ជាតិ
នយោបាយជាតិ
×![]()
ភ្នំពេញ៖ ប្រធានស្ដីទីគណបក្សសង្គ្រោះជាតិលោក កឹម សុខា បានបញ្ជាក់ជាថ្មីទៀតថា វប្បធម៌សន្ទនា គឺជាស្ពានមួយសម្រាប់កសាងជំនឿទុកចិត្តគ្នារវាងប្រជាពលរដ្ឋ និងអ្នកដឹកនាំ ប្រទេស។ ហើយវប្បធម៌សន្ទនានេះ មិនមែនជាស្ពានសម្រាប់យកមកជាន់ពន្លិចក្រុមម្ខាងទៀត និងប្រជាពលរដ្ឋនោះទេ គឺនៅតែមិនអាចបង្កើតការទុកចិត្តគ្នាបានទេ។
សំឡេងលោក កឹម សុខា
ការថ្លែងរបស់លោក កឹម សុខាបែបនេះ ធ្វើឡើងនៅក្នុងពិធីបង្សុកូលរាប់បាតដើម្បីឧទ្ទិសកុសលជូនដល់វិញ្ញាណក្ខន្ធបាតុករដែលបាត់បង់ជីវិតដោយសារការគប់គ្រាប់បែក កាលពី ឆ្នាំ១៩៩៧ នៅថ្ងៃទី៣០ ខែមីនានេះ។
លោក កឹម សុខា បានថ្លែងយ៉ាងបញ្ជាក់ថា វប្បធម៌សន្ទានមិនត្រូវយកស្ពាន គឺការសន្ទនា ទៅជាន់ពន្លិច ក្រុមភាគីម្ខាងទៀត និងប្រជាពលរដ្ឋនោះទេ។ អនុប្រធានទីមួយនៃរដ្ឋសភា និងជាប្រធានស្តីទីគណបក្សសង្គ្រោះជាតិ (CNRP) បានមានប្រសាសន៍ថា កន្លងមក កម្ពុជាតែងតែទៅពឹងបរទេស ក្នុងការជួយរកដំណោះស្រាយបញ្ហាក្នុងប្រទេស ដោយសារតែ មិនជឿទុកចិត្តខ្មែរគ្នាឯង ដូច្នេះបានជាទៅពឹងបរទេសឲ្យមកជួយបញ្ចប់ជម្លោះ។
លោកថ្លែងបែបនេះ គឺស្របពេលដែរ គណបក្សប្រជាជនកម្ពុជា និងគណបក្សសង្គ្រោះជាតិ ប្រកាន់យកវប្បធម៌អង្គុយសន្ទនាគ្នារកដំណោះស្រាយនាពេលបច្ចុប្បន្ន។ លោកបន្តបញ្ជាក់ថា រដ្ឋសភាបានបង្កើតក្រុមសភាភាគច្រើន និងក្រុមសភាភាគតិច ដូច្នេះក្រុមការងារអាចបង្កើន ជំនឿចិត្តរវាងគ្នា តាមរយៈការសន្ទនាគ្នានេះ។ ប៉ុន្តែលោកបញ្ជាក់ដែរថា ក្រុមការងារគណបក្ស ទាំងពីរមិនត្រូវយកវប្បធម៌សន្ទនានេះ ធ្វើជាឈ្នាន់ ដើម្បីជាន់ពន្លិចភាគីម្ខាងណាមួយឡើយ។
បើទោះបីជាកន្លងមក លោកនាយករដ្ឋមន្ត្រី ហ៊ុន សែន ធ្លាប់ព្រមានចាត់វិធានការ តាមប្រព័ន្ធតុលាការក៏ដោយ ក៏លោក កឹម សុខា មិនបានរំលឹកនោះឡើយ។ លោកលើកឡើងតែ វប្បធម៌សន្ទនាគ្នាប៉ុណ្ណោះ។
លោកថា៖«បើគ្រាន់តែយកស្ពានហ្នឹង គ្រាន់តែសម្រាប់ ពន្លិចក្រុមម្ខាងទៀត សម្រាប់បោកប្រាស់ប្រជារាស្ត្រទេ គឺយើងមិនអាចមានជំនឿទុកចិត្តលើគ្នាបានទេ។ ស្ពាននេះហើយ ស្រេចទៅលើមេ ដឹកនាំបក្សទាំងពីរហ្នឹង សម្រេចប្រើស្ពានហ្នឹង តើប្រើដើម្បីអី? បើប្រើសម្រាប់ជួយរកយុត្តិធម៌ជូនប្រជាពលរដ្ឋ ដើម្បីកសាងសន្តិភាពជូនជាតិ អស់លោកអ្នកដឹកនាំទាំងអស់ហ្នឹង នឹងក្លាយទៅជាវីរៈបុរសក្នុងប្រវត្តិសាស្ត្រ នៃប្រទេសកម្ពុជាយើងជាមិនខាន»។
