កីឡាជាតិ
AFC U23៖ ទិត្យ ឌីណា និង ចាន់ វឌ្ឍនាកាស្ថិតក្នុងជម្រើសដំបូងក្នុងជំនួបជាមួយហ្វីលីពីន
×
ខ្សែបម្រើក្លិបអគ្គស្នងការនគរបាលជាតិ ទិត្យ ឌីណា មានឈ្មោះចូលលេងជាលើកដំបូងក្នុងការប្រកួតជម្រុះ AFC U-23 Championship ខណៈកម្ពុជាត្រូវប្រកួតបង្គ្រប់កិច្ចជាមួយហ្វីលីពីនក្នុងពូល G នាវេលាម៉ោង៤រសៀលនេះនៅកីឡដ្ឋាន Rajamangalaក្រុងបាងកក ប្រទេសថៃ។
ទិត្យ ឌីណា ដែលជាជាប់ជាកីឡាករឆ្នើមប្រចាំព្រឹត្តិការណ៍ពានរង្វាន់សម្តេច ហ៊ុន សែន កាលពីឆ្នាំ២០១៤ ស្ថិតក្នុងតំណែងជំនួសខ្សែបម្រើ ផាន់នី អ៊ីរដ្ឋា នៃក្លិបស្វាយរៀង ដែលបានបង្ហាញខ្លួនពីរលើកជាប់ៗគ្នានាជំនួបជាមួយម្ចាស់ផ្ទះថៃ និងកូរ៉េខាងជើង។
ស្របពេលជាមួយគ្នានេះផងដែរ កីឡាករឆ្នើម ចាន់ វឌ្ឍនាកា នៃក្លិបបឹងកេតអង្គរ បានចូលក្នុងជម្រើសដំបូងដើម្បីចាប់ដៃគូជាមួយ ប្រាក់ មុន្នីឧត្តម ដូចជាជំនួបជាមួយម្ចាស់ផ្ទះថៃ។ វត្តមានរបស់ វឌ្ឍនាកា នាំឲ្យ ង៉យ ស្រ៊ីន នៃក្លិបភ្នំពេញក្រោនចូលឈ្មោះជាកីឡាករបម្រុង។
ជម្រើសកម្ពុជាជាមួយហ្វីលីពីន៖
អ្នកចាំទី៖អ៊ុំ សេរីរ័ត្ន
ខ្សែការពារ៖សឿយ វិសាល រស់ សំអឿន, នេន សុធារ័ត្ន, ណុប តុលា
ខ្សែបម្រើ៖ហួយ ផល្លីន, សំអឿន ពិដោរ, សារី ម៉ាត់ណូរ៉ូទីន, ទិត្យ ឌីណា,
ខ្សែប្រយុទ្ធ៖ចាន់ វឌ្ឍនាកា និង ប្រាក់ មុន្នីឧត្តម៕
© រក្សាសិទ្ធិដោយ thmeythmey.com