Jagland អោយមកនៅត្រឹមជា សមាជិកធម្មតា ក្នុងគណៈកម្មាធិការ ណូបែល គឺជាការព្យាយាមរបស់រដ្ឋាភិបាលថ្មីដើម្បីសុំទោស និងផ្គាប់ចិត្តមហាអំណាចចិន នៅអាស៊ី ដើម្បីស្តារទំនាក់ទំនងរវាងន័រវែសនិងចិនឡើងវិញ។
លោក Thorbjørn Jagland ធ្លាប់ជាអតីតនាយករដ្ឋមន្ត្រីន័រវែស និងជាប្រធានក្រុមប្រឹក្សាអឺរ៉ុបបច្ចុប្បន្ន។ លោកធ្វើជាប្រធានគណៈកម្មាធិការណូបែល តាំងពីឆ្នាំ២០០។ ក្រោមការដឹកនាំរបស់លោក គណៈកម្មាធិការបានរងការរិះគន់ច្រើនកន្លងមក ទាក់ទងនឹងរឿងមួយចំនួន ដូចជាការផ្តល់ពានសន្តិភាពណូបែលអោយប្រធានាធិបតីអាមេរិក អូបាម៉ា រឺក៏ការជ្រើសយកសហភាពអឺរ៉ុបអោយទទួលពានណូបែល ខណៈសហភាពអឺរ៉ុបកំពុងជួបបញ្ហាសេដ្ឋកិច្ចនិងនយោបាយជាដើម។
ពិសេសទៅទៀត គឺកាលពីឆ្នាំ២០១០ គណៈកម្មាធិការណូបែលបានប្រគល់ពានរង្វាន់សន្តិភាព អោយទៅសកម្មជនសិទ្ធិមនុស្សLiu Xiaobo ខណៈចិនចាត់ទុកលោក Liu Xiaoboថាជាឧក្រិដ្ឋជន។ កាលណោះ ចិនបានព្រមានន័រវែសទុកមុនរួចហើយថា ការប្រគល់ពានណូបែលទៅសកម្មជនប្រឆាំងLiu Xiaobo នឹងប៉ះពាល់ទំនាក់ទំនងរវាងប្រទេសទាំង២ ។ ប៉ុន្តែគណៈកម្មាធិការរបស់លោក Jagland នៅតែចចេសប្រគល់ពានណូបែលទៅសកម្មជនចិន។
តាំងពីឆ្នាំ២០១០មក ចិននិងន័រវែសស្ទើរតែ គ្មាន ទំនាក់ទំនងនឹងគ្នាទាល់តែសោះ។ ដំណើរទស្សនកិច្ចនយោបាយត្រូវបានលុបចោលអស់ច្រើន ហើយសហគ្រាសន័រវែសក៏លែងបានចូលទៅក្នុងទីផ្សារចិនទៀតដែរ។ គ្រាន់តែប្រគល់ពានរង្វាន់មួយណូបែលអោយសកម្មជនប្រឆាំងចិនតែម្នាក់សោះ ន័រវែសត្រូវខាតបង់ទំនាក់ទំនងទាំងការទូត ទាំងការរកស៊ីជាមួយប្រទេសមហាអំណាចចិនទៅហើយ។
គួរបញ្ជាក់ដែរថា ចិនជាប្រទេសនាំចូលត្រីសូម៉ុងពីន័រវែសច្រើនជាងគេ។ រដ្ឋាភិបាលន័រវែសថ្មី មកពីបក្សអភិរក្សនិយមទើបឡើងកាន់អំណាច ក្នុងឆ្នាំ២០១៣ មិនអាចធ្វើដាក់ចិនដូចរដ្ឋាភិបាលចាស់ មកពីបក្សការងារទៀតទេ។ បក្សស្តាំនិយមកាន់អំណាចមិនអាចបន្ត មើលការខាតបង់ក្នុងការរកស៊ីនាំចេញត្រីទៅអាស៊ីបន្តទៀតទេ។
ប្រហែលដូច្នេះហើយ ទើបពេលមានឱកាសរើសប្រធានគណៈកម្មាធិការណូបែលថ្មី ន័រវែសអាចឆ្លៀតដកលោកJaglandចេញពីតំណែងប្រធានតែម្តងទៅ បើទោះលោក Jaglandចង់បន្តតំណែងនេះ ក៏ដោយចុះ។ សូមបញ្ជាក់ដែរថា ដោយសារបក្សកាន់អំណាចថ្មីជាបក្សអភិរក្សនិយម សមាជិកគណៈកម្មាធិការណូបែលភាគច្រើនពេលនេះ ជាសមាជិកមកពីបក្សអភិរក្សនិយម។ ដូច្នេះ ការដកលោកThorbjørn Jagland ចេញពីតំណែងប្រធាន ងាយដូចជាការបកសំបកចេកដូច្នោះដែរ។