ជាមួយគ្នានេះ លោក កឹម សុខា ក៏បានប្តេជ្ញាបន្តប្រកាន់យកវប្បធម៌សន្ទនា ជាមួយរដ្ឋាភិ បាលកម្ពុជា ក្នុងការជួយស្វែងរកឃាតករ ដែលបានគប់គ្រាប់បែក សម្លាប់ជនរងគ្រោះ និងរងរបួសជិត ១០០នាក់ នៅក្បែរវិមានរដ្ឋសភាចាស់ នៅឆ្នាំ១៩៩៧ ផងដែរ៕
សំឡេងលោក កឹម សុខា
ការថ្លែងរបស់លោក កឹម សុខាបែបនេះ ធ្វើឡើងនៅក្នុងពិធីបង្សុកូលរាប់បាតដើម្បីឧទ្ទិសកុសលជូនដល់វិញ្ញាណក្ខន្ធបាតុករដែលបាត់បង់ជីវិតដោយសារការគប់គ្រាប់បែក កាលពី ឆ្នាំ១៩៩៧ នៅថ្ងៃទី៣០ ខែមីនានេះ។
លោក កឹម សុខា បានថ្លែងយ៉ាងបញ្ជាក់ថា វប្បធម៌សន្ទានមិនត្រូវយកស្ពាន គឺការសន្ទនា ទៅជាន់ពន្លិច ក្រុមភាគីម្ខាងទៀត និងប្រជាពលរដ្ឋនោះទេ។ អនុប្រធានទីមួយនៃរដ្ឋសភា និងជាប្រធានស្តីទីគណបក្សសង្គ្រោះជាតិ (CNRP) បានមានប្រសាសន៍ថា កន្លងមក កម្ពុជាតែងតែទៅពឹងបរទេស ក្នុងការជួយរកដំណោះស្រាយបញ្ហាក្នុងប្រទេស ដោយសារតែ មិនជឿទុកចិត្តខ្មែរគ្នាឯង ដូច្នេះបានជាទៅពឹងបរទេសឲ្យមកជួយបញ្ចប់ជម្លោះ។
លោកថ្លែងបែបនេះ គឺស្របពេលដែរ គណបក្សប្រជាជនកម្ពុជា និងគណបក្សសង្គ្រោះជាតិ ប្រកាន់យកវប្បធម៌អង្គុយសន្ទនាគ្នារកដំណោះស្រាយនាពេលបច្ចុប្បន្ន។ លោកបន្តបញ្ជាក់ថា រដ្ឋសភាបានបង្កើតក្រុមសភាភាគច្រើន និងក្រុមសភាភាគតិច ដូច្នេះក្រុមការងារអាចបង្កើន ជំនឿចិត្តរវាងគ្នា តាមរយៈការសន្ទនាគ្នានេះ។ ប៉ុន្តែលោកបញ្ជាក់ដែរថា ក្រុមការងារគណបក្ស ទាំងពីរមិនត្រូវយកវប្បធម៌សន្ទនានេះ ធ្វើជាឈ្នាន់ ដើម្បីជាន់ពន្លិចភាគីម្ខាងណាមួយឡើយ។
បើទោះបីជាកន្លងមក លោកនាយករដ្ឋមន្ត្រី ហ៊ុន សែន ធ្លាប់ព្រមានចាត់វិធានការ តាមប្រព័ន្ធតុលាការក៏ដោយ ក៏លោក កឹម សុខា មិនបានរំលឹកនោះឡើយ។ លោកលើកឡើងតែ វប្បធម៌សន្ទនាគ្នាប៉ុណ្ណោះ។
លោកថា៖«បើគ្រាន់តែយកស្ពានហ្នឹង គ្រាន់តែសម្រាប់ ពន្លិចក្រុមម្ខាងទៀត សម្រាប់បោកប្រាស់ប្រជារាស្ត្រទេ គឺយើងមិនអាចមានជំនឿទុកចិត្តលើគ្នាបានទេ។ ស្ពាននេះហើយ ស្រេចទៅលើមេ ដឹកនាំបក្សទាំងពីរហ្នឹង សម្រេចប្រើស្ពានហ្នឹង តើប្រើដើម្បីអី? បើប្រើសម្រាប់ជួយរកយុត្តិធម៌ជូនប្រជាពលរដ្ឋ ដើម្បីកសាងសន្តិភាពជូនជាតិ អស់លោកអ្នកដឹកនាំទាំងអស់ហ្នឹង នឹងក្លាយទៅជាវីរៈបុរសក្នុងប្រវត្តិសាស្ត្រ នៃប្រទេសកម្ពុជាយើងជាមិនខាន»។
ជាមួយគ្នានេះ លោក កឹម សុខា ក៏បានប្តេជ្ញាបន្តប្រកាន់យកវប្បធម៌សន្ទនា ជាមួយរដ្ឋាភិ បាលកម្ពុជា ក្នុងការជួយស្វែងរកឃាតករ ដែលបានគប់គ្រាប់បែក សម្លាប់ជនរងគ្រោះ និងរងរបួសជិត ១០០នាក់ នៅក្បែរវិមានរដ្ឋសភាចាស់ នៅឆ្នាំ១៩៩៧ ផងដែរ៕
© រក្សាសិទ្ធិដោយ thmeythmey.com
