អន្តរជាតិ
ក្មេងស្រីអាយុ ១២ ឆ្នាំក្លាយជាជំហរគ្រួសារទាំងមូល ក្រោយពេលឪពុកម្ដាយលែងលះគ្នា
×![]()
ក្មេងស្រីម្នាក់ នៅក្នុងទីក្រុងGuzhouខេត្តGuizhou ភាគនិរតីប្រទេសចិន បានក្លាយជាជំហរសម្រាប់ទ្រទ្រង់ជីវភាពគ្រួសារមួយ ក្រោយពេលដែលឪពុកម្ដាយរបស់នាង បានលែងលះគ្នារួចមក។ នេះបើយោងតាមគេហទំព័រ People's Daily Online ។
ប្រភពដដែលបានឲ្យដឹងថា ក្មេងស្រីវ័យ ១២ឆ្នាំម្នាក់នោះមានឈ្មោះ Wei Yanliជាសិស្សថ្នាក់ទី៥ នៅសាលាបឋមសិក្សាBajiក្នុងទីក្រុងGuzhou។ ជារៀងរាល់ថ្ងៃនាងត្រូវមើលមើលថែទាំជីដូនពិការម្នាក់ និងប្អូនប្រុសវ័យក្មេងម្នាក់ ដោយខ្លួនឯង បន្ទាប់ពីឪពុករបស់នាងបានលែងលះគ្នាជាមួយម្តាយរបស់នាង ហើយម្ដាយនាងបានទៅរៀបការនិងរស់នៅជាមួយប្ដីថ្មី ចំណែកឪពុករបស់នាងបានបាត់ការទាក់ទងជាមួយក្រុមគ្រួសារ។
ទោះបីជាជួប្រទះនឹងបញ្ហាលំបាកយ៉ាងក៏ដោយ ក៏ក្មេងស្រីដែលមានអាយុ ទៀបតែ ១២ ឆ្នាំរូបនេះ បានក្លាយជាមេគ្រួសារម្នាក់ ដើម្បីជួយគាំទ្រដល់ក្រុមគ្រួសារទាំងមូលរបស់នាងហើយនាងនៅតែធ្វើកិច្ចទាំងអស់បានយ៉ាងល្អ រួមទាំងការសិក្សារបស់នាងផងដែរ។
ជារៀងរាល់ថ្ងៃ Wei Yanli ត្រូវចំអីនអាហារ និងបញ្ចុកអាហារជីដូនពិការរបស់ខ្លួន រួចទើបទៅសាលារៀន។ ពេលទំនេរនាងតែងតែប្រលែង លេងជាមួយប្អូនប្រុសរបស់នាង ហើយពេលខ្លះនាងជួយសម្រួលសរសៃយាយរបស់នាងផងដែរ៕
© រក្សាសិទ្ធិដោយ thmeythmey.com