ក្រសួងការបរទេសចិនបដិសេធប្រាប់ថា តើចិននិងន័រវែសបាន ជជែកគ្នាពីរឿងតំណែង គណៈកម្មាធិការណូបែលនេះរឺក៏យ៉ាងណាទេ។ក្រុងអូស្លូបានបដិសេធថា មិនបានរងឥទ្ធិពលពីក្រុងប៉េកាំង ក្នុងរឿងនេះទេ។ ប៉ុន្តែ មើលសំបកក្រៅ រដ្ឋាភិបាលន័រវែសថ្មីហាក់ខិតខំយកចិត្តចិនណាស់។
គេនៅចាំថា ឆ្នាំមុននេះ គ្មានសមាជិករដ្ឋាភិបាលណាម្នាក់ហ៊ានទៅជួបសង្ឃដាឡៃឡាម៉ា ដែលមកទស្សនកិច្ចនៅន័រវែសទេ។ ទោះជាក្រុងអូស្លូយកចិត្តយកថ្លើមយ៉ាងណាក្តី ទោះជាដកប្រធានគណៈកម្មការ Jaglandពីតំណែង ប្រធានគណៈកម្មការណូបែលក្តី ក្រុងប៉េកាំងមិនបានផ្លាស់ប្តូរជំហរចំពោះន័រវែសទេ។ អ្នកនាំពាក្យ ក្រសួងការបរទេសចិននៅតែប្រកាន់ជំហរថា ការស្តារទំនាក់ទំនងរវាងប្រទេសទាំង២ គឺអាស្រ័យទៅលើន័រវែសទាំងស្រុង។ ដូច្នេះ ន័រវែសប្រហែលត្រូវលះបង់ច្រើនជាងនេះទៀត ទើបអាចចាប់ដៃជាមួយចិនឡើងវិញ៕
សូមស្តាប់ការបកស្រាយរបស់ ព្រំសឿន សូលីណា ជុំវិញបញ្ហានេះ៖
តំណែងជាប្រធានគណៈកម្មាធិការណូបែលថ្មី ត្រូវបានប្រគល់អោយលោកស្រីKaci Kullmann Five ជាអនុប្រធានគណៈកម្មាធិការ។ លោកស្រីជាសមាជិកគណៈកម្មាធិការតាំងពីឆ្នាំ២០០៣មក ហើយក៏ធ្លាប់ធ្វើជាមេដឹកនាំរបស់បក្សកាន់អំណាចអភិរក្សនិយមសព្វថ្ងៃនេះដែរ។ លោកស្រីបានបដិសេធប្រាប់ពីមូលហេតុនៃការដកតំណែងលោកThorbjørn Jagland ចេញពីប្រធានគណៈកម្មាធិការណូបែលឡើយ។
ប៉ុន្តែ ទាំងអ្នកជំនាញផ្នែកណូបែល ទាំងកាសែតក្នុងស្រុកន័រវែស បូករួមនឹងអ្នកនយោបាយន័រវែសមួយចំនួន ការទម្លាក់ឋានៈលោកThorbjørn Jagland អោយមកនៅត្រឹមជា សមាជិកធម្មតា ក្នុងគណៈកម្មាធិការ ណូបែល គឺជាការព្យាយាមរបស់រដ្ឋាភិបាលថ្មីដើម្បីសុំទោស និងផ្គាប់ចិត្តមហាអំណាចចិន នៅអាស៊ី ដើម្បីស្តារទំនាក់ទំនងរវាងន័រវែសនិងចិនឡើងវិញ។
លោក Thorbjørn Jagland ធ្លាប់ជាអតីតនាយករដ្ឋមន្ត្រីន័រវែស និងជាប្រធានក្រុមប្រឹក្សាអឺរ៉ុបបច្ចុប្បន្ន។ លោកធ្វើជាប្រធានគណៈកម្មាធិការណូបែល តាំងពីឆ្នាំ២០០។ ក្រោមការដឹកនាំរបស់លោក គណៈកម្មាធិការបានរងការរិះគន់ច្រើនកន្លងមក ទាក់ទងនឹងរឿងមួយចំនួន ដូចជាការផ្តល់ពានសន្តិភាពណូបែលអោយប្រធានាធិបតីអាមេរិក អូបាម៉ា រឺក៏ការជ្រើសយកសហភាពអឺរ៉ុបអោយទទួលពានណូបែល ខណៈសហភាពអឺរ៉ុបកំពុងជួបបញ្ហាសេដ្ឋកិច្ចនិងនយោបាយជាដើម។
