ជាតិ
ពលរដ្ឋខ្មែរ១៦នាក់ត្រូវអាជ្ញាធរថៃបញ្ជូនមកកម្ពុជាវិញ
× អាជ្ញាធរថៃបានបញ្ជូនពលរដ្ឋខ្មែរចំនួន១៦នាក់មកកម្ពុជាវិញ កាលពីថ្ងៃទី២៨ ខែមីនា តាមច្រកព្រំដែនកម្ពុជាថៃ ស្រុកសំពៅលូន ខេត្តបាត់ដំបង។ ពលរដ្ឋខ្មែរចំនួន១៦នាក់នោះ មានប្រុស៧នាក់ ស្រី៦នាក់ និងក្មេង៣នាក់។ នេះបើតាមការចុះផ្សាយរបស់គេហទំព័រអគ្គស្នងការនគរបាលជាតិ។
តែយ៉ាងណាក៏ដោយ ប្រភពមិនបានបញ្ជាក់ពីមូលហេតុនៃការបញ្ជូនពលករខ្មែរទាំង១៦នាក់នោះមកកម្ពុជាវិញនោះទេ។
បច្ចុប្បន្ននេះមានពលរដ្ឋកម្ពុជាជាង៧សែននាក់កំពុងបម្រើការងារ នៅបរទេស ក្នុងនោះនៅប្រទេសថៃជាង៦សែននាក់ ម៉ាឡេស៊ីជាង៤ម៉ឺននាក់ សាធារណរដ្ឋកូរ៉េប្រមាណ៤ម៉ឺននាក់ ជប៉ុនជាង១ពាន់នាក់ និងសិង្ហបុរីជាង៣០០នាក់៕
© រក្សាសិទ្ធិដោយ thmeythmey.com