អន្តរជាតិ
នយោបាយអន្តរជាតិ
លោកពូទីន ប្រើកងទ័ពសម្ងាត់ trolls ព័ត៌មានក្លែងក្លាយហើយផ្សាយពេញអ៊ីនធើណែត
×![]()
ប្រធានាធិបតីរុស្ស៊ីលោកវ្ល៉ាឌីមៀរពូទីនបានចំណាយប្រាក់ជាច្រើន ដើម្បីជួលកងទ័ពសម្ងាត់មួយក្រុម ដែលមានជំនាញផ្នែកប្រឌិតព័ត៌មាននៅតាមបណ្តាញសង្គមឬដែលគេស្គាល់ថា ពួក trolls នោះ យកមកធ្វើការផ្នែកប្រឌិតព័ត៌មានក្លែងក្លាយពីរូបគាត់ រួចហើយយកទៅដាក់ផ្សាយតាមអ៊ីនធើណែត។
បុរសម្នាក់ដែលធ្លាប់ធ្វើការនៅក្នុងក្រុមtrolls នេះបានប្រាប់វិទ្យុRadio Free Europeថាអ្នកធ្វើការនៅក្នុងក្រុមនេះ គឺត្រូវតែសរសេរព័ត៌មានមួយដែលជាទស្សនរបស់នរណាម្នាក់ ដែលមិនមែនជារឿងពិតពាក់ព័ន្ធនឹងលោក ពូទីន នោះទេ។
បុរសដែលមិនបង្ហាញអត្តសញ្ញាណវ័យ ២២ ឆ្នាំម្នាក់នេះ បានឲ្យដឹងទៀតថា ពួកគេអាចសម្រេចចិត្តថា ពួកគេមានគំនិតអ្វីមួយ ពាក់ព័ន្ធនឹងសំដីរបស់ លោកពូទីននៅពេលដែលលោកបាននិយាយនៅពេលណាមួយ រួចហើយបង្កើតវាធ្វើព័ត៌មានក្លែងក្លាយ រួចបង្ហោះទៅក្នុងអ៊ីនធើណែត។
អតីតក្រុមការងារសម្ងាត់នេះ ក៏បានបង្ហើបឲ្យដឹងផងដែរថា ប្រាក់ខែរបស់ក្រុមtrolls គឺទទួលបាន ៧០០ដុល្លារក្នុងមួយខែ ហើយធ្វើការដោយផ្លាស់ប្តូរវេនគ្នា ១២ម៉ោងម្ដងនៅខាងមុខកុំព្យូទ័រ ដែលមានទីតាំងស្ថិតនៅក្នុងទីក្រុង St. Petersburgនៅក្នុងបន្ទប់មួយដែលគេហៅថា troll factory ដើម្បីសរសេរប្លុកនិងចុះផ្សាយព័ត៌មានក្លែងក្លាយ ពាក់ព័ន្ធនឹងលោកពូទីន៕
© រក្សាសិទ្ធិដោយ thmeythmey.com