ពិសេសទៅទៀត គឺកាលពីឆ្នាំ២០១០ គណៈកម្មាធិការណូបែលបានប្រគល់ពានរង្វាន់សន្តិភាព អោយទៅសកម្មជនសិទ្ធិមនុស្សLiu Xiaobo ខណៈចិនចាត់ទុកលោក Liu Xiaoboថាជាឧក្រិដ្ឋជន។ កាលណោះ ចិនបានព្រមានន័រវែសទុកមុនរួចហើយថា ការប្រគល់ពានណូបែលទៅសកម្មជនប្រឆាំងLiu Xiaobo នឹងប៉ះពាល់ទំនាក់ទំនងរវាងប្រទេសទាំង២ ។ ប៉ុន្តែគណៈកម្មាធិការរបស់លោក Jagland នៅតែចចេសប្រគល់ពានណូបែលទៅសកម្មជនចិន។
តាំងពីឆ្នាំ២០១០មក ចិននិងន័រវែសស្ទើរតែ គ្មាន ទំនាក់ទំនងនឹងគ្នាទាល់តែសោះ។ ដំណើរទស្សនកិច្ចនយោបាយត្រូវបានលុបចោលអស់ច្រើន ហើយសហគ្រាសន័រវែសក៏លែងបានចូលទៅក្នុងទីផ្សារចិនទៀតដែរ។ គ្រាន់តែប្រគល់ពានរង្វាន់មួយណូបែលអោយសកម្មជនប្រឆាំងចិនតែម្នាក់សោះ ន័រវែសត្រូវខាតបង់ទំនាក់ទំនងទាំងការទូត ទាំងការរកស៊ីជាមួយប្រទេសមហាអំណាចចិនទៅហើយ។
គួរបញ្ជាក់ដែរថា ចិនជាប្រទេសនាំចូលត្រីសូម៉ុងពីន័រវែសច្រើនជាងគេ។ រដ្ឋាភិបាលន័រវែសថ្មី មកពីបក្សអភិរក្សនិយមទើបឡើងកាន់អំណាច ក្នុងឆ្នាំ២០១៣ មិនអាចធ្វើដាក់ចិនដូចរដ្ឋាភិបាលចាស់ មកពីបក្សការងារទៀតទេ។ បក្សស្តាំនិយមកាន់អំណាចមិនអាចបន្ត មើលការខាតបង់ក្នុងការរកស៊ីនាំចេញត្រីទៅអាស៊ីបន្តទៀតទេ។
ប្រហែលដូច្នេះហើយ ទើបពេលមានឱកាសរើសប្រធានគណៈកម្មាធិការណូបែលថ្មី ន័រវែសអាចឆ្លៀតដកលោកJaglandចេញពីតំណែងប្រធានតែម្តងទៅ បើទោះលោក Jaglandចង់បន្តតំណែងនេះ ក៏ដោយចុះ។ សូមបញ្ជាក់ដែរថា ដោយសារបក្សកាន់អំណាចថ្មីជាបក្សអភិរក្សនិយម សមាជិកគណៈកម្មាធិការណូបែលភាគច្រើនពេលនេះ ជាសមាជិកមកពីបក្សអភិរក្សនិយម។ ដូច្នេះ ការដកលោកThorbjørn Jagland ចេញពីតំណែងប្រធាន ងាយដូចជាការបកសំបកចេកដូច្នោះដែរ។
ក្រសួងការបរទេសចិនបដិសេធប្រាប់ថា តើចិននិងន័រវែសបាន ជជែកគ្នាពីរឿងតំណែង គណៈកម្មាធិការណូបែលនេះរឺក៏យ៉ាងណាទេ។ក្រុងអូស្លូបានបដិសេធថា មិនបានរងឥទ្ធិពលពីក្រុងប៉េកាំង ក្នុងរឿងនេះទេ។ ប៉ុន្តែ មើលសំបកក្រៅ រដ្ឋាភិបាលន័រវែសថ្មីហាក់ខិតខំយកចិត្តចិនណាស់។
គេនៅចាំថា ឆ្នាំមុននេះ គ្មានសមាជិករដ្ឋាភិបាលណាម្នាក់ហ៊ានទៅជួបសង្ឃដាឡៃឡាម៉ា ដែលមកទស្សនកិច្ចនៅន័រវែសទេ។ ទោះជាក្រុងអូស្លូយកចិត្តយកថ្លើមយ៉ាងណាក្តី ទោះជាដកប្រធានគណៈកម្មការ Jaglandពីតំណែង ប្រធានគណៈកម្មការណូបែលក្តី ក្រុងប៉េកាំងមិនបានផ្លាស់ប្តូរជំហរចំពោះន័រវែសទេ។ អ្នកនាំពាក្យ ក្រសួងការបរទេសចិននៅតែប្រកាន់ជំហរថា ការស្តារទំនាក់ទំនងរវាងប្រទេសទាំង២ គឺអាស្រ័យទៅលើន័រវែសទាំងស្រុង។ ដូច្នេះ ន័រវែសប្រហែលត្រូវលះបង់ច្រើនជាងនេះទៀត ទើបអាចចាប់ដៃជាមួយចិនឡើងវិញ៕
© រក្សាសិទ្ធិដោយ thmeythmey.com
